ලලිත් නවරත්න

පල්ලම විලත්තව දැදුරුඔය මායිමේ අධිකරණ නියෝග කඩකර නීතිවිරෝධී ලෙස වැලි ගොඩදමමින් සිටි පුද්ගලයකු අත්අඩංගුවට ගත්බව පල්ලම පොලීසිය පවසයි.

මෙසේ අත්අඩංගුවට පත්ව ඇත්තේ එම ප‍්‍රදේශයේම දැදුරුඔය මායිමේ පදිංචි පුද්ගලයෙකි. 

පුද්ගලයින් කීපදෙනෙකු වැලිගොඩ දමන බවට ප‍්‍රදේශවාසීන්ගෙන් ලද තොරතුරකට අනුව මෙම වැටලීම සිදුකර ඇත.

පොලීසිය එම ස්ථානයට යනවිට එම ස්ථානයේ වැලිකැනීම් සිදුකරමින් සිටි කිහිප දෙනෙකු පැනගොස් ඇති අතර එක් පුද්ගලයකු වැලිකැනීමට යොදාගත් උපකරණ ද සමඟ අත්අඩංගචට ගෙන ඇත.

මීට පෙර එම ස්ථානයේ සිට ටිපර් රථ කීපයකින් වැලි ප‍්‍රවාහනය කරන බවට පොලීසියට තොරතුරු ලැබුණ ද ප‍්‍රවාහනයේ දී එම වාහන සම්බන්ධයෙන් නීතිමය ක‍්‍රියාමාර්ග ගත නොහැකි බව එම පොලිස් නිළධාරීන් පවසයි.

මේවන විට ප‍්‍රවාහනයට ඇති බාධා ඉවත් වීමෙන් දැදුරුඔයේ ස්ථාන ගණනාවකින් වැලිගොඩ දැමීම සිදුකරන බව ප්‍රදේශවාසීහු පවසති.

අත්අඩංගුවට ගත් සැකකරු අධිකරණයට ඉදිරිපත් කිරීමට නියමිතය.