නව කොරෝනා වයිරස එන්නතක් පිළිබඳව බලාපොරොත්තුව යථාර්ථයක් කරමින් ඉදිරි දින කිහිපය ඇතුළත සිය එන්නත සඳහා අවසර ලබාගැනීමට බලාපොරොත්තු වන ඇමෙරිකා එක්සත් ජනපදයේ ඖෂධ නිෂ්පාදන සමාගමක් වන ‘ෆයිසර්’ සමාගම නිවේදනය කරයි.
සිය නව කොරෝනා වයිරස එන්නත 95%ක සාර්ථකත්වයක් පෙන්වා ඇතැයි ද එම සමාගම සඳහන් කරයි. සිය එන්නතෙන් කිසිදු දරුණු අතුරු ආබාධයක් නැතැයි ද එම සමාගම නිවේදනය කර තිබෙන අතර එන්නතේ අවසන් අදියරේ පළමු සම්පූර්ණ ප්රතිඵලය නිකුත් කරමින් ඒ බව සඳහන් කර ඇත.
දෛනිකව වාර්තා වන නව කොරෝනා වයිරස ආසාදිතයන්ගේ ගණන මේ වනවිට වේගයෙන් ඉහළ යමින් තිබෙන අතර ගෝලීයව නිෂ්පාදනය කෙරුණු එන්නත් කිහිපයක්ම මේ වනවිට අවසන් අදියරේ සායනික අත්හදා බැලීම්වලට යොමු කර තිබේ.
මෙම එන්නත ලබාගැනීමෙන් දරුණු සහ මද තත්ත්ව යටතේ ‘කොවිඩ්-19’ හෙවත් නව කොරෝනා වයිරසය ආසාදනය වීමෙන් ආරක්ෂා විය හැකි බව නව දත්තවලින් පෙනී යන්නේ ද ‘ෆයිසර්’ සමාගම සඳහන් කරයි.
නව කොරෝනා වයිරසය ආසාදනය වීමේ දැඩි අවදානමක් ඇති සහ වයිරසය ආසාදනය වීමෙන් අසාධ්ය තත්ත්වයට පත්වීමේ අවදානම් ඇති වැඩිහිටියන්ට එන්නත ලබාදුන් බවත් එය සියයට 94ක සාර්ථකත්වයක් පෙන්නුම් කළ බවත් එම සමාගම කියයි. ඇතැම් එන්නත් වැඩිහිටියන්ට යහපත් අයුරින් ප්රතිචාර නොදක්වන අවස්ථාවක නව කොරෝනා වයිරස එන්නත මේ ආකාරයෙන් සාර්ථකත්වය පෙන්නුම් කිරීම විශේෂත්වයක් බව ද එම සමාගම කියයි.
ජර්මනියේ බයෝටෙක් සමාගම හා එක්ව ෆයිසර් සමාගම මෙම එන්නත අත්හදා බලමින් සංවර්ධනය කළේය. එන්නතක් පිළිබඳ බලාපොරොත්තු යථාර්ථයක් බවට පත් කරමින් ඉදිරි දින කිහිපය ඇතුළත එන්නත සඳහා අවසර ලබාගැනීමට බලාපොරොත්තු වන බවත් එම සමාගම සඳහන් කරයි.
ඒ අනුව ඇමෙරිකා එක්සත් ජනපදයේ ආහාර සහ ඖෂධ අධිකාරියේ අවසරය ඉතා ඉක්මනින් ලබාගැනීමට බලාපොරොත්තු වන බව ද එම සමාගම කියයි.
මෙම එන්නත අත්හදා බැලීමේ කටයුතු ආරම්භ කර වසරක් යන්නටත් මත්තෙන් ප්රතිඵල පෙන්වීමට විද්යාඥයන් සහ පර්යේෂකයන් සමත්වීම ද විශේෂත්වයකි. සාමාන්යයෙන් මෙවැනි කාර්යයක් සඳහා වසර ගණනාවක් ගත වන අතර මෙම එන්නත සාර්ථකත්වය පෙන්නුම් කිරීමත් සමඟ සියලු වාර්තා බිඳ වැටී ඇතැයි ද විදෙස් මාධ්ය වාර්තා කරයි.
මෙම එන්නත මාත්රා දෙකකින් සමන්විත වන අතර ඇමෙරිකා එක්සත් ජනපදයේ ආහාර සහ ඖෂධ අධිකාරියේ අවසරය ලැබුණහොත් මේ වසර අවසන් වීමට පෙර එන්නත් මාත්රා මිලියන 50ක් නිෂ්පාදනය කළ හැකි බවත් ලබන වසර අවසන් වනවිට එන්නත් මාත්රා බිලියන 1.3ක් නිෂ්පාදනය කළ හැකි බවත් ෆයිසර් සමාගම සඳහන් කරයි.
කෙසේ නමුත් එම සමාගමේ සැපයුමෙන් අඩක් ලැබෙන්නේ ඇමෙරිකා එක්සත් ජනපදයට ය. එනම් අදාළ එන්නත මුලින්ම ලැබෙන්නේ ඇමෙරිකාවේ ජනගහනයෙන් මිලියන 12.5කට ය. ඇමෙරිකාවේ ජනගහනය මිලියන 330කි. ඇමෙරිකා එක්සත් ජනපදයේ මධ්යම ආණ්ඩුව ෆයිසර් සමාගම සමඟ ගිවිසුමට එළැඹ සිටින අතර ඒ අනුව ඇමෙරිකානුවන්ට එම එන්නත ලැබෙන්නේ නොමිලේ වීම ද විශේෂත්වයකි. ඇමෙරිකානු ඩොලර් බිලියන 1.95ක අදාළ ගිවිසුමට අනුව එන්නත් මිලියන 100ක් ඇමෙරිකාවට නොමිලේ ලැබෙනු ඇත.
ඒ.එෆ්.පී./රොයිටර්
055
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ෆයිසර් සමාගමේ කොරෝනා වැළැක්වීමේ එන්නතට අවසර ඉල්ලයි
Saman Thursday, 19 November 2020 04:55 PM
දැන් පහුගිය කාලයේ ඇමරිකාවට බැන බැන හිටපු සිරි ලංකික ජනතාව මොනවත් නොකියාවී.. ඇමරිකාවේ ඉන්න අපිට එපා වෙලා තිබුනේ ලංකාවේ අයගේ මෝඩ තර්ක. අපිත් ලාංකිකයෝ තමා... නමුත් අපි ඉන්න රටට ගැරහීමට අපි ඉදිරිපත් නොවෙමු.
banda Thursday, 19 November 2020 10:12 PM
අපේ සුදර්ශන පැනියට මොකද වෙන්නේ. ලෝක සෞඛ්ය සංවිධානයෙන් අවසර ගන්න බැරිද.?