(අප්සරා යෝසිත් විජේසූරිය)
දස වසරකට පෙර බාලවයස්කාර දැරියකට අවස්ථා තුනකදී බරපතල අපයෝජනය කිරීම් සම්බන්ධව චෝදනාලද පුද්ගලයෙකු වරදකරු කළ, රත්නපුර පළාත්බද මහාධිකරණ ශාලා අංක එකෙහි විනිසුරු නවරත්න මාරසිංහ මහතා එම විත්තිකරුට එරෙහි චෝදනා තුනටම වෙන් වශයෙන් දඩුවම් නියම කළ අතර, එක් චෝදනාවකට වසර 12ක් බැගින් සිරදඩුවම් නියම කර චෝදනා තුනටම වසර 36 ක සිරදඩුවම් නියම කළේය.
මෙසේ වසර 36ක සිරදඬුවම් නියමවූයේ රත්නපුර මල්වල ඕලුගල පදිංචි එස්.ඒ. සෝමදාස නොහොත් කංකානම් මාමා අන්වර්ථ නාමයෙන් හඳුන්වන වැඩිහිටි පුද්ගලයෙකි.
මීට අමතරව විත්තිකරුට එරෙහි චෝදනා තුනටම එක් චෝදනාවකට රුපියල් 25,000 බැගින් දඩමුදල් ගෙවීමට නියම කළ මහාධිකරණ විනිසුරුවරයා විත්තිකරු දඩමුදල් නොගෙවන්නේ නම් එක් චෝදනාවකට මාස හය බැගින් වන පරිදි චෝදනා තුනට වෙන් වශයෙන් විත්තිකරුට සාමාන්ය සිරදඩුවම් නියම කළේය.
එසේම, විත්තිකරුට එරෙහි බරපතල ලිංගික අපයෝජනය සම්බන්ධ එක් චෝදනාවකට ලක්ෂ දෙක බැගින් වන පරිදි විත්තිකරු විසින් අපයෝජනයට ලක් කළ වින්දිත දැරියවූ තරුණියට වන්දි මුදල් ගෙවීමට මහාධිකරණ විනිසුරුවරයා නියම කළේය.
එය පැහැර හරින්නේ නම් විත්තිකරුට එක් චෝදනාවකට වසරක් බැගින් චෝදනා තුනට වෙන් වශයෙන් සාමාන්ය සිර දඬුවම් නියම කළේය.
මෙහිදී විත්තිකරු එම දඩ සහ වන්දි මුදල් ගෙවීම් පැහැර හරින්නේ නම් චෝදනා තුනට අදාලව සිර දඩුවම් කාලසීමාවන් වෙන් වෙන් වශයෙන් ගෙවීයායුතු බවටත් මහාධිකරණ විනිසුරුවරයා නියෝග කළේය.
මෙම නඩුවේ විත්තිකරු ගෙවන දඩමුදල්වලින් 20%ක ප්රතිශතයක් වින්දිතයන් සුරැකීමේ අරමුදලට බැර කළයුතු බවටත් විනිසුරුවරයා මෙහිදී නියම කළේය.
වසර 2010 දී සිදුව ඇති මෙම ලිංගික අපයෝජන සිදුවීම් පිලිබඳව එකල බාලවයස්කාරික වූ අපරාධ වින්දිත දැරිය තමා අධ්යාපන ලැබූ පාසලේ පන්තිභාර ගුරුතුමිය සහ තවත් ගුරුවරුන් මෙම සිදුවීම පිලිබඳ පැවසීමෙන් පසු එම ගුරුවරුන් විසින් ජාතික ළමාරක්ෂක අධිකාරිය වෙත පැමිණිලි කිරීමෙන් පසුව රත්නපුර පොලිසිය ළමා හා කාන්තා කාර්යාංශය මගින් මේ පිළිබඳ පොලිස් විමර්ශන ආරම්භ කර තිබුණි.
වසර 2010 ජනවාරි 01 දිනත් 2010 දෙසැම්බර් 31 දිනත් අතර කාලයදී රත්නපුර අධිකරණ බල ප්රදේශයේ ඕලුගලදී බාලවයස්කාර දැරියකට බරපතල ලිංගික අපයෝජනය සිදුකිරීම සම්බන්ධව විත්තිකරුට එරෙහිව අධිචෝදනා තුනක් ගෙනුකර එවකදී නිතිපති ජයන්ත චන්ද්රසිරි ජයසූරිය මහතා විසින් රත්නපුර පළාත්බද මහාධිකරණයෙහි මෙම නඩුව පවරා තිබිණි.
විත්තිකරුගේ අපයෝජනයට ලක්වූ මෙම නඩුවේ අපරාධ වින්දිත දැරිය එම අපයෝජන සිදුවීම් සිදුවන විට, ඇය පදිංචි ඕලුගල ප්රදේශයට ආසන්න පාසලක පහ වසරේ අධ්යාපනය ලැබූ බාලවයස්කාර දැරියක බව නඩුවේ සාක්ෂි විභාගයදී අනාවරණය විය. ඇය ඇගේ නිවසේ කටයුත්තකට මැටි සොයගැනීමට විත්තිකරුගේ නිවසට පැමිණි අවස්ථාවේදීත් තවත් අවස්ථා දෙකකදීත් විත්තිකරු විසින් ඇයට බරපතල ලිංගික අපයෝජනයන් සිදුකර ඇති බවත් නඩුවේ සාක්ෂි විභාගයදී හෙළිදරව් වී තිබුණි.
මෙම නඩුවේ පැමිණිල්ලේ සාක්ෂි ලේඛනය අනුව අපරාධ වින්දිත දැරිය, එම දැරියගේ මව සහ පොලිස් විමර්ශන සිදුකළ රත්නපුර පොලිසියේ කාන්තා උප පොලිස් පරීක්ෂක අනුරුද්ධිකා, පොලිස් කොස්තාපල්(42893) ජයතිස්ස, දැරිය උප්පැන්නය පිළිබඳ විමසීමට රත්නපුර අතිරේක රෙජිස්ට්රාර් රත්නපුර ශීක්ෂණ රෝහල අධිකරණ වෛද්ය නිලධාරී කේපී පට්ටියවත්තගේ,කාන්තා පොලිස් පරීක්ෂක පුෂ්පලතා කාන්තා පොලිස් කොස්තාපල් (3356) යන නිලධාරීන් ඇතුළුව පැමිණිල්ලේ සාක්ෂි වශයෙන් සාක්ෂිකරුවන් 11ක් කැඳවූ බව සඳහන්වෙයි. අපරාධ වින්දිත දැරියගේ උප්පැන්න සහතිකය සහ ඇය පිළිබඳ අධිකරණ වෛද්ය වාර්තා යනාදිය නඩුගොනුවේ සාක්ෂි ලේඛනවල ඇතුලත්ව තිබුණි.
මේ නඩුවේදී පැමිණිල්ල වෙනුවෙන් පෙනී සිට කරුණු දැක්වීම රජයේ සමදරී පියසේන මහත්මිය විසින් සිදුකළ අතර, චූදිත වෙනුවෙන් රජයෙන් පත් කළ නීතීඥ නෙරංජන් චන්ද්රසේන මහතා අධිකරණය හමුවේ පෙනීසිටියේය.
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
දැරිය අපයෝජනය කළාට වසර 36ක සිර දඬුවමක්
fairoos Thursday, 16 July 2020 07:50 AM
කල්ගිහින් හරි සාධාරණයක් ඉටුවන එක හොඳයි. නඩුවකට අවුරුදු 10ක්...?
raween04Thursday, 16 July 2020 08:15 AM
බාලවයස්කාර අපයෝජනයට දැඩි දඬුවම් දිය යුතුයි.