(හිරාන් ප්‍රියංකර ජයසිංහ) 
 
නවගත්තේගම මහපිටිය ප්‍රදේශයේ ඉඩමක් වටා ඇද තිබූ අනාරක්ෂිත විදුලි වැටක ගැටී පස් දරු මවක් අද(25) මරණයට පත්ව ඇති බව නවගත්තේගම පොලිසිය පවසයි.
 
මියගොස් ඇත්තේ  නවගත්තේගම මහපිටිය පදිංචි සිටි 54 හැවිරිදි ඊ. එම්. බිසෝ මැණිකා නමැත්තියකි.
 
වල් අලි බහුල ප්‍රදේශයක් වන මොරගහවැව මහපිටිය ගම්මානයේ වැසියෝ තම ඉඩම් ආරක්ෂා කර ගැනීමට මෙසේ අනවසර විදුලි වැටවල් සකසති.
 
මරණයට පත් කාන්තාවගේ ඉඩම වටා ඇද තිබූ විදුලි වැට වෙනත් දිනවලදී ඇගේ සැමියා විසින් විසන්ධි කරන නමුත් අද විසන්ධි කිරීමට අමතක වී ඇති බවත්, කාන්තාව විදුලි වැට ආසන්නයෙන් වෙනත් ස්ථානයකට ගමන් කිරීමට යාමේදී විදුලි සැර වැදී ඇති බවත්, නවගත්තේගම රෝහලට ඇතුළත් කරන විටත් ඇය මියගොස් සිටි බවත් මූලික පරීක්ෂණවලදී අනාවරණය වී ඇතැවි පොලිසිව කියයි.
 
 සිද්ධිය සම්බන්ධයෙන් නවගත්තේගම පොලිසිය හා වන ජීවි අඩවි කාර්යාලය පරීක්ෂණ පවත්වයි.