බස්නාහිර පළාතේ හා දැනට හුදකලා කර ඇති ප්රදේශවල හැර අනෙකුත් ප්රදේශවල රජයේ පාසල් තුන්වැනි වාරය සඳහා ඊයේ විවෘත විය. හය ශ්රේණියේ සිට 13 වැනි ශ්රේණිය දක්වා පාසල් විවෘත වූ අතර දුරස්ථභාවය හා වෙනත් සෞඛ්ය නීති පිළිපදිමින් සිසුන්ට උගන්වන ආකාරය සම්බන්ධයෙන් විදුහල්පතිවරුන් ප්රමුඛ කමිටුවකින් තීන්දු තීරණ ගත යුතු බව අධ්යාපන ඇමති, මහාචාර්ය ජී.එල්. පීරිස් මහතා ප්රකාශ කර තිබිණි. අවදානම එයට හිමි නිසි බරින් ගෙන පාසල් විවෘත කිරීමේ ක්රියාදාමය සාර්ථක කර ගැනීමට සියලුදෙනා කටයුතු කරනු ඇතැයි යන්න අපි විශ්වාස කරමු.
ලෝක සෞඛ්ය සංවිධානයේ අනුමානයන්ට අනුව කොරෝනා මාරක වසංගතයේ බලපෑම ඉදිරි දෙවසරටත් පවතිනු ඇත. එහෙත් එය ස්ථිර නැත. ඇතැම්විට එම කාලය තවදුරටත් දිග්ගැස්සීමට ඉඩ ඇත. කොරෝනා මාරක වසංගතය පිටුදැකීමට තවමත් ඖෂධයක් හෝ එන්නතක් සොයාගෙන නැත. ඒ අනුව කොරෝනා නමින් නිර්මාණය වී තිබෙන්නේ ඉතා භයංකර චිත්රයකි.
කරුණු කාරණා එපරිදි වුවද කොරෝනා අනතුර සහ මුලින්ම පහව යනතුරු යැයි කියා රට වසා දැමිය නොහැකිය. පාසල් විශ්වවිද්යාල වසා දැමිය නොහැකිය. සෞඛ්යාරක්ෂිත පිළිවෙත් අනුගමනය කරමින් නිරෝධායන නීතියට යටත්ව පාසල් හා විශ්වවිද්යාල විවෘතව තබාගත යුතුය. නොඑසේනම් එහි ප්රතිඵලය කොරෝනා මාරක වසංගතයටත් වඩා භයංකර විය හැකිය.
වෙනත් රටවල මෙන්ම අප රට තුළද ක්රියාත්මක වන්නේ විධිමත් අධ්යාපන ක්රමයකි. එම විධිමත් අධ්යාපන ක්රමය තුළ පාසල් විවෘතව තැබිය යුතු නිශ්චිත කාලවකවානුවක් තිබේ. විභාග පැවැත්වෙන ක්රමවේදයක් තිබේ. අනාගතය සැලසුම් වන්නේ ඒ අනුවය. යම් යම් හේතුමත මෙම ක්රියාපටිපාටිය ක්රමවත්ව පවත්වගෙන යාමට නොහැකි වුවත් ඉතා ඉක්මනින් යථා තත්ත්වයට ගෙන ඒම මෙතෙක් ක්රියාත්මක වූ පිළිවෙත වේ. කොරෝනා වසංගතය හමුවේ සිදු වී තිබෙන්නේ එම පැරැණි පිළිවෙත් අභියෝගයට ලක්වීමය. එහෙත් එම අභියෝග ජය ගැනීම සඳහා උත්සාහ කිරීම වෙනුවට අභියෝග හමුවේ සැළුම් වෙවුළුම් කා පසුපසට වීම අපට තරම් නොවේ.
වසර සියයකට පසුව ලොව ආක්රමණය කළ මාරක වසංගතය සම්බන්ධයෙන් පෙර අත්දැකීම් කිසිවකුට නැත. එය සත්යයකි. එහෙත් එසේ යැයි කියා අප රට පසුපසට නොගියේය. නුහුරු නුපුරුදු මාරාන්තික වසංගතයක් වුව ද මෙරට සෞඛ්ය අංශ නිර්භයව එම අභියෝගය බාරගත්හ. අභියෝගය බාරගත්තා පමණක් නොව සාර්ථක ප්රතිඵල ද පෙන්නුම් කළහ. එහෙයින් ම ඔවුහු සුව විරුවෝ යන ගෞරව පූර්වක සම්මානයෙන් පිදුම් ලැබ සිටිති. ආරක්ෂක අංශ ද එසේමය. කොරෝනා මාරක වසංගතය හමුවේ පසු නොබා නැගී සිටි ආරක්ෂක අංශ යුද ජයග්රහණයෙන් නිර්මාණය කරගත් රණවිරුවා යන්නට අලුත් වටිනාකමක් රැගෙන ආහ.
එළැඹ ඇත්තේ රටේ අනෙකුත් අංශ ද අභියෝගය හමුවේ තම නිර්මාණශීලීත්වය විදහාපාමින් ජයටැඹ කරා ගමන් කිරීමේ මොහොතය. මෙහි දී අවධාරණය විය යුතු ප්රධානම කාරණය නම් අප කිසිවකුට පැරැණි ජීවිතයට එම ජීවන විලාසිතාවට යා නොහැකි බවය. එසේ යා හැකි යැයි සිතීම ද මේ මොහොතට අදාළව විහිළුවකි. පවතින තත්ත්වයට අදාළව හැඩගැසීමට වෙනස්වීමට අප සියලුදෙනාටම සිදුවේ. මෙය අලුත් තත්ත්වයක් නොවේ. වවුලාගේ ගෙදර ගියාම සිටිය යුත්තේ ඒ ආකාරයට යැයි අප සමාජයෙ කියමනක් තිබේ. ශ්රී ලාංකේය ජාතිය හැදුණේත් වැඩුණේත්, පෝෂණය වූයේත් අනාගත ව්යසනවලට මුහුණදීමේ ශක්තිය ජවය හා ප්රඥාව සමගිනි. ඒ ඉගෙනගත් දෑ ප්රයෝජනයට, භාවිතයට ගතයුතු ඉතිහාසය විසින් නිර්මාණය කළ එක් තීරණාත්මක පැයක් වෙත රට පැමිණ තිබේ.
පාසල් විවෘත කිරීමට ගත් තීරණය අප වටහා ගත යුතුවන්නේ ඉහත ආකාරයටය. ගුරුවර ගුරුවරියන්ට ගුරු විරුවන් ලෙස තම මෙහෙවර රටේ අනාගතය වෙනුවෙන් කැප කිරීමට අවස්ථාවක් එළැඹ ඇත. මූලික වටයේ දී පාසල් විවෘත වන්නේ 6 ශ්රේණියේ සිට 12 ශ්රේණිය දක්වා පමණක් වන හෙයින් දැන උගත්කමින් පිරිපුන් එම ශිෂ්ය ප්රජාවට වඩාත් අනතුරුදායක තලයක බුද්ධිමත්ව කටයුතු කළ යුත්තේ කෙසේදැයි අධ්යයනය කිරීමට මෙය අවස්ථාවකි. එම පන්නරය ජීවිතයේ අනාගතයේ මතුවන කවර පන්නයේ හෝ අභියෝගයක් ජය ගැනීමට දිරිය බලය හා ප්රඥාව රැගෙන එන බව ඒකාන්තය.
(***)
ජ්යෙෂ්ඨ පුරවැසියන්ගේ ස්ථාවර තැන්පතු සඳහා ගෙවමින් තිබූ විශේෂ පොලී අනුපාතිකය කාලක් තිස්සේ ගෙවීම අත්හිටුවා තිබිණි. එම ගෙවීම නැවත ක්රියාත්මක කිරීම සඳ
මැතිවරණ උණුසුම රළ නගමින් තිබේ. රටේ ප්රධාන පුරවැසියා තෝරා පත්කර ගන්නා මැතිවරණය වන හෙයින් උණුසුම තියුණුය. මෙම ජනාධිපතිවරණයේ දී රටේ පුරවැසියෝ 17,140,354 ක් ඡන
සමාජය විවිධය. විසමය. එමෙන්ම එය විෂෙන් පිරුණකි. වැඩිහිටියාට පෞද්ගලික අත්දැකීම් ඇසුරෙන් ද සමාජ සිදුවීම් ඇසුරෙන් ද තම තම නැණ පමණින් එය අවබෝධ කර ගැනීමේ හැක
සසුනඹර පොබ කළ අති ශෝභමාන සංඝ පීතෘවරයාණන් වහන්සේ නමක ලෙස දෙස් විදෙස් පතළ මහා කීර්ති කදම්බයෙන් අනූන බස්නාහිර පළාතේ ප්රධාන සංඝ නායක, කොළඹ ගංගාරාම විහාරා
රුපියල් ලක්ෂ පහළොවක මුදලක් අල්ලස් වශයෙන් ලබාගත් බව කියන වෙළෙඳ හා සමුපකාර රාජ්ය අමාත්ය සතාසිවම් වියලේන්දිරන් මහතාගේ සම්බන්ධීකරණ ලේකම්වරයකු යැයි ක
ජාත්යන්තර ජාවාරම්කරුවන්ගේ තිප්පොළක් බවට අප රට පත්ව තිබේද යන ප්රශ්නය අහම්බයකින් පැනනැගුණක් නොව එකක් පසුපස එකක් වශයෙන් වාර්තා වන සිදුවීම් හරහා තාර්
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
අභියෝග තේරුම්ගෙන ඊට අනුගතව මුහුණදෙමු
Raveendra Wednesday, 25 November 2020 01:54 AM
කතුවැකියෙහි සඳහන් කරුණු කාරණා කෙසේවෙතත් ඡායාරූපයේ සිටින දරු පැටවුන්ගේ අව්යාජ්ය සුන්දර සිනහව දැකීමේදී මුළු දවසම යහපත් මෙන්ම පහන් හැඟීමක් දැනෙන්නේය. ඡායාරූපයකින් රටක් විනාශ කිරීමටත් රටක් සන්සුන් කිරීමටත් හැකි බව මෙයත් හොඳ නිදසුනකි..