(සුජිත් හේවාජුලිගේ)
කොරෝනා වයිරසය ආසාදනයවීමෙන් දරුවන්ට "නිහඬ මාරයා" යනුවෙන් හැඳින්වෙන ඉතා බරපතළ රෝගී තත්වයක් ( Silent hypoxia) හටගන්නා බව රිජ්වේ ආර්යා ළමා රෝහලේ දැඩි සත්කාර ඒකකය බාර විශේෂඥ වෛද්ය නලින් . සී. කිතුල්වත්ත මහතා පැවැසීය.
කොවිඩ් වැළඳුණු දරුවෙකු සුව වීමෙන් පසු සාමාන්ය පරිදි කටයුතු කිරීමේදී හෝ සෙල්ලම් කිරීමේදී නොදැනුවත්වම රුධිරයේ ඔක්සිජන් මට්ටම අඩුවීම එම රෝගී තත්වයේ ස්වභාවය බවද හෙතෙම සඳහන් කළේය.
සාමාන්යයෙන් රුධිරයේ ඔක්සිජන් ප්රමාණය අඩුවීමේදී හුස්ම ගැනීමේ අපහසුව, කතා කිරීමේ අපහසුව ආදි ලක්ෂණ පෙන්නුම් කෙරෙන නමුත් මෙම රෝගයේදී එලෙස පූර්ව ලක්ෂණ මතු නොවීමද විශේෂත්වයක් බව පැවසූ කිතුල්වත්ත මහතා කොරෝනා ආසාදනය වී ඇති දරුවන්ගේ ඔක්සිජන් ප්රතිශතය මේ තත්වය යටතේ සතියකට වරක් හෝ මැන බැලීම වැදගත් වන බවද ප්රකාශ කළේය.
සෙල්ලම් කිරීමෙන් පසු ඔක්සිජන් ප්රතිශතය සියයට 94ට වඩා අඩුනම් සහ සාමාන්ය පරිදි සිටින විට සියයට 96ට වඩා අඩුනම් වහාම දරුවන් රෝහල් ගත කර ප්රතිකාර ලබා දිය යුතු බවද ඔහු අවධාරණය කළේය.
මෙයට පෙර පැතිර ගිය ඇල්ෆා ප්රභේදය ආසාදනය වූ දරුවන්ට රෝග ලක්ෂණ එතරම් පෙන්නුම් නොකළද ඩෙල්ටා ප්රභේදය සමග රෝග ලක්ෂණ මතුවීම වැඩිවී ඇතැයි පැවසූ විශේෂඥ වෛද්යවරයා රිජ්වේ ආර්ය ළමා රෝහලේ නේවාසිකව ප්රතිකාර ලබන කොවිඩ් ආසාදිත දරුවන් ප්රමාණය අඩුවුවද දැඩි සත්කාර අවශ්ය දරුවන් ප්රමාණය සැළකියුතු ලෙස වැඩිවී ඇතැයිද ප්රකාශ කළේය.
රෝහල්ගත කෙරෙන රෝගී දරුවන් ප්රමාණය අඩුවී ඇත්තේ නිවෙස්වල රඳවා ප්රතිකාර කිරීමේ වැඩපිළිවෙළ ආරම්භ කිරීම නිසා බවත් කොරෝනා අසාදනය වූ දරුවන් නිවෙස් වල රැකබලාගැනීමේ වැඩසටහනද ඉතා සාර්ථකව ක්රියාත්මක වන බවත් ඔහු පැවසීය.
මේ අතර, වයස 12ත් 18ත් අතර දරුවන්ට මොඩර්නා සහ ෆයිසර් එන්නත් ලබාදීම අනුමත වී ඇතැයිද කිතුල්වත්ත මහතා කීවේය
මේ සම්බන්ධයෙන් දැනටමත් ළමා රෝග විශේෂඥ වෛද්යවරුන්ගේ සංගමය සාකච්ජා පවත්වමින් සිටින බවත් එම වයස් කාණ්ඩයේ විවිධ සංකූලතා සහ නිධන්ගත රෝග තිබෙන දරුවන්ට මෙහිදී ප්රමුඛත්වය ලබා දෙන බවත් ඔහු පැවසුවේය
ජනාධිපති රනිල් වික්රමසිංහ මහතා සහ ඉලංකෙයි තමිල් අරසුකච්චි පක්ෂයේ නායක මාවෙයි සේනාධිරාජා මහතා අතර හමුවක් යාපනය තෙලිප්පලෙයි හි සේනාධිරාජා මහතාගේ නි
රටේ සංස්කෘතියට හානියක් වන කිසිඳු දේශපාලනික හෝ සමාජීය තීන්දුවක් ක්රියාත්මක කිරීමට ඉඩ නොදෙන බව ශ්රී ලංකා පොදුජන පෙරමුණේ ජනාධිපතිධූර අපේක්ෂක, පාර්ලි
මෙවර ජනාධිපතිවරණයේදී ,විදුලි හා පුනර්ජනනී බලශක්ති පාරිභෝගික සංගමයේ සහාය ජාතික ජන බලවේගයේ අපේක්ෂක අනුර කුමාර දිසානායක මහතාට ලබාදීමට තීරණය කර ඇතැයි එ
පොලොන්නරුව කදුරුවෙල නගරයේ වෙලද සංකීර්ණය වෙළෙඳහලක ගින්නක් හට ගෙන ඇති බව කදුරුවෙල පොලිසිය කියයි.
ශ්රී ලංකා පොදුජන පෙරමුණ ජනාධිපති අපේක්ෂක නාමල් රාජපක්ෂ මහතාගේ ප්රධානත්වයෙන් වැලිමඩ නගරයේ ඉන්ද්රානී සිනමා ශලාවේ පැවති ජනහමුවට සෙල්ලම් පිස්තෝලයක
ආණ්ඩුක්රම ව්යවස්ථාවට අනුකූලවම මෙරට සියලු ආගම්වල අයිතීන් සුරක්ෂිත කිරීම සඳහා රජය කැපවී සිටින බව ජනාධිපති රනිල් වික්රමසිංහ මහතා පැවසීය.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
කොවිඩ් වැළඳුණු දරුවන් බිලිගන්න ’’නිහඬ මාරයා’’ හිස ඔසවයි
Sri Lanka Tuesday, 24 August 2021 08:00 PM
ජනතාව බය කරන්න එපා. තමුන්ගේ බඩ රැකගන්න. කොරෝනා විකුණන් කෑම නවත්වන්න. රට සහ හෙට ගැන හිතන්න.
GemunuWednesday, 25 August 2021 10:26 AM
කරුණාකර මෙවැනි මෝඩ ප්රකාශ සඳහා අපේ රටේ නම භාවිතා නොකරන්න. තේරුම් ගත හැකි පුද්ගලයින් සඳහා වෛද්යවරයා මෙම ප්රකාශය කර ඇත. ඔබ වැනි මිනිසුන් සඳහා නොවේ.
Sri Lanka Wednesday, 25 August 2021 12:33 PM
අදහස් ප්රකාශ කිරීමේ අයිතිය අහුරන්න එපා. තමාගේ මතයම නිවැරැදියි හිතන්න එපා... අන් අයටත් ඇහුම්කන් දෙන්න. විවිධ මතවල වැදගත් දේ පමණක් උකහා ගන්න මගේ මිත්රයා. ස්තූතියි..!!!