(හර්ෂණ තුෂාර සිල්වා)
ශ්රී ලංකාවට නැගෙනහිර දෙසින් සංගමන් කන්ද ආසන්න මුහුදේ ඇති බොරතෙල් ප්රවාහන නෞකාවේ ඇති වූ ගින්න ‘සෑහෙන දුරකට පාලනය කර ඇතැයි’ නාවික හමුදාවේ ප්රකාශක කපිතාන් ඉන්දික ද සිල්වා මහතා අද (4) පස්වරුවේ පැවැසීය.
ගින්න නිවීම සඳහා යුද නැව් ද ඇතුළුව නාවික යාත්රා 11ක් යොදවා ඇතැයි ද අද (4) රාත්රී 9 පමණ වනවිට ගින්න සෑහෙන දුරකට පාලනය කර ඇතැයි ද කපිතාන් ඉන්දික ද සිල්වා මහතා කීය.
ගින්න සැලකිය යුතු ලෙස පාලනය කරගැනීමට සමත්ව ඇති හෙයින් නෞකාව ගැඹුරු මුහුද දෙසට ගෙන යාමට උත්සාහ කරමින් සිටින බව ද හෙතෙම කීවේය.
ශ්රී ලංකා නාවික හමුදාවේ ඉල්ලීම පරිදි රුසියානු යුද නැව් දෙකක් ද ගින්න නිවීමේ කටයුත්ත සඳහා සහාය දුන් බවත් එම යාත්රා දෙක පිටව ගිය බවත් ඔහු කීවේය.
ඊයේ රාත්රීය වනවිට ගින්න නිවීම සඳහා ශ්රී ලංකා නාවික හමුදාවට අයත් නෞකා තුනක්, ඉන්දීය නාවික හමුදාවට අයත් නෞකාවක්, ඉන්දීය වෙරළ ආරක්ෂක බළකායට අයත් යාත්රා 3ක්, ටග් බෝට්ටු 4ක් යොදවා ඇතැයි ද හෙතෙම කීය.
ටග් බෝට්ටු හතරෙන් දෙකක් හම්බන්තොට වරායේ තිබූ රාවණා සහ වසභ යන ටග් බෝට්ටු බවත් අනෙක් දෙක බොරතෙල් නෞකාව අයත් සමාගම මුදල් ගෙවා ගෙන්වා ගත් විශේෂිත ටග් බෝට්ටු බවත් නාවික හමුදා මාධ්ය ප්රකාශවරයා තවදුරටත් කීය.
‘නිව් ඩයමන්ඩ්’ යනුවෙන් හැඳින්වෙන මෙම නෞකාව පැනමාවේ ලියාපදිංචි කරන ලද නෞකාවකි.
කුවේට් රාජ්යයේ මිනා අල් අහ්මිදි වරායේ සිට ඉන්දියාවේ පරදිප් වරාය වෙත ගමන් කරමින් තිබූ බව රොයිටර්ස් පුවත් සේවය වාර්තා කර තිබිණි. මෙම නෞකාව ඉන්දීය ඔයිල් සමාගම (අයි.ඕ.සී.) සමාගම කුලියට ගත් නෞකාවක් බව ද එම පුවත් වාර්තාවේ දැක්විණි.
මෙම නෞකාව බොරතෙල් ටොන් 270,000ක් සහ ඩීසල් ටොන් 1,700ක් රැගෙන ගමන් කරමින් තිබී ඇත.
නෞකාවේ එන්ජින් කාමරයේ ඇති වූ පිපිරීමක් හේතුවෙන් මෙම ගින්න ඇති වී තිබෙන අතර ඒ හේතුවෙන් පිලිපීන ජාතිකයකු මරණයට පත්ව ඇතැයි ශ්රී ලංකා නාවික හමුදාව සඳහන් කළේය. මෙම ගින්න ඇතිවූයේ බ්රහස්පතින්දා, එනම් පෙරේදා ය.
කාර්ය මණ්ඩලයේ ඉතිරි 22 දෙදෙනා (ග්රීක ජාතිකයන් පස්දෙනකු-පිලිපීන ජාතිකයන් 17 දෙනකු) මුදා ගැනීමට හැකි වූ බව ශ්රී ලංකා නාවික හමුදාව මීට පෙර සඳහන් කළේය.
සබැඳී - ගිනි ගන්නා නෞකාවේ ගින්න යම් තාක් දුරට නිවයි
2024 ජනාධිපතිවරණයේ ප්රතිඵල බලා ගැනීමට දෙස් විදෙස් ශ්රී ලංකිකයෝ නොඉවසිල්ලෙන් බලා සිටිති.
අනුර කුමාර දිසානායක මහතාගේ නායකත්වයෙන් යුත් නව පාලනයට සුභාශිංසන පළ කරන බව එක්සත් ජාතික පක්ෂ නියෝජ්ය නායක රුවන් විජයවර්ධන මහතා ජනපතිවරණ ප්රතිඵලය පි
ජාතික ජන බලවේගයේ නායක පාර්ලිමේන්තු මන්ත්රී අනුර කුමාර දිසානායක මහතා ශ්රී ලංකාවේ නවවෙනි විධායක ජනාධිපතිවරයා ලෙස හෙට(23) පෙරවරු 9.00ට කොළඹ ගාලු මුව දොර ප
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගිනි ගන්නා නෞකාවේ ගින්න යම් තාක් දුරට නිවයි