(කාංචන කුමාර ආරියදාස)

දඹුල්ල ආර්ථික මධ්‍යස්ථානයේ එළවළු මිල වෙනත් දිනයන්වලට වඩා අඩු වී ඇතැයි ව්‍යාපාරිකයෝ පෙන්වා දෙති.

ඇතැම් ව්‍යාපාරිකයන් කියා සිටියේ එළවළු ගොවීන් තම අස්වනු නත්තල් උත්සවය සඳහා 23 දින රැගෙන ඒමත් අස්වනු නෙලීම නොකර සිටී ගොවින් සිය අස්වැන්න වැඩි වශයෙන් වෙළදපලට ගෙන ඒමත් මිල අඩු වීමට හේතුව වී ඇති බවය.

එමෙන්ම දඹුල්ල ආර්ථික මධ්‍යස්ථානයේ එළවළු මිල දී ගැනීම් සඳහා පිට පළාත්වලින් පැමිණෙන වෙළෙන්දන් ගේද අඩුවක්ද අද දින දැක ගැනීමට හැකි වූ බව ව්‍යාපාරිකයෝ සදහන් කරති.

ආර්ර්ථික මධ්‍යස්ථානය වෙනදාමෙන් වැඩි කලබලයකින් තොරව ක්‍රියාත්මක වන අතර වෙළද සංගම් නියෝජිතයෝ කියා සිටියහ.

ඒ අනුව ඉකුත් දිනවල 280 -300 අතර මිලකට ගිය ගෝවා 120-140ටත්, 250- 280 මිලකට ගිය බෝංචි 190-250ටත් 200-250 අතර මිලකට ගිය ලීක්ස් 190 -210ටත්, 370 -380 අතර මිලකට ගිය කැරට් 250-300ටත්, 260-280 තක්කාලි 200 -220ටත්, 70 -100 අතර මිලකට ගිය රාබු 50-60ටත්, 150-160 අතර මිලකට ගිය නෝකෝල් 130-140ටත්, 85 -90 අතර මිලකට ගිය පිපිඤ්ඤා 60-70ටත් 180- 190 මිලකට අලෙවි වූ වැලිමඩ අර්තාපල් අල140-150ටත්, 230-230ට අලෙවි වූ කරවිල 160-200ටත්, 260 -270 අලෙවි වූ වම්බටු 160-200ටත්, 670 -700 ට අලෙවි වූ අමුමිරිස් 450 -550ටත් අලෙවි වූ බව ආර්ථික මධ්‍යස්ථානය පවසයි.