(බිඟුන් මේනක ගමගේ)
මැතිවරණ නිහඬ කාලයේදී සමාජ මාධ්ය ජාලා මගින් කෙරෙන නීතිවිරෝධී ප්රචාරණ කටයුතු අපේක්ෂා නොකළ ආකාරයෙන් ඉහළ ගොස් ඇතැයි ද එය බරපතල තත්ත්වයක් යැයි ද මැතිවරණ ප්රචණ්ඩ ක්රියා නිරීක්ෂණ මධ්යස්ථානය චෝදනා කරයි.
මැතිවරණ කොමිසමට නිරීක්ෂණ සංවිධාන මේ ගැන පැමිණිලි කළත් කොමිසමට පාලනය කළ නොහැකි ආකාරයෙන් මෙම නීතිවිරෝධී ප්රචාරණය ඉහළ ගොස් ඇතැයි මැතිවරණ ප්රචණ්ඩ ක්රියා නිරීක්ෂණ මධ්යස්ථානයේ ජාතික සම්බන්ධීකාරක මංජුල ගජනායක මහතා ‘ලංකාදීප’ යට අද(4) පැවැසීය.
මැතිවරණ නිහඬ කාලයේ ජීව ගුණය මුළුමනින්ම විනාශ කිරීමට මෙම ප්රචාරණ කටයුතු හේතු වී ඇතැයි කී හෙතෙම මෙහි වගකීම ෆේස් බුක් ආයතනය ගත යුතු යැයි ද චෝදනා කළේය.
මෙවැනි තත්ත්වයක් නිර්මාණය විය හැකි බව නිරීක්ෂණ සංවිධාන හා මැතිවරණ කොමිසම ෆේස්බුක් සමාගමට කල්තියා දැනුවත් කළ නමුත් ඔවුන්ට එවැනි ප්රචාර වැලැක්වීමට පෙර සූදානමක් තිබී නැතැයි ද ගජනායක මහතා සඳහන් කළේය.
මුදල් ගෙවා සිදුකරන අනුග්රාහක දැන්වීම් අද(4) දිනයේදී පවා ෆේස් බුක් මාධ්යයෙහි ප්රචාරය වී යැයි ද එයට දේශපාලකයන් මෙන්ම ෆේස් බුක් සමාගම ද වගකිව යුතු යැයි ද ගජනායක මහතා පැවැසීය.
මුදල් බලය ඇති ප්රබල අපේක්ෂකයන් විශාල පිරිසක් මෙවැනි ප්රචාරණ සිදුකරන බවට නිරීක්ෂණය වී ඇතැයි ද ඊට අදාළ සියලු තොරතුරු මැතිවරණ කොමිසමේ සමාජ මාධ්ය ආවේක්ෂණ ඒකකයට ලබාදුන්නේ යැයි ද ගජනායක මහතා සඳහන් කළේය.
ඇතැම් රාජ්ය නිලධාරින් පවා එවැනි ප්රචාරවලට සම්බන්ධ වී ඇතැයි ද මෙම නීතිවිරෝධී සමාජ මාධ්ය ප්රචාර මහමැතිවරණය පැවැත්වෙන හෙට(5) දිනයේදී ද සිදුවුවහොත් එය බරපතල තත්ත්වයක් වනු ඇතැයි ද ගජනායක මහතා කීය.
මෙම තත්ත්වය අඩුම තරමින් පාලනය කරගැනීම සඳහා ඊට අදාළ නිරීක්ෂණ කඩිනමින් මැතිවරණ කොමිසමට වාර්තා කිරීමට මැතිවරණ ප්රචණ්ඩ ක්රියා නිරීක්ෂණ මධ්යස්ථානය පියවර ගනිමින් සිටින්නේ යැයි ද ගජනායක මහතා වැඩිදුරටත් සඳහන් කළේය.
අනුර දිසානායක යාපනයට පැමිණ කළ තර්ජනකාරී ප්රකාශය සම්බන්ධයෙන් උතුරේ ජනතාවගෙන් වහාම සමාව ගත යුතුව ඇතැයි ජනාධිපති රනිල් වික්රමසිංහ මහතා යාපනයේ ජන රැළ
එළබෙන 21 පසුව අපි පිහිටුවන රජයේ විද්යාත්මක ඇමති මණ්ඩලයක් තමයි අපි හදන්නේ. එයට 25 දෙනයි. රාජ්ය ඇමතිවරු නැ . නියෝජ්යය ඇමති විතරයි. ඒ ඒ විෂයට අදාල ක්ෂේත්රය
ජනාධිපති රනිල් වික්රමසිංහ මහතා සහ ඉලංකෙයි තමිල් අරසුකච්චි පක්ෂයේ නායක මාවෙයි සේනාධිරාජා මහතා අතර හමුවක් යාපනය තෙලිප්පලෙයි හි සේනාධිරාජා මහතාගේ නි
රටේ සංස්කෘතියට හානියක් වන කිසිඳු දේශපාලනික හෝ සමාජීය තීන්දුවක් ක්රියාත්මක කිරීමට ඉඩ නොදෙන බව ශ්රී ලංකා පොදුජන පෙරමුණේ ජනාධිපතිධූර අපේක්ෂක, පාර්ලි
මෙවර ජනාධිපතිවරණයේදී ,විදුලි හා පුනර්ජනනී බලශක්ති පාරිභෝගික සංගමයේ සහාය ජාතික ජන බලවේගයේ අපේක්ෂක අනුර කුමාර දිසානායක මහතාට ලබාදීමට තීරණය කර ඇතැයි එ
පොලොන්නරුව කදුරුවෙල නගරයේ වෙලද සංකීර්ණය වෙළෙඳහලක ගින්නක් හට ගෙන ඇති බව කදුරුවෙල පොලිසිය කියයි.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
සමාජ මාධ්යයන්හි නීතිවිරෝධී මැතිවරණ ප්රචාරණ කටයුතු ඉහළ ගිහින්
සමිත සේනක අලුත්ගමගේ. Tuesday, 04 August 2020 10:27 AM
මේ ෆේස්බුක් ජාලය රටට වැඩදායී ආකාරයෙන් හසුරුවා ගතහොත්, එයින් විශාල සේවයක් රටේ හා සමාජයේ සිටින සියලුම දෙනාට සැපයිය හැකියි. මේවායේ සාමාජිකයන් කිසියම් ක්රමවේදයකට ලක්කොට ඔවුන්ට කිසියම් වගකීමක් හා වටිනාකමක් දිය යුතුයි. ඔවුන්ට යම් නිදහසක් තිබීම වැදගත්. එහෙත්, මෙතෙක් පැවති රජයන්ද, මේ රජයද මේ ප්රශ්ණය හරිහැටි අවබෝධ කර නොගැනීම නිසා ෆේස්බුක් ජාලයේ සිටිනා සමහර දෙනා ඒ නිදහස වල් බූරු නිදහසක් සේ ක්රියාවට නංවයි. ෆේස්බුක් සිටිනා බොහෝ දෙනා හොඳ ආකාරයෙන් එම ජාලය භාවිතා කළත්, සුළු පිරිසක් කරනා අනුවණ ක්රියා නිසා එහි පිරිහීම සිදුවෙයි. ෆේස්බුක් නැමැති දඩබ්බර අලියාට හිතුවක්කාරී ලෙස හැසිරෙන්නට ඉඩ නොදී සතා මෙල්ල කරගෙන රිසිසේ වැඩ ගැනීමට හැකිය. එය පමා නොවී සිදුකළ යුත්තකි...