(අමදෝරු අමරජිව)

නැගෙනහිර මුහුදේ ගිනි ගන්නා ඉන්ධන නෞකාවේ ගින්න මැඩපැවැත්වීම සදහා  ගුවන් හමුදා  හෙලිකොප්ටර් යානා දෙකක් හා නාවික හමුදා නෞකා හතරක් ඉන්දීය වෙරළාරක්ෂක බළකායේ නෞකාවක් සමඟ වරාය අධිකාරියේ ටග් යාත්‍රාවක් කටයුතු කරමින් සිටින බව සමුද්‍රිය පරිසර ආරක්ෂණ අධිකාරිය පවසයි.

නෞකාව තුළ බොරතෙල් මෙට්ට්‍රික් ටොන් 270,000ක් ඇති අතර  එයට ගින්න පැතිර ගොස් නැති බවත් එම බොරතෙල්  මුහුදට මිශ්‍ර විමක් සිදුවී නැති බවත්  සමුද්‍රීය පරිසර ආරක්ෂණ අධිකාරියේ සහකාර අධ්‍යක්ෂ (නැගෙනහිර) ටි.ශ්‍රීපති මහතා පැවසීය.

ගින්න හට ගන්නා අවස්ථාවේ සංගමන්කන්ද තුඩුවේ සිට නාවික සැතපුම් 38ක් ඈතින් තිබූ නෞකාව මේ වනවිට  සංගමන්කන්ද තුඩුවේ සිට නාවික සැතපුම් 25ක් ගොඩබිම දෙසට වන්නට ඇදී ගොස් ඇති බව  නාවික හමුදාව කියයි.

(ඡායාරූප - ගුවන් හමුදා මාධ්‍ය අංශය විසිනි)

සබැඳි

වැඩිදුර සේයා රූ 

තෙල් නැව තවමත් ගිනි ගනී