ගලක් කඩා වැටී ශ්‍රී පාද වන්දනාකරුවන් තිදෙනෙකුට තුවාල

(ගාමිණී බණ්ඩාර ඉලංගන්තිලක)

නල්තතන්නිය - ශ්‍රීපාද මාර්ගයෙන් මහගිරිදඹ ප්‍රදේශයේදී ගලක් කඩා වැටීමෙන් ශ්‍රී පාද වන්දනාවේ පැමිණි වන්දනාකරුවන් තිදෙනෙකු තුවාල ලබා දික්ඔය මූලික රෝහල වෙත ඇතුළත් කර තිබේ.

ඊයේ (27) සන්ධ්‍යාවේ දී සිරි පා වන්දනා කරමින් සිටිය දී ඔවුන් මෙම අනතුරට ලක්වී ඇත.

මෙසේ තුවාල ලබා ඇත්තේ තංගල්ල හා ගනේමුල්ල ප්‍රදේශයේ පදිංචිකරුවෝ වෙති.

අනතුර සිදුවන අවස්ථාවේ වර්ෂාව පැවති බවත්, විශාල ශබ්දයක් සමඟ ගල පහළට කඩා වැටුණු බවත් ඔවුහු පවසති.

තුවාලකරුවන්ගේ තත්ත්වය බරපතල බව දික්ඔය රෝහල් ආරංචි මාර්ග පවසයි.

අදහස් (6)

ගලක් කඩා වැටී ශ්‍රී පාද වන්දනාකරුවන් තිදෙනෙකුට තුවාල

ශාන් Friday, 28 December 2018 06:33 AM

සිරීපාදයේ බල මහිමය....

: 1152 310

Vipula Friday, 28 December 2018 10:24 AM

ශාන්, ඒ බැතිමතුන්ගේ පින් මහිමය වෙන්න බැරිද?

: 210 23

perera Friday, 28 December 2018 12:41 PM

මේක සිරීපාදේ ගිය බැතිමතුන්ගේ ප්‍රශ්නයක්වත්, සිරීපාදේ බලමහිමයේ වරදක්වත් නොවේ. මේක සොබාදහමේ ක්‍රියාකාරකමක්... මෝඩ විදිහට මේක බලන්න එපා අනතුරට මුහුණදුන් අයට ඉක්මන් සුවය ප්‍රාර්ථනා කරන්න...

: 0 584

lankasri Friday, 28 December 2018 08:51 PM

මෙය තමන් කළ අකුසල කර්මයක් ඵලදීමකි. නමුත් මෙවැනි අවස්ථාවක චුතියක් සිදු වුනි නම් බොහෝ විට උපත දිව්‍යලෝකයක වේ. චුති සිතට නැගුණු අවසන් සිතුවිල්ල බුදුන් වැඳ පුදා ගැනීමේ ප්‍රසාද සිත නිසා...

: 0 0

Sathyayaa Friday, 28 December 2018 11:59 PM

බොරුව, වංචාව, දූෂණය ඉවසන්න බැරුව දෙවියොත් කෝපවෙලා. දන්නා කාලයක මෙවැනි දෙයක් සිදුවෙලා නැහැ. මෙතන නාය යන්න හේතුවක් නැති වුනත්, ගිය ආණ්ඩු කාලේ අනවශ්‍ය මහා බරැති කළු ගල් පහන් කඳු මුදුනට බාන්න හෙළිකොප්ටර් යොදා ගැනීමත්, ඒ නිසා ඇතිවන දෙදරීම හා වායු කම්පනය නිසා ඉරිතලා ගොස් තිබූ ගල් කුළුවලින් කොටස් පුපුරා පහතට වැටෙන්න ඉඩ නැත්තෙත් නැහැ. දේශපාලුවන් අත ගහපු තැන කඳුත් ඉවරයි. රටත් ඉවරයි...!

: 0 13

Dileepa Saturday, 29 December 2018 03:11 AM

දෙවියො බිසී වෙන්න ඇති.

: 16 102