(කරන්දෙණිය – එම්. සුසිල් ප්රියන්ත)
රට වැසීම ප්රකාශයට පත් කිරීමත් සමඟම වෙළෙඳසලේ ඇතිවූ තදබදයෙන් හොරා කෑමට දෙවැනි වරත් ගිය අයකුට දින නියමයක් නැතිව නිවසේ නිරෝධායනයට ලක්වීමට සිදුවූ අපූරු පුවතක් අපේ පළාතෙන් අසන්නට ලැබේ.
වැඩිවෙමින් පවතින කොරෝනා ව්යසනය හමුවේ රජය දින දහයකට රට වසන බව දැනුම් දුන්නේ ගිය සතියේ සිකුරාදා පස්වරුවේදීය. ඒ සමගම නගරයේ මෙන්ම ගමේ ගොඩේ වෙළෙඳසල් ද ජනයාගෙන් පිරීයාමට පටන් ගත්තේය. ඒ රට වැසූ දින දහයට අවශ්ය අඩුමකුඩුම ලබාගැනීමට ය.
මේ අවස්ථාවෙන් ප්රයෝජනයක් ගැනීමට සිතූ කතානායකයා තෝරා ගත්තේ ඒ අවස්ථාවේදී ඇඟිල්ලක් ගැසීමටවත් ඉඩක් නැතිව ජනයාගෙන් පිරී තිබූ නගරයේ වෙළෙඳසලකි. එහිම වූ මල්ලක් ගෙන භාණ්ඩ රැසක් පුරවාගත් ඔහු මිල ගෙවන පෝලිමේ රැඳී හුන්නේය. ඒ එක්කම “ආ මට අමතක වුණා. අපේ නෝනා කිව්වානේ කොත්තමල්ලිත් ගේන්න කියලා” යයි කියමින් ඔහු අනෙක් අයට ද කියා එතනින් පැන කොත්තමල්ලි පැකට්ටුවකුත් ගෙන යළිත් මිල ගෙවන පෝලිමට නොගොස් එතනින් මාරු වී ආවේය.
මේ අවස්ථාවෙන් යළිත් ප්රයෝජනයක් ගැනීමට සිතූ ඔහු තමා ගත් භාණ්ඩ නගරයේ දන්නා හඳුනන නිෙවසක තබා එම වෙළෙඳසලට යළිත් ගියේ එහි තත්ත්වය කෙසේද යන්න නිරීක්ෂණය කිරීමටය. ඒ අවස්ථාවේදී තමා කලින් බඩු ලබාගන්නා අවස්ථාවට වඩා දෙගුණයක් සෙනඟ සිටිනු දුටු ඔහු යළිත් එම වෙෙළඳසලට ගොඩවූයේ නැවතත් හොරා කෑමටය.
ඔහුගේ දෙවැනි ප්රයත්නය නිමවූයේ වෙළෙඳසලේ සේවකයකු ඔහු ගැන ඇහැ ගහගෙන සිටීම හේතුවෙනි. කරුණු කාරණා වෙළෙඳසල් හිමියා ඇතුළු පිරිසට ඒත්තු ගියේය. ඔහු කලින් හොරාට ගත්තු බඩු මල්ලයි දැන් ගත්තු බඩු මල්ලයි එක්ක වෙෙළඳසලේ ඉදිරිපිට කණුවක ගැටගැසුවේ වෙෙළඳසලේ වෙළඳාම ද තාවකාලිකව නතර කර දමමිනි. ඒ අන් අයටද එමගින් ආදර්ශයක් ලබාදීමටය.
කණුවේ දිගෑලිවී ලජ්ජාවෙන් සිටි ඔහු නිදහස් කෙරුණේ මේ පිළිබඳ ආරංචිය දූ දරුවන්ට ද සැලවී ඔවුන් පැමිණ වෙළෙඳසලේ මුදල් ගෙවීමෙන් අනතුරුවය. ඒ වනවිට මේ සම්බන්ධයෙන් ගම දැනුවත් වී තිබුණේ ඔහුට නිෙවසින් එළියටවත් බැසීමට නොහැකි ආකාරයට නිරෝධායනයට ලක්වූවා මෙන්ය. ඔහුගේ මේ නිරෝධායන කාලය තීරණය වී ඇත්තේ ඔහු අතේය.
ආදි ශිෂ්ය සංගමයේ අරමුදල් තර කරන්න ගැසූ ආධාර ටිකට් පත්වලින් තම මඩිය තරකර ගන්න අපූරු විජ්ජාවක් දැමූ භාණ්ඩාගාරිකවරයකු පිළිබවඳ අපූරු කතාවක් දකුණු පළාතේ
බිරියගේ හන්දි අමාරුවකට බෙහෙත් ගැනීමට ගොස් සැමියාගේ හතර හන්දි කැඩුණු පුවතක් රජරට එපිට ගමකින් අසන්නට ලැබුණි. කතාව මෙසේය.
“මගේ යාළුවා මම අසල්වැසි යාළුවෙක් මට ලොකු කරදරයක් වුණා. ඒ නිසා මන් ඔහේගේ බයිසිකලය අරගෙන ගියේ. කරදරයක් වුණානම් සමාවෙන්න” යනුවෙන් දුරකථන අංකයක් සහිත ඉංග
ඇල්ශේෂන් වර්ගයේ බැල්ලියකගේ නූපන් පැටව් විකිණීම සඳහා අත්තිකාරම් ගත් බලු හිමියාට ඒවා ආපසු දීමට සිදු වී ඇති පුවතක් යාපහුව මැතිවරණ බල ප්රදේශයේ ගමකින්
කොළඹ පදික වේදිකාවෙන් මිලදීගත් රුපියල් තුන් සියයේ අත් ඔරලෝසුව රුපියල් තුන්දහසකට සින්න කරගත් අපූරු පුද්ගලයකු පිළිබඳ කතාවක් අම්බලන්ගොඩ නගරයෙන් අසන්නට
කාන්තාවකගේ කකුලක දණහිස කොටස නැවීමට නොහැකිව දැඩි රෝගී තත්වයකට පත්ව මාසයකට ආසන්න කාලයක් ප්රතිකාර ගත්තත් සුව නොවුණු රෝගය සඳහා සැමියා සමඟ ප්රතිකාර ග
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
රට වැසූ දා හොරාකන්න ගිහින් කණුවේ බැඳලා