(කරන්දෙණිය – එම්. සුසිල් ප්රියන්ත)
සිය සොහොයුරාගේ බැංකු පොත හා ජාතික හැඳුනුම්පත පන්නාගෙන මුඛ ආවරණයක් පැලඳ එම බැංකු පොතෙන් මුදල් ගැනීමට ගිය අයකු මාට්ටු වී අලි ජංජාලයක් වූ පුවතක් දකුණෙන් වාර්තා වේ.
හේ තදින්ම මත්කුඩුවලට ඇබ්බැහි වූ අයෙකි. ඔහුට ආයතනයක සේවය කරන සොහොයුරෙක් ද වෙයි. ඔහු රැකියාවෙන් උපයා සපයා ගන්නා මුදලින් කොටසක් බැංකුගත කර තිබුණේ ඔහුගේ යහපත සඳහාය. මේ බව මත්කුඩුවලට ඇබ්බැහි වූ සොහොයුරා ද කාලයක පටන් දැනගෙන සිටියේය.
මත්කුඩු සඳහා ඔහුට දිනපතාම පාහේ මුදල් අවශ්ය විය. ඔහු නොයෙක් විදියට ඒ සඳහා මුදල් උපයා ගත්තේය. කොරෝනා මර්දන නීතිය හමුවේ මේ දිනවල ඔහුට තමාගේ පුරුද්දට අවශ්ය මුදල් සොයා ගැනීම ඉතා දුෂ්කර කාර්යයක්ව පැවැතියේය.
මේ නිසාම ඔහු සිය සොහොයුරාගේ බැංකු පොත පන්නා එයින් මුදල් ගැනීමට සිතුවේය. ඒ සඳහා අවශ්ය කටයුතු ඔහු සම්පාදනය කළේය. සොහොයුරාගේ බැංකු පොත පමණක් නොව ඔහුගේ ජාතික හැඳුනුම්පත ද පැන්නුවේය. සොහොයුරාට කොරෝනා මර්දන නීති අනුව ආයතනයෙන් දින කිහිපයක් නිවාඩු ලබා දී තිබීමත් සොහොයුරාගේ රූපය සමානවීමත් මේ සඳහා ඔහු පාදක කරගත්තේය.
සිය සොහොයුරාගේ අත්සන පිළිබඳ දැනීමක් ඔහුට තිබීම මේ උපාය ක්රියාත්මක කිරීමට ඔහුට තවත් වාසියක් විය. මේ සියල්ල කරපින්නාගෙන ඔහු අදාළ බැංකු ශාඛාවට මුඛ ආවරණයක් පැලඳ ගියේ සිය සොහොයුරාගේ බැංකු පොතත්, ඔහුගේ ජාතික හැඳුනුම්පතත් ගෙනය.
බැංකුවට ගිය ඔහු ගැනීමට අවශ්ය මුදල සඳහන් කොට ඒ සඳහා වූ පෝරමය පුරවා දුන් පසු, සිය සොහොයුරාගේ බැංකු නිලධාරියා මුදල් ආපසු ගැනීම සඳහා වූ පෝරමයේ අත්සන පරීක්ෂා කිරීමට යන්ත්රයකට දැම්මේය.
එහි වූ අත්සන හා පෝරමයේ අත්සන වෙනස් වූ බැවින් මුදල් ගැනීමට යළි පෝරමයක් පුරවන ලෙසට ඔහුට බැංකුවෙන් උපදෙස් ලැබුණේය. එහිදී ද අත්සනේ වූ වෙනස නිසා බැංකුවට ඇති වූ සැකය මත ඔහුගේ මුඛ ආවරණය ගලවා හැඳුනුම්පතේ හා ඔහුගේ රූපය පරීක්ෂා කිරීමට ගිය අවස්ථාවේදී ඔහු බැංකුවෙන් මිදී පලාගොස් ඇත්තේ එහි සිටි මිනිසුන් ද පෙරළගෙනය.
ආදි ශිෂ්ය සංගමයේ අරමුදල් තර කරන්න ගැසූ ආධාර ටිකට් පත්වලින් තම මඩිය තරකර ගන්න අපූරු විජ්ජාවක් දැමූ භාණ්ඩාගාරිකවරයකු පිළිබවඳ අපූරු කතාවක් දකුණු පළාතේ
බිරියගේ හන්දි අමාරුවකට බෙහෙත් ගැනීමට ගොස් සැමියාගේ හතර හන්දි කැඩුණු පුවතක් රජරට එපිට ගමකින් අසන්නට ලැබුණි. කතාව මෙසේය.
“මගේ යාළුවා මම අසල්වැසි යාළුවෙක් මට ලොකු කරදරයක් වුණා. ඒ නිසා මන් ඔහේගේ බයිසිකලය අරගෙන ගියේ. කරදරයක් වුණානම් සමාවෙන්න” යනුවෙන් දුරකථන අංකයක් සහිත ඉංග
ඇල්ශේෂන් වර්ගයේ බැල්ලියකගේ නූපන් පැටව් විකිණීම සඳහා අත්තිකාරම් ගත් බලු හිමියාට ඒවා ආපසු දීමට සිදු වී ඇති පුවතක් යාපහුව මැතිවරණ බල ප්රදේශයේ ගමකින්
කොළඹ පදික වේදිකාවෙන් මිලදීගත් රුපියල් තුන් සියයේ අත් ඔරලෝසුව රුපියල් තුන්දහසකට සින්න කරගත් අපූරු පුද්ගලයකු පිළිබඳ කතාවක් අම්බලන්ගොඩ නගරයෙන් අසන්නට
කාන්තාවකගේ කකුලක දණහිස කොටස නැවීමට නොහැකිව දැඩි රෝගී තත්වයකට පත්ව මාසයකට ආසන්න කාලයක් ප්රතිකාර ගත්තත් සුව නොවුණු රෝගය සඳහා සැමියා සමඟ ප්රතිකාර ග
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
සොහොයුරාගේ බැංකු ගිණුමෙන් සල්ලි ගන්න හොර අස්සන ගහලා