2024 දෙසැම්බර් මස 22 වන ඉරිදා
(සුජිත් හේවාජුලිගේ සහ අංජුල මහික වීරරත්න)
විවිධ අක්‍රමිකතා සම්බන්ධයෙන් කරුණු විමසීම සඳහා ශ්‍රී ලංකා පාපන්දු සම්මේලනය, ශ්‍රී ලංකා ප්‍රමිති ආයතනය, පරිවාස හා ළමාරක්ෂක සේවා දෙපාර්තමේන්තුව සහ ජාතික ඉතිරිකිරීමේ බැංකුව යන ආයතනවල ප්‍රධානීන් පොදු ව්‍යාපාර පිළිබඳ පාර්ලිමේන්තු කාරක සභාව හමුවට (කෝප්) ලබන සතියේ කැඳවීමට තීරණය කර ඇතැයි එහි සභාපති මහාචාර්ය චරිත හේරත් මහතා පැවැසීය.
මේ අනුව ශ්‍රී ලංකා පාපන්දු සම්මේලනයේ ප්‍රධානීන් ලබන 3වැනිදාද පරිවාස හා ළමාරක්ෂක සේවා දෙපාර්තමේන්තුවේ සහ ශ්‍රී ලංකා ප්‍රමිති ආයතනයේ ප්‍රධානීන් ලබන 4 වැනිදාද ජාතික ඉතිරි කිරීමේ බැංකුවේ ප්‍රධානීන් ලබන 6 වැනිදාද කෝප් කමිටුව හමුවට කැදවෙනු ඇත.
මේ අතර පාර්ලිමේන්තුවේ පොදු ව්‍යාපාර පිළිබඳ කාරක සභාව, රජයේ ගිණුම් කාරක සභාව සහ අමාත්‍යාංශයීය උපදේශක කාරක සභා ඇතුළු කාරක සභා රැස්වීම් 13ක් ලබන මස පළමු සතියේදී පැවැත්වීමට නියමිත බව පාර්ලිමේන්තුවේ මහ ලේකම් ධම්මික දසනායක මහතා පැවැසීය .
එමෙන්ම සෞඛ්‍ය පෝෂණ හා දේශීය වෛද්‍ය අමාත්‍යාංශයේ වෛද්‍ය සැපයුම් අංශයේ වෛද්‍ය සැපයුම් ක්‍රියාවලිය පිළිබඳ විගණකාධිපතිවරයාගේ විශේෂ වාර්තාවද රජයේ ගිණුම් පිළිබඳ පිළිබඳ පාර්ලිමේන්තු කාරක සභාව (කෝපා කමිටුව) හමුවේ ලබන මස 03 වැනිදා විමර්ශනයට ලක් කිරීමට නියමිතය .
අධිකරණ කටයුතු පිළිබඳ අමාත්‍යාංශයීය උපදේශක කාරක සභාව එහි සභාපති අමාත්‍ය අලි සබ්රි මහතාගේ ප්‍රධානත්වයෙන් ලබන 3වැනිදාද සෞඛ්‍ය අමාත්‍යාංශයීය උපදේශක කාරක සභාව සෞඛ්‍ය ඇමතිනී පවිත්‍රා වන්නිආරච්චි මහත්මියගේ ප්‍රධානත්වයෙන් එදිනමද රැස්විමට නියමිතය.
විදේශ කටයුතු පිළිබඳ අමාත්‍යාංශයීය උපදේශක කාරක සභාව එහි සභාපති අමාත්‍ය දිනේෂ් ගුණවර්ධන මහතාගේ ප්‍රධානත්වයෙන් පාර්ලිමේන්තු සංකීර්ණයේදී ලබන 4 වැනිදා පැවැත්වේ.
පරිසර කටයුතු පිළිබඳ අමාත්‍යාංශයීය උපදේශක කාරක සභාව එහි සභාපති ඇමැති මහින්ද අමරවීර මහතාගේ ප්‍රධානත්වයෙන් ලබන 5 වැනිදාද පැවැත්වීමට නියමිත බව පාර්ලිමේන්තු මහ ලේකම්වරයා වැඩිදුරටත් කීය .
බෙන්තොට රජයේ රෝහලේ හදිසි ප්‍රතිකාර අංශයේ තිබියදී ඉකුත් 18 දා රාත්‍රියේ කිසිවෙකු විසින් සොරකම් කරගෙන ගිය රුපියල් දෙලක්ෂ විසිපන්දාහක් පමණ වටිනා ඊ.සී.ජී.
දෙමටගොඩ ගුවන් පාලම යට බිලිඳියක් දමා ගොස් තිබියදී සොයාගත් බව පොලිසිය කියයි .
කොල්ල කන ලද යතුරු පැදියකට ව්‍යාජ ලියා පදිංචි අංක තහඩු සවිකරගෙන කොල්ලකෑම් ගණනාවක් සිදුකළ හිටපු නාවික සෙබලෙකු ඇතුළු දෙදෙනෙකු රුපියල් කෝටියක ට අධික රන
මාලිගාකන්ද උසාවිය අසලදී කාන්තාවකට වෙඩි තබා බරපතල තුවාල කිරීමේ සිද්ධිය සම්බන්ධයෙන් වෙඩික්කරු, පැදිකරු ඇතුළු සැකකරුවන් 5 දෙනෙක් කොළඹ අපරාධ කොට්ඨාසය සහ
හාලිඇල ගලඋඩ බූලුගහමඩවැවේ පාවෙමින් තිබූ කාන්තා මළසිරුරක් අද (22) සොයා ගත් බව කන්දේගෙදර පොලිසිය පවසයි .
බස්නාහිර, සබරගමුව, දකුණු සහ ඌව පළාත්වලත් නුවරඑළිය, මහනුවර සහ අම්පාර දිස්ත්‍රික්කවලත් සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැස
2024 දෙසැම්බර් මස 20
39
0
දශක 3කට අධික කාලයක් තිස්සේ ශ්‍රී ලාංකිකයින්ගේ මුඛ සෞඛ්‍යය වෙනුවෙන් කැපවන ප්‍රමුඛතම සන්නාමයක් වන ‘ඩෙන්ටා’මුඛ සෞඛ්‍යයෙහි වැදගත්කම පිළිබඳව පාසල් සිසු
2024 දෙසැම්බර් මස 20
30
0
මෙරට උසස් අධ්‍යාපන ක්ෂේත්‍රය නව මානයකට ගෙනගිය හෝමාගම පිහිටා තිබෙන NSBM හරිත සරසවිය එළැඹෙන ජනවාරි 4 සහ 5 යන දෙදින පුරා ’’හරිත සරසවියක අසිරිය විඳගන්න” යන තේ
2024 දෙසැම්බර් මස 18
147
0
සම්පත් බැංකු සමූහයට පූර්ණ අනුබද්ධිත දිවයිනේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 53 වැනි ශාඛාව හෝමාගම, දුම්රියප
පාපන්දු සම්මේලනය ඇතුළු ආයතන හතරක් ලබන සතියේ කෝප් කමිටුව හමුවට
sam Thursday, 29 July 2021 11:13 AM
කිසිම වැඩක් වෙන්නේ නැහැ .හොරුන්වම ආයිත් පත් කර ගෙන .දැක්කනේ ක්‍රිකට් වලින් හොරා කාපු එවුන්ව කෝප් එකෙන් අල්ලලා දීලත් ඉස්සර , හොරා එළියේ නිදැල්ලේ .දැන් කට්ටියට චෝදනා තියෙද්දිත් අදෘශ්‍යමාන බලවේගයකින් විරුද්ධව චන්දෙ ඉල්ලලා ඒ ගොල්ලෝ ඉල්ලා අස්වෙලා හොර නඩේම ආයිත් පත් වෙනවා .ඉතින් හොරුන් එක්ක එකට හිට ගන්නේ කවුද ? උත්තරේ ඔබට භාරයි .අහෝ ලංකාවට ගිය කලක් .නඩුයි බඩුයි දෙකම හමුදුරුවන්ගෙනේ .දේවාලේ කපුවා ඇදේට යනකොට කොහෙද ඕයි ගෝලයෝ කෙලින් යන්නේ .
දිසා.....ගම්පහ. Thursday, 29 July 2021 12:18 PM
කෝප් කමිටුව වෙත කැඳවා අතීත කරුණු විමසීමෙන් පමණක් වන ඵලය කුමක්ද ? අතීතයේ වැරදි සිදු කළ වුන්ට දඩුවම් ලබාදීම / පාඩු පියවා ගැනීම් වැනි තත්ත්වයක් ජනතාවගේ අපේක්ෂාවය. නොමැතිව කෝප් කමිටුව පවත්වාගෙන යාම සදහා ජනතා මුදල් වැය කිරීමත් නාස්තිකාර ක්‍රියාවක් ලෙස දකිමි.