2024 සැප්තැම්බර් මස 08 වන ඉරිදා
කොවිඩ් 19 වසංගත තත්ත්වය හේතුවෙන් පනවා තිබූ ඇඳිරි නීතිය මැයි මස 11 දින (හෙට) දින සිට ලිහිල් කිරීමට රජය තීරණය කළද තවත් සති දෙකක් යන තෙක් සාමාන්‍ය මගීන් ප්‍රවාහනය සඳහා පොදු ප්‍රවාහන සේවා යොදා නොගන්නා ලෙස
සෞඛ්‍ය සේවා අධ්‍යක්ෂ ජනරාල්වරයා ප්‍රවාහන අමාත්‍ය මහින්ද අමරවීර මහතාට උපදෙස් දී තිබේ.
එම උපදෙස් අනුව යමින් ප්‍රවාහන සේවා කළමනාකරණ අමාත්‍යාංශය විසින් මින් පෙර සැලසුම් කර තිබු පරිදිම ලංගම හා ලංකා දුම්රිය දෙපාර්තමේන්තුව විසින් දුම්රිය හා බස් රථවලින් ප්‍රවාහන පහසුකම් සපයන්නේ රාජ්‍ය හා පුද්ගලික අංශයේ අත්‍යවශ්‍ය සේවාවන් සඳහා වාර්තා කරන කාර්ය මණ්ඩල සඳහා පමණක් බව ප්‍රවාහන අමාත්‍යංශය නිවේදනය කරයි.
තවත් සති දෙකක් යන තුරු සාමාන්‍ය ජනතාව සඳහා දුම්රිය හෝ ලංගම බස් රථවලින් ප්‍රවාහන සේවාවන් නොසපයන ලෙස ද අමාත්‍යවරයා අදාල අංශවලට උපදෙස් ලබා දි තිබේ.
ඇඳිරි නිතිය ළිහිල් කිරීමත් සමග පොදු ප්‍රවාහන සේවා පවත්වාගෙන යාම සම්බන්ධයෙන් ප්‍රවාහන අමාත්‍ය මහින්ද අමරවීර මහතා සෞඛ්‍ය සේවා අධ්‍යක්ෂ ජනරාල් වෛද්‍ය අනිල් ජාසිංහ මහතාගෙන් කරුණු විමසා තිබේ. සෞඛ්‍ය සේවා අධ්‍යක්ෂ ජනරාල්වරයා මෙම උපදෙස් නිකුත් කර ඇත්තේ අමාත්‍යවරයාගේ ඉල්ලීම අනුවය.
ඇඳිරි නීතිය ලිහිල් කර රටේ පුද්ගලික හා රාජ්‍ය අංශයේ රාජකාරි කටයුතු යම් යම් සීමාවන් ඇතිව ආරම්භ කළ ද, පොදු ප්‍රවාහන කටයුතු වල දී සාමාන්‍ය ජනතාව අත්‍යාවශ්‍ය නොවන කටයුතු සඳහා යොමුවිය හැකි බැවින් හෙට සිට තවත් සති දෙකක් යන තෙක් ඔවුන් සඳහා ප්‍රවාහන පහසුකම් නොසලසන ලෙස සෞඛ්‍ය සේවා අධ්‍යක්ෂ ජනරාල්වරයා අමාත්‍යවරයාට උපදෙස් දී තිබේ.
රජය විසින් රට පෙර පැවැති තත්ත්වයට ගෙන ඒම හා කොවිඩ් 19 මර්දනය සඳහා ගෙන යන වැඩ පිලිවෙළ ශක්තිමත් කිරීමට නම් සෞඛ්‍ය අංශ විසින් ලබා දී ඇති උපදෙස් අනිවාර්යෙන්ම ක්‍රියාත්මක කළ යුතු බවත්. මහජනතාව මෙම අවස්ථාවේ දී ප්‍රවාහන සේවා විදිමත්ව පවත්වාගෙන සඳහා තම පූර්ණ සහයෝගය පළ කළ යුතු බවත් අමාත්‍යවරයා වැඩිදුරටත් ප්‍රවාහන ක්ෂේත්‍රෙය් නිලධාරීන්ට උපදෙස් දී තිබේ.
“රජය විසින් හෙට දින රට නැවතත් විවෘත කරන්නේ සාමාන්‍ය ජනතාවට අනවශ්‍ය ගමන්බිමන් යාම සඳහා නොව රටේ ආර්ථිකය නංවා, ඉදිරියේ දී ඇති විය හැකි ආර්ථික දරිද්‍රතාවය මග හරවා ගනිමින් ජන ජීවිතය සුඛිත මුදිත කිරීමේ අරමුණ පෙරදැරිවයි. එසේ නොමැතිව මහජනතාව වගකීමකින් තොරව කටයුතු කළහොත් සිදුවන්නේ නැවතත් කොවිඩ් 19 වසංගතය හිස ඔසවා රටම තවත් මාස කිහිපයකට වසා තැබිමේ තත්ත්වය උද්ගත කර ගැනීමයි“ යයි ද ප්‍රවාහන අමාත්‍යවරයා පවසයි.
ශ්‍රී ලංකා පොදුජන පෙරමුණ ජනාධිපති අපේක්ෂක නාමල් රාජපක්ෂ මහතාගේ ප්‍රධානත්වයෙන් වැලිමඩ නගරයේ ඉන්ද්‍රානී සිනමා ශලාවේ පැවති ජනහමුවට සෙල්ලම් පිස්තෝලයක
යම් අපරාධයක් කිරීමට පුපුරන ද්‍රව්‍ය තොගයක් රැගෙන ගිය පුද්ගලයන් දෙදෙනකු සැකපිට අත්අඩංගුවට ගත් බව දඹුල්ල පොලිසිය කියයි.
අනුරාධපුර හිටපු පාර්ලිමේන්තු මන්ත්‍රි උද්දික ප්‍රේමරත්න මහතතා ගමන් කළ මෝටර් රථයට වෙඩි තැබීමේ සිද්ධිය සම්බන්ධයෙන් සැකපිට අත්අඩංගුවට ගත් අනුරාධපුර හ
අධ්‍යාපන රාඡ්‍ය අමාත්‍ය අරුණාචලම් අරවින්ද කුමාර් මහතා අවසරයකින් තොරව සිය භාරයේ තබාගෙන සිටි බව කියන හැටන් වැවිලි සමාගමට අයත් ලිඳුල ‘හෙන්ෆොල්ඩ්’ වතුය
රාජ්‍ය අමාත්‍යවරුන් හතර දෙනකු ජනාධිපතිවරයා විසින් ධුර වලින් ඉවත් කර ඇතැයි ජනාධිපති මාධ්‍ය අංශය නිවේදනය කරයි.
මහනුවර කටුගස්තොට පාරේ ඉන්ධන පිරවුම් හලක ව්‍යාජ ලෙස තෙල් සහ ගෑස් පෝලිමක් ඇතිකොට එය වීඩියෝ ගත කිරීමට තැත් කිරීමේදී මැතිවරණ නිරීක්ෂණ නිලධාරීන් සහ පොලිස
2024 අගෝස්තු මස 15
1813
1
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්‍රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
2024 අගෝස්තු මස 08
865
0
ප්‍රමුඛ පෙළ ශ්‍රී ලාංකීය මූල්‍ය සමාගම සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්‍රික්කයේ ස්වභාවික සෞන්දර්ය
2024 ජුලි මස 31
677
5
ශ්‍රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
පොදු ප්‍රවාහනය අත්‍යවශ්‍ය සේවා සාමාජිකයන්ට පමණයි
නිමල් Sunday, 10 May 2020 08:17 AM
වචයෙන් කියලා අපේ මිනිස්සුගේ පාලනය හෝ විනය හදන්න බෑ... කරුණාකරලා නීතියෙන් කලයුතු දේ කරන්න. ඔය ජපානය වගේ රටකට නම් වචනයෙන් කියල පාලනය කරන්න පුළුවන්...
ලියනගේ Sunday, 10 May 2020 02:25 PM
ස්වාධීන රූපවාහිනියේ සභාපතිවරයා සුදත් රෝහණ ඇතුළු පිරිස විසින් ක්‍රියාත්මක කරමින් තිබෙන මනුෂ්‍යත්වයේ සත්කාරය අගය කරන නමුත් කෝවිඩ් 19 මර්දනය සඳහා ගෙනයන වැඩපිලිවෙළ ශක්තිමත් කිරීමට සෞඛ්‍ය අංශ විසින් ලබා දී ඇති උපදෙස් අනිවාර්යයෙන්ම ක්‍රියාත්මක කරනවද කියා සැක සහිත වේ. කකුළුවාගේ තියරිය අනුගමනය නොකරන්න.
JeewaSunday, 10 May 2020 06:11 PM
තමුන්ගේ ජිවිතේ තීරණ තමුන්ට ගන්න ශක්තියක් නැති, ආණ්ඩුව තමුන්ගේ ජිවිතේ ගැන තීරණ අරං දෙනවට කැමති වහල්ලු...
Samitha Senaka Aluthgamage. Sunday, 10 May 2020 09:36 AM
මං මේ නිකමට අහන්නේ. අම්මයි දුවයි පමණක් ඉන්නා නිවසක දෙන්නාම යායුතු වැඩක් තියෙනවා. අනිවාර්යයෙන්ම දෙන්නාම යායුතුයි. ඒත්, හැඳුනුම්පතේ තියෙන්නේ අංක දෙකක්... එක්කෙනෙක් ගෙදර. අනිකා ගමනේ. අම්මා අසනීප වෙනවා. ලොකු අමාරුවක්. අම්මාටම තමයි බෙහෙත් ගෙන්න යන්න වෙන්නේ. දුවට සම්මුඛ පරීක්ෂණයක් තියෙනවා. අංකය නැති නිසා කොහොමද යන්නේ...?
Anton AustriaSunday, 10 May 2020 01:28 PM
ඔබගේ ප්‍රශ්නයට උත්තරය හරිම සරලයි.. මේ කාලේ කොහෙන්ද සම්මුඛ පරීක්ෂණ අපිටත් කියන්න යවන්න... අනික යාළුවා එහෙම වුණොත් ඔබට පුළුවන් අහල පහළ කාටහරි කියලා ගෙන්න ගන්න... ඔබ කියයි කවුරුත් නැහැ කියලා. ඕක තමයි අපේ රටට හෙන ගහන්නේ කවදා හරි ඔහොම හිතන නිසා...
indikaMonday, 11 May 2020 07:28 AM
මෝඩ කතා කියන්න එපා. මේ වෙලාවට මොලය පාවිච්චි කරලා වැඩ කරන්න ඔනෙ. මේ වගේ දේවලුත් වෙන අයාගෙන සහ රජයෙන් අහන්න ඕනෙද?
Samitha Senaka Aluthgamage.Tuesday, 12 May 2020 07:32 AM
කණ්ණාඩිය ඉස්සරහට ගිහින් බලන්න. එතකොට අර කිව්ව කෙනාව පෙනේවි...
de silva Sunday, 10 May 2020 09:49 AM
පොදු ප්‍රවාහන සේවා භාවිත කරන එක අඩු කරන්න නම් අපට ත්‍රි රෝද රථ , යතුරුපැදි වලින් අපගේ ප්‍රවාහන අවශ්‍යතා ඉටු කරගන්න ලෝක වෙළඳපලේ තෙල් මිල අඩුවෙලා තිබෙන මේ අවස්ථාවේ එම සහනෙන් භාගයක් හෝ අපට දෙන්න .
MaheshSunday, 10 May 2020 01:38 PM
දැන් වැඩිවෙලා ඇති යාලුවා. පරිප්පු සහ සැමන් අඩුවට දීපු එක නවත්තලා කියන්නේ මිල වැඩිවෙලාලු ...
Aris Sunday, 10 May 2020 10:27 AM
කාර්යාල වේලාවෙන් පස්සේ දුම්රිය, බස්රථ කිහිපයක් ධාවනය කරවන්න වෙනත් දේ සදහා ගමන් කරන අයට. ඒ වගේම කිට්ටුව ගමන් පයින් යන්න, බයිසිකලෙන් යන්න උපදෙස් දුන්නම දුම්රිය, බස්රථ තුල මගී තද බදයක් ඇති වෙන්නේ නැහැ.
Achala Sunday, 10 May 2020 01:48 PM
මගේ රැකියාව රියදුරු... මම වැලි ප්‍රවාහනය කරනවා. කොළඹට අපට යන්න දෙන්නේ නැද්ද? කාර්යාලවල අය විතරද වැඩ කරන්න ඕනෑ.
de silva Sunday, 10 May 2020 02:34 PM
කරුණාකර හැදුනුම්පත් , විදේශ ගමන් බලපත්‍ර , රියදුරු බලපත් , විදේශිකයන් සදහා විසා ඇතුළු අවශ්‍යතා සදහා ඔවුන් පදිංචි ප්‍රදේශවල ප්‍රාදේශීය ලේකම් කාර්යාල වලින් අයදුම්පත් භාරගෙන, ඒවා රජයේ වාහන යොදවල කොළඹ ගෙනත් මුද්‍රණ කටයුතු සිදුකර වැඩකරන දින 5 වැනි සුළු කාලයකදී එම ප්‍රාදේශීය ලේකම් කාර්යාලවලදිම ඔවුන්ට ලබාදියහැකි ක්‍රමවේදයක් සකස් කලොත් නිකරුනේ මිනිස්සු කොළඹ රස්තියාදු වෙන එක අඩු වෙනවා , බලධාරිනි ජනතාවට තහංචි පමණක් දමන්නේ නැතුව තිබෙන රාජ්‍ය සම්පත් යොදවල ජනතාවගේ ප්‍රශ්න විසදලා ජනතාවට සේවයක් කරන්න උත්සහ කරන්න , නිකන් බොරුවට හිස් කෝච්චිවල කාර්යාල සේවකයන් පමණක් පටවල කොළඹ එවල තේරුමක් තිබෙනවද ?
Sukitha Sunday, 10 May 2020 03:28 PM
මෙච්චර කල් වැඩ කරපු විදියට සුඛිත වෙලා ඉවරයි... දැන් හෙට ඉඳන් මුදිත වෙයි.. අනේ බොහොම පිං...
de silva Monday, 11 May 2020 02:18 AM
කොළඹට යන්න සහ කොළඹ තුළ පොදු ප්‍රවාහන පහසුකම් භාවිත කිරීම රජයේ සේවකයන්ට සහ අත්‍යවශ්‍ය සේවා වල යෙදෙන සේවකයන්ට පමණක් නම් සෙසු ජනතාවට එක තහනම් නම් රජයේ කාර්යාල විවෘත කරන්නේ කුමකටද ? රජයේ සේවකයන්ට එහි ගොස් පුටු වල වාඩි වෙලා උඩබලාගෙන ඉන්නද කියන්නේ ? අනේ මෙහෙමත් මෝඩ තීරණ. රජයේ සේවකයෝ කියන්නේ ජනතාවට සේවය කරන්න සිටින පුද්ගලයන් , ජනතාව ගෙවල් වලට දමලා වහලා සේවකයන් පමණක් කැඳවන්නේ කුමකටද ?
de silva Monday, 11 May 2020 04:29 AM
දැන් ලංකාවේ රෝහල් වල ප්‍රතිකාර කරන කොරෝනා ලෙඩ්ඩුන්ගෙන් 95% ක් විතර ඔය කියන අත්‍යවශ්‍ය සේවා වල සාමාජිකයෝ. එම නිසා ඔය අත්‍යවශ්‍ය සේවා වල සාමාජිකයෝ සියල්ල නිරෝධායනය සදහා ඇතුළට අරන් සාමාන්‍ය ජනතාව එළියට දැම්මොත් ඔය ප්‍රශ්නේ විසදෙන්නේ නැතිද ?