බ්රිතාන්යයේ ලන්ඩන් අගනුවරට අද (16) සිට දැඩි සීමා පනවන බව එරට සෞඛ්ය ලේකම් (අමාත්ය) මැට් හැන්කොක් පැවැසීය.
ඒ අනුව ලන්ඩන් නුවර එසෙක්ස් ප්රදේශයේ වැඩි කොටසකටත් හර්ට්ෆෝර්ඩ්ෂයර්හි ප්රදේශවලටත් මෙම සීමා පැනවේ.
නව ක්රියාමාර්ග හේතුවෙන් මිලියන 34කට ආසන්න ජනතාවකට දැඩි සීමාවලට මුහුණ දීමට සිදු වේ.
‘කොවිඩ්-19’ හෙවත් නව කොරෝනා වයිරසයේ නව ප්රභේදයක් හඳුනාගෙන ඇති බවත් ලන්ඩන් නුවරින් වේගයෙන් වයිරස ආසාදිතයන් හමු වීමත් ශීඝ්රයෙන් වයිරසය ව්යාප්ත වීමටත් එම නව ප්රභේදය හේතුවක් වන්නට ඇතැයි ද මැට් හැන්කොක් පැවැසීය.
බීමහල් සහ අවන්හල්වල් විවෘතව තැබිය හැකි වුවද ඒවායේ නැවතී ආහාර ගත නොහැකි අතර ආහාර රැගෙන යෑම සහ බෙදාහැරීම කළ හැකි ය.
නව සීමාවලට අනුව ක්රීඩාංගන සහ ගෘහස්ථ ක්රීඩාංගන පැවැත්වෙන ඉසව් නැරැඹීමට ප්රේක්ෂකයන්ට නොහැකි අතර නාට්ය හා රංගශාලා මෙන්ම සිනමා ශාලා ද වසා දැමිය යුතු ය.
නව කොරෝනා වයිරසය තවමත් අවසන් නැතැයි ද වයිරසයේ නව ප්රභේදය රටටම අනතුරු ඇඟවීමක් ද කරන්නේ යැයි ද සෞඛ්ය ලේකම් මැට් හැන්කොක් කීය.
එක්සත් රාජධානියෙන් සඳුදා දිනයේදී පමණක් වාර්තා වී ඇති නව කොරෝනා වයිරස ආසාදිතයන්ගේ ගණන 20,263ක් වන අතර වාර්තා වී ඇති වයිරස ආසාදිත මරණ ගණන 232කි.
මේ අතර ලන්ඩන් අගනුවරින් දෛනිකව වාර්තා වන නව කොරෝනා වයිරස ආසාදිතයන්ගේ ගණන වේගයෙන් ඉහළ යමින් තිබෙන බවත් තත්ත්වය පාලනය කරගත හැකි මට්ටමකට ගෙන ඒම සඳහා ආණ්ඩුව මැදිහත් විය යුතු බවත් එනුවර පුරපති සදීක් ඛාන් පවසා ඇත.
ලන්ඩන් නගරාධිපති සදීක් ඛාන් මේ සම්බන්ධයෙන් බ්රිතාන්ය අග්රාමාත්ය බොරිස් ජොන්සන්ට ලිපියක් ද යවා ඇති අතර දෛනිකව වාර්තා වන වයිරස ආසාදිතයන් සැලකිල්ලට ගැනීමේදී අගනුවර කෙරෙන ‘කොවිඩ්-19’ ආසාදිතයන් හඳුනාගන්නා පී.සී.ආර්. පරීක්ෂණ වැඩි කරන්නැයි ද ඉල්ලීමක් කර ඇත.
ඉදිරියේදී ලන්ඩන් නගරයට සීමා පනවන්නේ නම් එයින් බලපෑමට ලක්වන ව්යාපාර සඳහා සහන සැලසීම සහන වැඩසටහනක් ද ක්රියාත්මක කරන්නැයි නගරාධිපතිවරයා සිය මගින් අග්රාමාත්යවරයාගෙන් ඉල්ලා ඇත.
ලන්ඩන් නුවරින් වාර්තා වන වයිරස ආසාදිතයන් සැලකිල්ලට ගනිමින් දැනට පනවා තිබෙන දෙවැනි මට්ටමේ සීමා තෙවැනි මට්ටම දක්වා ඉහළ නංවන්නේ නම් එයින් ව්යවසනකාරී ආර්ථික බලපෑමක් සිදුවනු ඇතැයි ද සිය දහස් ගණනකට ඔවුන්ගේ ජීවනෝපාය අහිමි වනු ඇතැයි ද ලන්ඩන් නගරාධිපතිවරයා සිය ලිපියෙන් අනතුරු අඟවා ඇත.
එංගලන්තයට පනවා ඇති සියලූම සීමා සම්බන්ධයෙන් අද (16) වැනිදා නැවත විමසීමක් කිරීමට නියමිත ය.
රොයිටර් සහ බී.බී.සී. ඇසුරිනි
055
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්රභේදයක්, මේ වනවිට, එක්සත් රාජධානිය පුරා ව්යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්ය සේවා අධ්යක්ෂ ජනරාල්වරයා පස්වරුවේ නිවේදනය කළේය.
‘කොවිඩ්’ ආසාදිතවූ තවත් පුද්ගලයන් සිවුදෙනකු ඊයේ (22) මරණයට පත් වී ඇතැයි සෞඛ්ය සේවා අධ්යක්ෂ ජනරාල්වරයා අද (23) පස්වරුවේ තහවුරු කළේය.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ලන්ඩන් නුවරට දැඩි සීමා