(සුජිත් හේවාජුලිගේ සහ  අංජුල මහික  වීරරත්න)

පාරිභෝගික කටයුතු පිළිබඳ අධිකාරිය  (සංශෝධන)  පනත් කෙටුම්පතට කතානායක මහින්ද යාපා අබේවර්ධන මහතා සිය සහතිකය පෙරේදා (22) පස්වරුවේ සටහන් කළේය.
මේ අනුව  එම පනත් කෙටුම්පත එලෙස සහතිකය සටහන් කළ මොහොතේ සිටම   බලාත්මක වනු ඇත.
පාරිභෝගික කටයුතු පිළිබඳ අධිකාරිය(සංශෝධන ) පනත් කෙටුම්පතඡන්ද විමසීමකින් තොරව  සංශෝධන රහිතව පාර්ලිමේන්තුවේදී  පෙරේදා(22) පස්වරුවේ  සම්මත විය.
වෙළෙඳ අමාත්‍යවරයා මෙම පනත් කෙටුම්පත පාර්ලිමේන්තුවට  පසුගිය  06 වැනිදා ඉදිරිපත් කළේය.
පනත් කෙටුම්පත ගැසට් පත්‍රයේ පළ කෙරුණේ පසුගිය  මස  19 වැනිදාය.
පාරිභෝගික සේවා අධිකාරිය  සඳහන් කරන භාණ්ඩ උපරිම සිල්ලර මිලට   අලෙවි නොකරන වෙළඳ ව්‍යාපාරිකයින් සම්බන්ධයෙන්  දඩ මුදල් වැඩි කිරීමට අවශ්‍ය ප්‍රතිපාදන  මෙම පනත් කෙටුම්පත මගින්  සැලසෙනු ඇත.
තනි ව්‍යාපාර සහ ආයතන හෝ සමාගම් ලෙස ලියාපදිංචි කළ සියලු ව්‍යාපාර සම්බන්ධයෙන් මෙතෙක් නියම කර තිබූ දඩ මුදල්ද මේ අනුව  සංශෝධනයවීමට නියමිතය.
මේ චෝදනා සම්බන්ධයෙන් මහේස්ත්‍රාත් වරයකු ඉදිරියේ පවත්වන නඩු විභාගයකින් පසු වැරදිකරුවන්වන පුද්ගලයින් මෙම දඩ මුදලට යටත්කිරීම හෝ බන්ධනාගාරගත කිරීම හෝ මෙම දඩුවම් දෙකටම යටත් කිරීම කළ හැකි බව  වෙළෙඳ අමාත්‍යාංශය පවසයි.