(තිලකරත්න දිසානායක)

කොළඹ මැනිං වෙළඳපොළ ආශ්‍රිත නාට්ටාමිවරුන් සහ කොළඹ ප්‍රදේශයේ යාචකයින් පිරිසක්  නිරෝධායනය පිණිස වේයන්ගොඩ, පත්තලගෙදර ගුරු අභ්‍යාස විද්‍යාල පරිශ්‍රයෙහි සිටියදී ඉන් 20 දෙනෙකු, කොවිඩ් 19 ආසාදිතයින් බවට තහවුරු වී ඇතැයි ගම්පහ සෞඛ්‍ය සේවා අධ්‍යක්ෂ මිගාර ඈපා මහතා සදහන් කරයි.

එම පරිශ්‍රයෙහි නාට්ටාමිවරුන් 112 දෙනෙකු සහ යාචකයින් 8 දෙනෙකු නිරෝධානය පිනිස යොමු කිරීමට පියවර ගෙන ඇති බවත් මින් 20 දෙනෙකු මෙලෙස කොවිඩ් ආසාදිතයින් බව හදුනාගෙන ඇති බවත් අධ්‍යක්ෂවරයා පැවසීය.

මේ අතර අද (24) සවස 4.00 වනවිට ගතවූ පැය 24 කාලය තුල ගම්පහ දිස්ත්‍රික්කයෙන් හදුනාගෙන ඇති කොවිඩ් ආසාදිතයින් සංඛ්‍යාව 24 දෙනෙකු බව සදහන් කළ සෞඛ්‍ය සේවා අධ්‍යක්ෂ මිගාර ඈපා මහතා කියා සිටියේ, අද සවස වනවිට දෙවන රැල්ලේ  දිස්ත්‍රික්කයේ මුළු ආසාදිතයින් සංඛ්‍යාව 4949 දෙනෙකු වන බවය.

අද සවස වනවිට දිස්ත්‍රික්කයෙහි , සෞඛ්‍ය වෛද්‍ය නිලධාරී කාර්යාල සහ රෝහල් මගින් පී.සී.ආර් පරීක්ෂාවට  ලක් කර ඇති මුළු සංඛ්‍යාව 73,840 දෙනෙකි.