IMG-LOGO

2025 මාර්තු මස 13 වන බ්‍රහස්පතින්දා


ජනතා තීන්දුවට ගරු කරමු

මෙරට නව වැනි පාර්ලිමේන්තුව සඳහා සභිකයන් තෝරා ගැනීමේ මහ මැතිවරණයේ ප්‍රතිඵල තවමත් නිකුත් වෙමින් තිබේ. ඉදිරි පස් වසර රට පාලනය කිරීමට සුදුස්සන් කවුරුන්දැයි සාහිතශය බහුතරයක් ජනයා තීන්දු කළ කඳවුර ජයග්‍රහකයා බවට පත්වනු ඇත. ඒ ජයග්‍රාහී කඳවුරට අපගේ ශුභාශිංෂණ පළමුව පිරිනමමු. ජනතාව ඔවුන් කෙරෙහි තැබූ විශ්වාසයට වැලි කැටයක තරමේ හෝ හානියක් නොකර ඒ ජනතා අභිලාෂයන් මුදුන් පැමිණවීම සඳහා කැපවීමෙන් මෙන්ම අගති විරහිතව හා බුද්ධිමත්ව ඔවුන් කටයුතු කරනු ඇතැයි යන්න අපගේ ඒකාන්ත විශ්වාසය වේ.

 මිනිසකුගේ බුද්ධි මට්ටම විමසා බැලෙන එක් අවස්ථාවක් වනුයේ ඔහු පිළිගැනීමට ලක්වන මොහොතේ ඔහුගේ චර්යාවය. ජයග්‍රාහකයා මේ මොහොතේ මුහුණ දී සිටින්නේ තමන් පිළිගැනීමට ලක්ව තිබෙන මොහොතේ තමාගේ චර්යාව නිරීක්ෂණය කෙරෙන මොහොතකටය.  ජයග්‍රහණයෙන් උඩඟුවීම, එය නැවත ආපස්සට නොහැරෙන අසමසම සදාකාලික බලයකැයි සිතා කටයුතු කිරීමට පෙළඹීම සිය දිවි නසා ගැනීමකි. ජයග්‍රාහකයා තේරුම් ගත යුතු පරම සත්‍ය ඇත්තේ තමන් ජයග්‍රාහකයා බවට පත් වූයේ තමන් සර්ව ප්‍රකාරයෙන්ම සාර්ථක නිසා නොව ප්‍රතිවාදියා සකලාකාරයෙන්ම අසාර්ථක වූ හෙයින් බවය. එහෙයින් අසාර්ථක වූවන්ගේ මාර්ගයේම ගමන් කරන්නේ නම් තමන්ට පරාජයේ අඳුරු ඉරණම වැළඳ ගැනීමට සිදුවීමට වැඩි කලක් ගත නොවන බව තේරුම් ගත යුතුය. තමන් සිංහාසනයට ඔසොවා තබන්නේත් ඉතිහාසයේ කුණු බක්කියට විසි කර දමනු ලබන්නේත් මහජනයා බව තේරුම් ගැනීම ජයග්‍රාහකයා සතු පරම වගකීම ද වෙයි.

පරාජිතයාට තමන්ට ජයග්‍රහණය කිරීමට ලැබෙන අවසන් අවස්ථාව මෙය නොවේ. තමන් ජනතාවගේ පිළිගැනීමට ලක්වන දියුණු දේශපාලන ව්‍යාපාරයක් ලෙස වැඩෙන්නට තව කාලය ඉතිරිව තිබේ. එහෙයින් කළ යුතු වන්නේ වඩ වඩාත් නිවැරැදි වීමය. පරාජය යනු යහපත් ගුරුවරයෙකි. එහෙයින් එම ගුරුවරයාගෙන් පාඩම් උගත යුතුය. අනාගතයේ අවස්ථාවක දී වඩාත් නිවැරදි දේශපාලන ව්‍යාපාරයක් ලෙස ජනතාවගේ පිළිගැනීමට ලක්වනු ඇත්තේ එසේ කටයුතු කළහොත් පමණි.

මහ මැතිවරණය අවසන්ය. මැතිවරණ සමයේ දී දෙපිළ බෙදී මතවාදී සංග්‍රාමයක යෙදුණ ද එළැඹ ඇත්තේ එම සංග්‍රාමය අතහැර ජනතාව දිනවීමට තමන්ගෙන් විය යුතු කාර්ය භාරය නොපැකිලව ඉටුකළ යුතු මොහොතකය. තමන් සර්වතෝභද්‍රය, සර්ව සුන්දරය, සර්ව සම්පූර්ණය යනුවෙන් සිතා ජයග්‍රාහකයා කටයුතු නොකළ යුතුය. අන්‍යයන්ට සවන් දිය යුතුය. විවේචනයට සංවේදී විය යුතුය. වැරැදි නිවැරදි කර ගැනීමේ නිහතමානීකම තිබිය යුතුය. ජනතාවට ආදරය කළ යුතුය. රටට ආදරය කළ යුතුය. රටේ ගෞරවය මෙන්ම ජනතාවගේ ආත්මාභිමානය ආරක්ෂා කළ යුතුය. බලකාමයෙන් මත් නොවිය යුතුය. යසස් කාමයෙන් උඩඟු නොවිය යුතුය. තමන් සරුංගලයක් බවත් තමන්ට ගුවන්ගතවී සිටිය  හැකි වන්නේ නූල අතරැඳි මිනිසාගේ කැමැත්ත පවතින තුරු බවත් තේරුම් ගත යුතුය.

ජයග්‍රාහකයාගේ සියලුම දේට කොන්දේසි විරහිතව විරුද්ධවීම විරුද්ධ පක්ෂයේ වගකීම නොවේ. ඔවුන්ගේ පරම වගකීම වන්නේ ආණ්ඩුව වරදකාරී මාවතෙන් මුදා ගැනීමය. ඒ වෙනුවෙන් ප්‍රහාරක බළඇණියක් සේ කටයුතු කළ යුතුය. ඒ වෙනුවෙන් නිවැරැදි දෙයට කොන්දේසි විරහිතව සහාය දිය යුතුය. වැරැදි දෙයට සම්මුති විරහිතව විරුද්ධ විය යුතුය. විරුද්ධ පක්ෂය ගන්නා සෑම තීන්දුවකම අවසාන ප්‍රතිලාභ ලැබිය යුත්තේ මහජනතාවය, රටය. ඒ ඉලක්කයෙන් බැහැර වූ ගමනක් විපක්ෂයට නැත.

වසර හාර පන්සියයකට වැඩි කාලයක් අප රට යටත් විජිතයක්ව තිබිණි. දෙදණින් වැටී ජීවත්වීම වෙනුවට දෙපයින් නැගී සිට මිය යාම ශ්‍රේෂ්ඨ යැයි ඇදහූ අපේ ඉපැරණි මුතුන් මිත්තන්ගේ අයස්කාන්ත අරගලයන්හි ආනුභාවයෙන් අප රටට නිදහස ප්‍රදානය කර පල්ලම් බැසීමට  අධිරාජ්‍යවාදීන්ට සිදුවිය. එසේ පල්ලම් බැස ගොස් වසර 72කි.

ගෙවුණු වසර 72 සම්බන්ධයෙන් රටේ පුරවැසියාට තෘප්තිමත් විය නොහැක. බොහෝ රටවල් අප පසුකර යද්දී අප ගමන් කර තිබෙන්නේ ආපස්සටය. මේ ඉරණම වෙනස් කළ යුතුය. බොල් බොළඳ සටන් පාඨවලින් එම ඉරණම වෙනස් කළ නොහැකිය. වාගාඩම්බර පිරී ගත් සිහින සාප්පු, බොරු පොරොන්දුවලින් ජනයා ඉල්ලන රට ගොඩනැගිය නොහැකිය. ආණ්ඩුව යනු රටේ භාරකාරයා මිස අයිතිකාරයා නොවේ. ඒ බව ගැඹුරින් අවබෝධ කරගත් ගමනක් අද සිටම ආරම්භ කළ යුතුය. ඒ ගමන දෙස අපි අවදියෙන් බලා සිටිමු.

 



අදහස් (7)

ජනතා තීන්දුවට ගරු කරමු

පූජා Friday, 07 August 2020 06:45 AM

ස්තූතියි කතුතුමනි, ඉතාම කාලෝචිත ලිපියක්.. මෙහි අවසානයට ලියා ඇති," ඒ ගමන දෙස අපි අවධියෙන් බලා සිටිමු "යන වැකිය මගේ සිත බොහෝ සේ පැහැර ගත්තේය.

:       59       26

කමල් Friday, 07 August 2020 06:59 AM

තමනුත් ඒවාට වග කියන්න ඕනෑ, අවසාන පරිච්ඡේදයට අදාලව...

:       7       3

සමිත සේනක අලුත්ගමගේ. Friday, 07 August 2020 08:10 AM

මේ අගනා හරබර කරුණු ඇතුළත් කතුවැකියට කතුතුමා හට ස්තුතියි. මෙය සියලුම දේශපාලනඥයන්ට රාමු කරගෙන තම මේසයේ නිතර පරිහරණයට තබාගතයුතු දෙයක් යැයි සිතමි. ඒ තරමටම ලිපියේ අඩංගු කරුණු ඔවුන්ට වැඩදායක වේ. ස්තූතියි ...

:       32       46

thilak Friday, 07 August 2020 10:25 AM

ඔය කියන බලාපොරොත්තු තමයි අපිට පසුගිය අවරුදු 72දීම තිබුනේ. අවුරුදු 5කට වරක් ඡන්ද වලින් පසු හැමදාමත් වුනේ මහජනයාගේ කරපිටින් ගොස්, මහජනයාට ඉහළින් වැජඹෙන කිහිප දෙනෙක් බිහිවීම පමණයි. ජනතාවත් බොහෝවිට ප්‍රේම කරන්නේ හොරුන්ටයි. මා සිතන්නේ ප්‍රජාතන්ත්‍රවාදයට වඩා ලංකාවට යෝග්‍ය වන්නේ දිගු කාලීන ඒකාධිපතිවාදයකි.

:       64       6

K Perera Friday, 07 August 2020 12:25 PM

අනිවාර්යයෙන්ම ගරුකළ යුතුමයි. මොකද මේක ජනතා තීන්දුවක් නිසා... නමුත් මට හැඟෙන විදිහට නම් පොදුපෙරමුණට ඡන්දය දුන්නු අයගෙන් 50%ක්වත් එයාලට නොදන්නවා හෝ නොතේරෙනවා වෙන්න පුළුවන්... දැන් රට යන අත, රටේ ආර්ථික ප්‍රශ්න... කොහොමද තෙල්, ගෑස් මිල ඇතුළු ජීවන වියදම් අඩු කරන්නේ..? අපේ රටට අවශ්‍ය 19 ව්‍යවස්ථාව නැතිකරාවිද? අධිකරණයෙන් දඬුවම් ලැබූ සමහර මිනීමරුවන්ට, කුඩුකාරයන්ට ජනාධිපති සමාවක් ලැබේද? සහ තවත් මෙතන ලිවීමට නොහැකි ගොඩක් දේවල් ගැන..

:       0       0

ramona90 Saturday, 08 August 2020 08:57 AM

මේ වගේ මන්ද බුද්ධික තීරණ ගන්න රටවැසියෝ ඉන්නේ ලංකාවේ පමණයි. දැන් උඩින්ම දින්නට දෙතුන් සැරයක් එළියට විසිවෙච්චි අයනේ. ඒ තීන්දු ගත්තෙත් ජනතාවමයි නේද? අද වෙනකම් ලැබුණු එකම ආශිර්වාදය මාලදිවයිනෙන් පමණයි. පේනවා නේද ජාත්‍යන්තර පිළිගැනීම කොහොමද කියලා..

:       2       15

Rohana Sunday, 09 August 2020 02:09 AM

මම හිතන්නෙ බහුතරයක් ජනතාව හැගීම් වලට වහල්වී සංව්දී කාරනාවලට ජන්දය දෙනවා මිසක් බුද්ධිමත්ව ඡන්දය පාවිව්චි නොකරන බවයි.

:       0       0

ඔබේ අදහස් එවන්න

 

එසැණ පුවත්

රුපියල් 372 හෘද ඖෂධය 72,000ට අරන්?
2025 මාර්තු මස 13 62 0

හෘද සැත්කම් සඳහා වූ ඖෂධයක් වර්තමානයේ රුපියල් 372 කට මිලදී ගත්ත ද පසුගිය සමයේදී ආනයනය කර ඇත්තේ රුපියල් 72000කට බව කෝප් කමිටුවේදී අද අනාවරණය විය.


වැලිවේරියේ වෙඩි තැබීමක්
2025 මාර්තු මස 13 177 0

වැලිවේරිිය අරලියගස් හන්දිය ප්‍රදේශයේ දී නාඳුනන තුවක්කු කරුවකු සිදු කළ වෙඩි තැබීමකින් මෝටර් රථයක ගමන් කළ අයකු තුවාල ලබා ඇතැයි පොලිසිය කියයි


ගෝලයෝ කෘතිම බුද්ධියෙන් ගුරුවරිය නිරුවත් කරලා
2025 මාර්තු මස 13 730 0

මහනුවර ප්‍රධාන පෙළේ පිරිමි පාසලක සිසුන් පිරිසක් විසින් කෘතිම බුද්ධිය භාවිතා කරමින් එම විදුහලේ තරුණ ගුරුවරියකගේ නිරුවත් ඡායාරූප නිර්මාණය කිරීමේ සිද


නැදගමුවේ මහානාම හිමි ඝාතන සැලැස්මේ කත මාට්ටු
2025 මාර්තු මස 13 765 0

සීදුව වෑත්තෑව නන්දාරාම විහාරාධිපතිව නැදගමුවේ මහනාම හිමිගේ ගෙල අඳන පටියෙන් සිරකර ඝාතනය කිරීමේ සිද්ධියට ඩුබායි රාජ්‍යයේ සිට වට්සැප් තාක්ෂණය ඔස්සේ කු


වෛද්‍යවරියකට කරදර කළ රෝහලේ තවත් මඟඩියක්
2025 මාර්තු මස 13 1022 0

අනුරාධපුර ශික්‍ෂණ රෝහලේ ඉදිවෙමින් පවතින සිවු මහල් ගොඩනැගිල්ලක ටයිල් කැට තොගයක් සොරකම් කර රැගෙන යමින් සිටි රෝහල් සේවකයකු ඇතුළු පස් දෙනෙක් රෝහලේ ආරක්ෂ


‘‘අප හැම තිස්සේම ජනතාව පැත්තේ හිට ගන්නවා‘‘
2025 මාර්තු මස 13 236 0

මෙම රජය කලින් තිබූ රජයන් මෙන් නොව ඕනෑම දෙයක් පිළිබදව සාකච්ඡා කළ හැකියි. නමුත් රෝගීන් ඇපයට තබාගෙන රෝගීන් දුෂ්කරතාවට පත්වන ලෙස කටයුතු කරන්නේ නම් ජනතාවග


මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි 2025 මාර්තු මස 07 196 1
ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි

දේශයේ ආරක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ‍්‍රී ලංකාවේ පවතින වඩාත්ම උපයන රාජ්‍

ප්‍රබල ඕරාවකට හිමිකම් කියන්න ඔබත්  කැමතිද ? 2025 මාර්තු මස 04 454 0
ප්‍රබල ඕරාවකට හිමිකම් කියන්න ඔබත් කැමතිද ?

ඇතැම් මිනිසුන් ගෙන් නික්මෙන ප්‍රභාව බොහෝ ප්‍රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්

ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක් 2025 පෙබරවාරි මස 27 241 1
ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක්

ශ්‍රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස

Our Group Site