2025 පෙබරවාරි මස 06 වන බ්‍රහස්පතින්දා
සිංහල දමිළ ජනතාව පසුගිය අප්‍රියෙල් මාසයේ මුල් දෙසතිය ගත කළේ ඉමහත් උද්දාමයෙනි. ඒ සිංහල දමිළ අළුත් අවුරුද්ද උදාවීමේ සතුට භුක්ති විඳීමෙනි. මුළු රටම අවුරුදු සිරියෙන් උද්දාමයට පත් වෙද්දී දේශයට විදේශ විනිමය ගෙන එන ශ්‍රී ලාංකීක ප්‍රජාවටද එම අවුරුදු උද්දාමයෙ සුවඳ දැනෙන්නට විය. මව්බිමේ ජනතාව මෙන්ම ඔවුන්ද සිංහල අවුරුදු චාරිත්‍ර සහ අවුරුදු උත්සව සංවිධානය කිරීමට ලක ලෑස්ති වූහ. ඒ අනුව ඉතාලියේ මිලානෝ නගරයේද අවුරුදු උදානය නමින් අවුරුදු උත්සවයක් පැවැත්වීමට පසුගිය අප්‍රියෙල් 28වෙනි ඉරු දිනට නියම කර ගෙන තිබුණි. එහෙත් මුළු රටම භීතියට සහ සන්ත්‍රාසයට පත් කරමින් අන්තවාදී ත්‍රස්තවාදීන් කණ්ඩායමක් විසින් සිදු කළ මරාගෙන මැරෙන බෝම්බ ප්‍රහාරයෙන්, පසුගිය අප්‍රියෙල් 21 වෙනි ඉරු දින 300කට අධික සංඛ්‍යාවක් මරණයට පත් කරමින් 600කට අධික ප්‍රමාණයකට තුවාල සිදු කරමින් මහා ඛේදවාචකයට රට ගොදුරු විය. මෙම ම්ලේඡ්ච ප්‍රහාරය පිළිබඳ තොරතුරු විශ්ව ගම්මානයක් වූ ලොව පුරා පැතිර යන්නට ගතවූයේ තත්පර ගණනකි. ප්‍රහාරය පිළිබඳව සැලවීමත් සමගම අප්‍රියෙල් 28 වෙනි දිනට නියම කර තුබූ මිලානෝ අවුරුදු උදානය අවලංගු කිරීමට සංවිධාකයින් තීරණය කළහ. ඒ වෙනුවට විපතට පත් තම සහෝදර ජනතාව වෙනුවෙන් සර්ව ආගමික පුන්‍යානුමෝදනාවක් සහ ආශිර්වාද දේව මෙහෙයක් සංවිධානය කිරීමටද ඔවුන් තීරණය කළහ. එය යථාර්තයක් බවට පත් කරමින් පසුගිය අප්‍රියෙල් මස 28වෙනි ඉරු දින අපරභාගයේ මිලානෝ සුප්‍රසිද්ධ දූමෝ චතුරශ්‍රයේදී මෙම සර්ව ආගමික මෙහෙය පැවැත්වීය.
බෞද්ධ, කතෝලික, හින්දු සහ මුස්ලිම් ශ්‍රී ලාංකීක ජනී ජනයා සිංහ ධජ අතට ගෙන මිලානෝ දූමෝ චතුරශ්‍රයට රොද බැඳ ගත්හ. ඒ තම සහෝදර ජනතාවට සෙත් පැතීමේ උදාර කර්තව්‍යයට දායක වීමටය. මෙම සර්ව ආගමික අවස්ථාව සඳහා රාජකීය පණ්ඩිත මහගම විපුලසිරි ස්වාමීන් වහන්ස්ද, මිලානෝ ලංකාරාමවාසී පූජ්‍ය ඔලබොඩුවේ උදිත ස්වාමීන් වහන්සේද, ඉතාලි ජාතික ලොරෙදානා කන්‍යා සොහොයුරියද, දීගහකොටුවේගෙදර ශකරියා රිස්වී පූජකතුමන් සහ සනත් ජයශාන්ත මහත්මාද එක් වී සිටියහ. මිය ගිය අය සඳහා පැන් වැඩීමේ සහ මල් පහන් පූජා කිරීමේ වතාවත් සමගම අනිකුත් ආගමික කටයුතුද ඉතාමත් බැතිබරව සිඳු කළ බව සඳහන් කළ යුතුය. මේ අතර සිංහ ධජ රැගත් පිරිස අතර ශ්‍රී ලාංකික මුස්ලිම් ප්‍රජාවද සහභාගී වී සිටිනු දක්නට ලැබීම විශේෂ කරුණකි. මෙම අවස්ථාව වාර්තා කිරීම සඳහ ඉතාලි ජාතික මාධ්‍යවේදීන් පිරිසක්ද දූමෝ චතුරස්‍රයට පැමිණ සිටියහ.
සුමිත් අරුණ ඉතාලියේ මිලානෝ නුවර සිට
කොරියාවේ දී පසුගිය දා සිදුවූ, නිසි හේතුවක් තවමත් අනාවරණය කරගත නොහැකි වූ බෝයිං ගුවන් යානයේ අනතුර සම්බන්ධයෙන් භාවනායෝගීව සිටින ධ්‍යානලාභී හිමිනමක් හෙ
සිරියාවේ මොකද වෙන්නේ...? මේ පසුගිය ඉරිදා සිට මේ දක්වා ලෝකයේත් ලංකාවේත් විදෙස් තතු ගැන උනන්දුවක් දක්වන්නන් අතර නිරන්තරයෙන් නැගුණ ප්‍රශ්නයක්. කොහොමත් 2011 අ
එරාවූර් මයිලවට්ටවන් ප්‍රදේශයේ ගංවතුරට මැදිව පොල්අතු වහලක් උඩ සිටි පුද්ගලයකු ගුවන් හමුදාවේ හෙලිකොප්ටර් යානයක් මගින් අද (27) බේරාගනු ලැබීය.
දකුණු ඉන්දීය සුපිරි තරුව තලපති විජේ, තමිල්නාඩුවේ විල්ලු‍පුරම් දිස්ත්‍රික්කයේ වික්‍රවන්දි නගරේ දැවැන්ත වේදිකාවට පය තැබුවේ ලක්ෂ තුනකට වැඩි රසික රසික
සතියේ මාතෘකාව ආරුගම්බේ විය. රට පුරා ආන්දෝලනයකි. ඒ ඇමෙරිකාව “ සංචාරක අනතුරු ඇඟවීමක්” නිකුත් කර බට කැලේට ගිනි තැබීමත් සමගයි.’’ සංචාරක පුරවරයක් වෙන ආරුගම
මියන්මාරයට බ්‍රිතාන්‍යයෙන් නිදහස ලැබුණේ 1948 ජනවාරි 4 වැනිදාය. ඒ ලංකාවේ අප නිදහස ලැබීමට හරියටම මසකට කලින්ය. නිදහස ලැබීමට පෙර මියන්මාරයේ බහුතර බෞද්ධ ජනතා
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM
2025 ජනවාරි මස 08
776
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
2024 දෙසැම්බර් මස 24
746
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
ත්‍රස්ත ප්‍රහාරයෙන් මියගිය අය වෙනුවෙන් දූමෝ හිදී පින්කම් මාලාවක්