වසර තුනකට පෙර කාර් බෝම්බ ප්‍රහාරයකින්  ඊජිප්තුවේ  ප්‍රධාන විනිසුරු හිෂාම් බැරකට්  මහතා  ඝාතනය කිරීම සම්බන්ධ වැරදිකරුවන්  9 දෙනෙක්ට  එරට අධිකරණ මරණ දඩුවම නියමකර ඇත.

 ඊයේ කයිරෝහිදී මෙම මරණ දඩුවම නියම කළ බව  අධිකරණ මූලාශ්‍ර පැවසයි. 

 
2013 සිට 2015 දක්වා කාලයේ එරට ප්‍රධාන විනිසුරු ධූරය දැරූ  හිෂාම් බැරකට්  මහතා  2015 ජුනි මාසයේදී  ඝාතනයට ලක් වු අතර,  එම ඝාතනයට  සම්බන්ධ වූවන්ට මෙසේ මරණ දඩුවම නියම වී ඇත. 

 මෙම ඝාතන සිද්ධියෙන් වසර  දෙකට පසුව  සිද්ධියට මැදිහත් වු   වරදකරුවන් 28 දෙනෙක්ට ඊජිප්තු අපරාධ අධිකරණය දඩුවම් නියමකර තිබිණි.

 එහි  විත්තිකරුවන් 15 දෙනෙක් අධිකරණය හමුවේ පෙනී සිටි අතර ඉන් 9 දෙනෙක් සඳහා මරණ දඬුවම නියම  කෙරිණි.  තවත් වරදකරුවන් හයදෙනෙක් සඳහා ජීවිතාන්තය දක්වා සිරදඬුවම් නියම  කර ඇත.

(63226  )