2025 ජනවාරි මස 02 වන බ්‍රහස්පතින්දා
( ටී.කේ.ජී.කපිල )
කුවේටයේ රැකියා සදහා ගොස් , එරට නීතිවිරෝධී ලෙස රැදී සිටි ශ්‍රී ලාංකිකයන් 462 ක් අද 19 දින රාත්‍රී කුවේට් ගුවන් සේවයට අයත් විශේෂ ගුවන් යානා දෙකක් මගින් කටුනායක ගුවන් තොටුපළ වෙත රැගෙන පැමිණි විත් තිබේ .
මෙයින් පළමු කණ්ඩායම ලෙස කුවේටයේ රැදී සිටි ශ්‍රී ලාංකිකයන් 287 ක් පමණ රැගෙන කුවේට් ගුවන් සේවයේ කේ.යූ.- 1451 දරන විශේෂ ගුවන් යානය අද 19 දින රාත්‍රී 6.50 ට පමණ කටුනායක ගුවන් තොටුපළ වෙත පැමිණ තිබුණි .
මෙම ගුවන් යානයෙන් 300 ක පමණ පිරිසක් ශ්‍රී ලංකාව වෙත රැගෙන ඒමට කටයුතු යොදා තිබුණ ද , ගුවන් යානය පිටත්වන මොහොත වනවිට විට කුවේට් ගුවන් තොටුපළ වෙත පැමිණ සිටියේ 287 ක පමණ පිරිසක් බවද වාර්තා වේ .
මෙහි දෙවන කණ්ඩායම ලෙස කුවේටයේ නීතිවිරෝධී ලෙස රැදී සිටි තවත් ශ්‍රී ලාංකිකයන් 162 ක් රැගෙන කුවේට් ගුවන් සේවයේ කේ.යූ.- 1453 දරන ගුවන් යානය අද දින මධ්‍යම රාත්‍රීයේ කටුනායක ගුවන් තොටුපළ වෙත පැමිණීමට නියමිතය .
කුවේටයේ මේ ආකාරයට නීතිවිරෝධී ලෙස රැදී සිටින ශ්‍රී ලාංකිකයන් 19,000 ක් පමණ සිටින බවට වාර්තා වී තිබෙන අතර , ඔවුන්ට රටින් පිටවීම සදහා කුවේට් රජය විසින් ලබා දී තිබූ පොදු ක්ෂමා කාලය උපයෝගී කර ගනිමින් මෙසේ මෙම පිරිස ශ්‍රී ලංකාවට ගෙන්වා ගෙන තිබේ .
ඔවුන්ට මෙසේ ශ්‍රී ලංකාවට පැමිණීම සදහා කුවේටයේ ශ්‍රී ලංකා තානාපති කාර්යාලය විසින් තාවකාලික ගුවන් ගමන් බලපත්‍ර සකස් කර දී තිබුණි .
මොවුන් සියලු දෙනා කටුනායක ගුවන් තොටුපළ වෙත පැමිණීමෙන් පසුව විෂබීජහරණය කිරීමට ලක් කර ,
ඔවුන් තුළ කොරෝනා ආසාදිත රෝග ලක්ෂණ පවතී ද යන්න විමසා බලා , නීරෝධායන කටයුතු සදහා යොමු කිරීමට කටයුතු සම්පාදනය කර තිබුණි.
මේ අතර ඉන්දියාවේ බැංගලෝර් නුවර , කටාර් රාජ්‍යය වෙත යෑමට නොහැකිව එහි රැදී සිටි ගුවන් මගීන් 50 ක් පමණ රැගෙන ස්පයිස් ජෙට් ගුවන් සේවයට අයත් එස්.ජී.- 9525 දරන ගුවන් යානයෙන් අද දින සවස 6.25 ට පමණ කටුනායක ගුවන් තොටුපළ වෙත රැගෙන පැමිණ තිබුණි .
පසුව මෙම සංක්‍රමණික මගීන් සියලු දෙනා විෂබීජහරණය කිරීමට ලක් කිරීමෙන් අනතුරුව අද (19) දින රාත්‍රී 8.30 ට පමණ කටාර් ගුවන් සේවයේ කිව්.ආර්.- 655 දරන ගුවන් යානයෙන් දෝහා වෙත පිටත් කර හරිනු ලැබීය .
(ටී.කේ.ජී.කපිල )
කුවේටයේ නීතිවිරෝධී ලෙස රැදී සිටි ශ්‍රී ලාංකිකයන් 300 ක් පමණ රැගෙන කුවේට් ගුවන් සේවයේ කේ.යූ.- 1451 දරන විශේෂ ගුවන් යානය අද(19) දින රාත්‍රී 6.50 ට පමණ කටුනායක ගුවන් තොටුපළ වෙත පැමිණ තිබේ .
ශ්‍රී ජයවර්ධනපුර විශ්ව විද්‍යාලයයේ ආසාත්මිකතා, ප්‍රතිශක්තිවේද සහ සෛල ජීව විද්‍යා ඒකකය මගින් ප්‍රථමවරට පවත්වන ලද ඔක්ස්ෆර්ඩ් නැනෝසිදුරු තාක්ෂණය මගින
අනුරාධපුර අධ්‍යාපන කලාපයේ පාසල් 28 ක අධ්‍යාපන පොදු සහතික සාමන්‍ය පෙළ අධ්‍යාපනය ලබන පාසල් සිසුන් වෙනුවෙන් ගණිතය විෂය සදහා පැවැත්විමට යෝජිතව තිබු ගණිත ක
පවුලේ සාමාජිකයන් අතර සමගිය, සහයෝගය හා දියුණුව ගොඩ නැගිම පිණිස ක්‍රියාත්මක කෙරෙන “මෙන් කයර්” නමින් නවමු වැඩ සටහනක් අනුරාධපුර ප්ලැටිනම් හෝටලයේදි අනුරා
මහරගම අපේක්ෂා රෝහලේ විකිරණ ඒකකයේ විදුලි කාර්මික දෝශයක් හේතුවෙන් ප්‍රතිකාර කටයුතු පසුගිය 31වන දා සිට නවතා දමා තිබීම හේතුවෙන් ප්‍රතිකාර සඳහා පැමිණෙන රෝ
පොළොන්නරුව දිස්ත්‍රික්කයට මේ දිනවල ඇදහැලෙන අධික වර්ෂාවත් සමග ප්‍රධාන ජලාශ රැසක ජලය වාන් දැමීමට පටන්ගෙන ඇත.
අයිස් මත්ද්‍රව්‍ය සමඟ අත්අඩංගුවට පත්ව මාසයකට අධික කාලයක් රක්ෂිත බන්ධනාගාර ගතව සිටි මත්ද්‍රව්‍ය සැකකරුවෙකු නිදහස් කිරීමට කොළඹ අතිරේක මහේස්ත්‍රා පසන
2024 දෙසැම්බර් මස 24
370
1
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
191
0
දශක 3කට අධික කාලයක් තිස්සේ ශ්‍රී ලාංකිකයින්ගේ මුඛ සෞඛ්‍යය වෙනුවෙන් කැපවන ප්‍රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
2024 දෙසැම්බර් මස 20
175
0
මෙරට උසස් අධ්‍යාපන ක්ෂේත්‍රය නව මානයකට ගෙනගිය හෝමාගම පිහිටා තිබෙන NSBM හරිත සරසවිය එළැඹෙන ජනවාරි 4 සහ 5 යන දෙදින පුරා ’’හරිත සරසවියක අසිරිය විඳගන්න” යන තේ
කුවේටයේ සිරවී සිටි 462ක් ලංකාවට
Rashi Tuesday, 19 May 2020 03:12 PM
කුවේට් වීසා තියාගෙන නීත්‍යානුකූලව වැදගත් විදියට ඉන්න අය තාම කුවේට් වල... ගෙවල් වල වැඩට ගිහින් හොරෙන් පැනලා, රටේ නම කාලා හැංගි හැංගි හිටපු අය ගෙන්වනවා.. හොඳ වෙලාවට පැනලා ඉඳලා ලංකාවට එන්න බලාගෙන එම්බසිය ගාවට ආපු අයට පාස්පෝට් නොදුන්නේ... දීල ඒ 19000 ගෙනාවා නම් ලංකාවේ නිරෝධානය කඳවුරු පිරෙනවා.. වෙන රටකින් මනුස්සයෙක් ගේන්න වෙන්නේ නෑ.. මීට කලින් පොදු සමා කාල කීයක් දුන්නද..? මෙයාලා ලංකාවට එන්න තියා පැත්තවත් හැරිලාවත් බැලුවේ නෑ...
senaWednesday, 20 May 2020 08:23 AM
පැනලා ඉන්නවා... ඒ වගේම බංගලියෙක්, පාකිස්තාන් කාරයෙක්, එහෙමත් නැතිනම් කවුරුහරි ලංකාවේ නොවන මිනිහෙක් එක්ක පවුල් කනවා. මේ කතාවල යම් ඇත්තක් තියෙනවා. ඉතින් ඕක මිනිස් ගතිය එහෙම කියලා ලංකාවේ මිනිස්සු ලංකාවට ගෙන්න ගන්නේ නැතිව ඉන්න රජයකට බැහැ.
ගාමිණී Tuesday, 19 May 2020 03:15 PM
මෙයාලා හොරෙන් පැනලා විහින් අමාරුවෙ වැටුණු අය. ඇත්තටම අනිත් රටවල තව එන්න කොච්චර අය ඉන්නවද? මෙයාලගෙ හැටි දන්න නිසා කුවේට් එකේ ඉන්න ලංකාවේ අයවත් මෙයාලට උදව් කරන්නෙ නෑ...
Saman Tuesday, 19 May 2020 03:17 PM
බංගලිදේශේ, පකිස්තානයේ, ඉන්දියාවේ, මිසරයටත් ප්ලේන් වැඩ. අපරාදෙ ඒ රටවලට යවන්න තිබුනේ. මෙයාලගෙ යාලුවෝ ගොඩක් ඒ රටවල අය. බොරු නම් කුවේට් ඉන්න කාට හරි කතා කරලා අහන්න.
Champa Tuesday, 19 May 2020 05:39 PM
මැද පෙරදිග ඉන්න ශ්‍රී ලාංකිකයන්ට ලංකාවට එන්න ටිකට් ගන්න මුදල් නැහැ කියලා පහුගිය දවස්වල වාර්තා තිබුණා. ඒ හින්දා කුවේට් රජය නොමිලේම මේ ශ්‍රී ලාංකිකයන් ලංකාවට එක්ක ආපු එක අගය කරන්න ඕනේ. එහෙම නොවෙන්න මොනතරම් කරදරයක් වෙයිද? බොහෝ අය අත කෑමටත් මුදල් නැහැ කියනවා. හේතුව ඒ මිනිස්සු හම්බ කරපු සියල්ල ලංකාවට එවපු නිසා... කුවේට් රජය ශ්‍රී ලාංකිකයන්ට දක්වපු කරුණාව අපේ රජයට ශ්‍රී ලාංකිකයන්ට පෙන්වන්න බැරි වුනු එක ගැන කණගාටුයි. මේ සමහරු ජනාධිපතිවරණයේදී ඡන්දෙ පාවිච්චි කරන්න ලංකාවට එන්නත් ඇති. මට මතකයි දැන් ඉන්න SLPP ඇමතිවරු සහ වියත්මඟ පවා මැද පෙරදිග ගිහින් මේ මිනිස්සුන්ගේ සහයෝගය ඉල්ලුවා ජනාධිපතිවරණෙට... මැද පෙරදිග ඉඳන් ලංකාවට එන්න ඉන්න අපේ මිනිස්සුන්ව කොන්දේසි විරහිතව නොමිලේ ලංකාවට ගේන්න ඕනේ... යුරෝපයේ වැඩ කරන ශ්‍රී ලාංකිකයන්ට වඩා මැද පෙරදිග වැඩ කරන ශ්‍රී ලාංකිකයන් දුක් විඳින බව හැමෝම දන්නා දෙයක්. අනිත් අතට වැඩි දෙනා කාන්තාවන්. පහුගිය දවස්වල දිගටම ප්‍රවෘත්ති තිබුණා... නිරෝධායන මධ්‍යස්ථාන වල හිටපු අය විශාල වශයෙන් ගෙදර ගියා කියලා. ඒ හින්ද ඉඩ නැති වෙන්න බැහැ. නැත්නම් පරිත්‍යාග කල හෝටල් හෝ පාසල් පාවිච්චි කරන්නත් පුළුවන්...
maxi Tuesday, 19 May 2020 07:19 PM
ඇයි කුවේට් එයාවේ එකෙන් ගෙනත් දෙනකල් හිටියේ. ඇයි ශ්‍රී ලංකාවේ ප්ලේන් මැදපෙරදිග රටවල් වලට එන්න බැරිකමක් තියෙනවද අපේ මිනිස්සු ගෙනියන්න එන්න? එංගලන්තය, ඕස්ට්‍රේලියාව, ජපානයට යන්න පුළුවන් උනාට මැදපෙරදිග රටවල් වලට එන්න බෑ. ලැජ්ජයි.