පුද්ගලයකුට පහරදුන්නැයි මන්ත්‍රී පුංචිනිලමේ අධිකරණයට ඉදිරිපත් කරන්න යයි

(අමදෝරු අමරජිව)

ත්‍රිකුණාමලය අග්බෝපුර පදිංචිකරුවකුට පහරදුන්නේයැයි කියන සිද්ධියක් සම්බන්ධයෙන් ත්‍රිකුණාමල දිස්ත්‍රික් පාර්ලිමේන්තු මන්ත්‍රී සුසන්ත පුංචිනිලමේ මහතා කතානායකවරයාගේ අවසරය ඇතිව අධිකරණයට ඉදිරිපත් කිරීමට බලාපොරොත්තු වන බව පොලිසිය අද කන්තලේ මහේස්ත්‍රාත් උසාවියට දැනුම් දුන්නේය.

එම පුද්ගලයාට පහරදීම සම්බන්ධයෙන් නීතීඥවවරයන් මාර්ගයෙන් අධිකරණයට ඉදිරිපත් වූ ඇමැති ආරක්ෂක අංශයේ පොලිස් නිලධාරීන් දෙදෙනකු රුපියල් ලක්ෂය බැගින් වූ ශරීර ඇප මත මුදා හරින ලෙස කන්තලේ මහේස්ත්‍රාත් තිසානි තේනබන්දු මහත්මිය නියම කළාය.

සුසන්ත පුංචිනිලමේ මහතා සහ ඇමැති ආරක්ෂකයන් තමන්ට පහර දුන්නේ යැයි කියමින් අග්බෝපුර, අග්බෝගම පදිංචි එච්.එම්.විමලරත්න බණ්ඩා නම් පුද්ගලයකු පොලිසියට පැමිණිල්ලක් කර තිබිණි. එම විමලරත්න නම් පුද්ගලයා තමන්ට පහර දීමට තැත් කළ බව කියමින් මන්ත්‍රීවරයා සහ ඇමැති ආරක්ෂකයන් දෙදෙනා ද පොලිසියට වෙනම පැමිණිල්ලක් සිදු කර තිබුණු බව පොලිසිය කියයි.

මන්ත්‍රීවරයා කළ පැමිණිල්ල අනුව විමලරත්න බණ්ඩා නම් එම පුද්ගලයා ද අත්අඩංගුවට ගත් පොලිසිය ඔහු අද අධිකරණයට ඉදිරිපත් කළේය. එම පුද්ගලයා ද රුපියල් ලක්ෂයක ශරිරි ඇපයක් මත මුදාහරින ලෙස මහේස්ත්‍රාත්වරිය නියම කළේය. අද ඇප නියම වූ ඇමැති ආරක්ෂකයන් දෙදෙනා වන්නේ පොලිස් සැරයන් (6667) කරුණාරත්න හා කොස්තාපල් (58179) සමන්තිලක යන දෙදෙනාදය.

සැකකරුගේ ප්‍රකාශය අනුව සිද්ධියට සම්බන්ධ පාර්ලිමේන්තු මන්ත්‍රිවරයා අධිකරණයට ඉදිරිපත් කිරිමට පොලිස්පති චක්‍ර ලේඛනයේ සඳහන් නෛතික ප්‍රතිපාදන අනුව කථානායක වෙත දැනුම් දිමට අවශ්‍ය ක්‍රියාමාර්ග ගෙන ඇතිබව පොලිසිය අධිකරණයට දැනුම් දුන්නේය.

අදහස් (10)

පුද්ගලයකුට පහරදුන්නැයි මන්ත්‍රී පුංචිනිලමේ අධිකරණයට ඉදිරිපත් කරන්න යයි

පිටිගල මිලානෝ Wednesday, 23 January 2019 02:12 PM

පරාල ඇන ගහපු එකට නඩු නැද්ද?

: 0 171

saman rathnapura Wednesday, 23 January 2019 02:17 PM

ලෝක කපටියෙක් සහ රත්නපුර මොරගහයට පැත්තේ ව්‍යාපාරිකයෙක් වන මොහුගේ මස්සිනාට මෙයා ත්‍රිකුණාමලයේ මුහුඳ අයිනේ ආණ්ඩුවේ ඉඩම් වගයක් දුන්නා. වගකිව යුතු පුද්ගලයින් මේ ගැන විමර්ශනයක් කරන්න.

: 0 260

rocky Wednesday, 23 January 2019 02:17 PM

පුද්ගලයෙකුට පහර දුන්නා කියන්නේ පරාල ඇන වලින්ද? ඒ කේස් එක මතුවෙලාද?

: 0 92

Chanak los angeles Wednesday, 23 January 2019 06:35 PM

කෙනෙකු අතින් වරදක් වුවත් ඒ සඳහා පහර දීමට කිසිඳු අයිතිවාසිකමක් කාටවත් නොමැත. විශේෂයෙන් ජනතා නියෝජිතයන් ජනතාවට සමීපව මානව හිතවාදීව ක්‍රියාකළ යුතුයි

: 0 99

dias Thursday, 24 January 2019 02:26 AM

මහජනයාගේ චන්දෙන් පත් වුනාට පස්සේ, මේ අය පාරේ යනකොට චන්දෙ දීපු අය කානුවට බැහැල මුන්ට පාරේ යන්ට ඉඩ දෙන්ට ඕනේ.

: 0 115

ධනුෂ්ක Thursday, 24 January 2019 02:29 AM

මෙතුමාගේ ඉතිහාස කතන්දර දන්නවනම් එ් අහිංසක මිනිසා සතුටු වෙයි ගුටි කාලා විතරක් බේරුන එක ගැන. මට පුදුමයි මෙතුමලා තාම යහතින් ඉන්නවා.ගොඩක් අයටනම් කලකම් ඵල දුන්නා.

: 0 120

පෙරුමාල් Thursday, 24 January 2019 03:04 AM

ඒ වෙලාවේ සුසන්තගෙ වාහනේ ඇතුලෙ පරාල ඇණ, කඹ, යකඩ මිටි එහෙම තිබුණාද කියලා හොයා බැලුවොත් හොඳයි...

: 0 76

Vishwa Vidyala Shishyaya Thursday, 24 January 2019 03:58 AM

එල එල .......නියමයි

: 0 30

Lusena Thursday, 24 January 2019 03:07 AM

නාලන්ද එල්ලාවල ඝාතනයට සම්බන්ධ අයත් තවම නිදැල්ලේ...

: 0 62

Rathnapura ManThursday, 24 January 2019 04:03 AM

අනේ, මෙයා එහෙම මිනිස්සු පරලොව යවන කෙනෙක් නෙමෙයි (ත්‍රිමවිතන තමන්ගේ ඔලුවට ඇන ගහගෙන මලාට මේ අහිංසකයා මොනවා කරන්නද ?

: 0 114

ඔබේ අදහස් එවන්න

එසැණ පුවත්

වී මිල ගැන නිල ප්‍රකාශයක්

2025 පෙබරවාරි මස 05 552 0

රජය වී කිලෝවක් ගන්නා මිල කෘෂිකර්ම අමාත්‍යාංශයේදී අද(05) උදේ 11.00 ට පවත්වන ප්‍රවෘත්ති සාකච්ඡාවකදී නිල වශයෙන් ප්‍රකාශයට පත්කරන බව කෘෂිකර්ම නියෝජ්‍ය අමා

සහල් සැකසීමේ සංකීර්ණ දෙකක් නිෂ්කාර්ය වෙලා

2025 පෙබරවාරි මස 05 182 0

දැනට ප්‍රතිව්‍යුහගත කර ඇති සමුපකාර තොග වෙළඳ සංස්ථාව සතුව තිබූ පැයකට සහල් ක්ලෝ ග්‍රෑම් 2000 බැගින් සැකසීමේ ධාරිතාවයකින් යුත් හිඟුරක්ගොඩ සහ පන්නෙගමුව සහ