අනියම් පෙමක පැටලී සිය විවාහක බිරිඳගේ සිත රිද වූ දෙදරු පියෙකුට අවසානයේ විවාහක බිරිඳත්, අනියම් පෙම්වතියත් යන දෙදෙනාම අහිමි වීමේ පුවතක් දකුණේ ගමකින් වාර්තා වේ.
වාර්තාවන අන්දමට සිද්ධිය මෙසේය.
දෙදරු පියෙකු වූ ඔහු සංචාරක ක්ෂේත්රයේ රැකියාවක් කළේය. ඔහුගේ බිරිඳ දෙපාර්තමේන්තුවක ලිපිකාරිනියක් ලෙස සේවය කළාය. මොවුන් දෙදෙනාට දීග යන වයසේ දියණියක් හා ලොකු මහත් වූ තරුණ පුතෙක් වූහ.
උදේ රැකියාවට පිටත්ව යන බිරිඳ ආපසු නිවෙසට ආවේ රෑ බෝවූ පසුවය. දින දෙක තුනක් එක දිගට රැකියාවේ යෙදී සිටින සැමියාට ඊළඟ දින දෙක තුන නිවාඩු ලැබුණි.
එසේ නිවාඩු ලැබෙන දින දෙක තුන නිවසේ ගත නොකළ ඔහු දිවා කාලයේ සිය මිතුරන් සමග කා බී විනෝද වී බිරිඳ එන වේලාවට ගෙදරට ඒමට පුරුදුව සිටියේය. මේ අතර නිවාඩු දිනවල නිකරුණේ කාලය ගත කරමින් සිටියදී අසල ගමක ජීවත් වූ ටිකක් හැඩකාර තරුණියක ඔහුට හඳුනා ගන්නට ලැබුණි.
දින සති මාස ගණන් ගතවෙද්දී මේ ඇසුර පෙමකට පෙරළළුණි. ඉන්පසු සිය නිවාඩු දිනවල මේ අනියම් පෙම්වතිය සමග ගමන් බිමන් යමින් පෙම් සුව විඳින්නට ඔහු පුරුදුව සිටියේය.
කාලය ගෙවී යද්දී මේ සැමියාගේ අනියම් ප්රේමය පිළිබඳ පුවත බිරිඳගේ කනට වැටුණි. ඒ පිළිබඳ තතු සොයා බැලූ ඇය මේ අනියම් ප්රේමය නවතා දමන ලෙස සිය සැමියාගෙන් ඉල්ලා සිටියාය.
එහෙත් තහනම් ගහේ ගෙඩි රස වැටී තිබූ සැමියා මේ අනියම් ඇසුර නතර කළේ නැත.
බිරිඳ සැමියාගෙන් කළ ඉල්ලීම් කෙරෙහි ඔහු අවනත නොවීම ගැන බිරිඳ දැඩි කනස්සල්ලෙන් පසු වූවාය. ඒ අතරේ දිනපතා ඇය ගමන් ගත් කාර්යාල බස් රථයේ ගමන් කළ තරුණයකු හා ඇයගේ අනියම් සම්බන්ධයක් හට ගත්තේ සැමියාගෙන් පළිගන්නට ඇගේ යටි සිත බල කළ නිසා වන්නට ඇත.
දෙදරු මවක වුවද කිව නොහැකි තරමට තරුණ පෙනුමකින් යුත් ඇය හා පෙමින් බැඳුණු තරුණයා ද රැකියාවක නියුතු හැඩකාරයෙකි.
කල් ගතවෙද්දී මේ අනියම් ප්රේමයද දලුලා වැඩුණු අතර තරුණයාගේ ඉල්ලීම මත ඇය එම තරුණයා හා දීගකන්නට ඔහුගේ නිවසටම ගියාය.
මෙය දැනගත් වහාම සැමියා සිය බිරිඳ සොයා ගොස් අනියම් ඇසුර නතර කරන්නට පොරොන්දු දී ඇය යළි තම නිවෙසට පැමිණෙන ලෙස කොතෙක් ඇවිටිලි කළත් ඇය ඊට එකඟ වූයේ නැත. තමුසෙ අර ගෑනිත් එක්කම ඉන්නවා යැයි පැවසූ ඇය සැමියාගේ ඉල්ලීම ප්රතික්ෂේප කළාය.
බැරිම තැන සැමියා ගොස් ඔහු හා එකට දීග කන්නට අනියම් ප්රේමය කළ තරුණියට කතා කළාය.
තමුසෙ වාගේ සල්ලාලයෙක් එක්ක ඇවිත් මට අමාරුවේ වැටෙන්න බැහැ කී ඇය ද ඔහු ප්රතික්ෂේප කළාය.
විවාහක බිරිඳත් අනියම් පෙම්වතියත් දෙදෙනාම අහිමි වූ ඔහු දැන් නිවාඩු නොගෙනම රැකියාව කරනවාලු.
ඇල්පිටිය චන්ද්රසිරි ගුණසේකර
ආදි ශිෂ්ය සංගමයේ අරමුදල් තර කරන්න ගැසූ ආධාර ටිකට් පත්වලින් තම මඩිය තරකර ගන්න අපූරු විජ්ජාවක් දැමූ භාණ්ඩාගාරිකවරයකු පිළිබවඳ අපූරු කතාවක් දකුණු පළාතේ
බිරියගේ හන්දි අමාරුවකට බෙහෙත් ගැනීමට ගොස් සැමියාගේ හතර හන්දි කැඩුණු පුවතක් රජරට එපිට ගමකින් අසන්නට ලැබුණි. කතාව මෙසේය.
“මගේ යාළුවා මම අසල්වැසි යාළුවෙක් මට ලොකු කරදරයක් වුණා. ඒ නිසා මන් ඔහේගේ බයිසිකලය අරගෙන ගියේ. කරදරයක් වුණානම් සමාවෙන්න” යනුවෙන් දුරකථන අංකයක් සහිත ඉංග
ඇල්ශේෂන් වර්ගයේ බැල්ලියකගේ නූපන් පැටව් විකිණීම සඳහා අත්තිකාරම් ගත් බලු හිමියාට ඒවා ආපසු දීමට සිදු වී ඇති පුවතක් යාපහුව මැතිවරණ බල ප්රදේශයේ ගමකින්
කොළඹ පදික වේදිකාවෙන් මිලදීගත් රුපියල් තුන් සියයේ අත් ඔරලෝසුව රුපියල් තුන්දහසකට සින්න කරගත් අපූරු පුද්ගලයකු පිළිබඳ කතාවක් අම්බලන්ගොඩ නගරයෙන් අසන්නට
කාන්තාවකගේ කකුලක දණහිස කොටස නැවීමට නොහැකිව දැඩි රෝගී තත්වයකට පත්ව මාසයකට ආසන්න කාලයක් ප්රතිකාර ගත්තත් සුව නොවුණු රෝගය සඳහා සැමියා සමඟ ප්රතිකාර ග
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
සැමියාගේ අනියම් සෙල්ලමෙන් බිරිඳත් වැඩේට බැහැලා