‘‘පාසල් විවෘත කිරීමට සෞඛ්‍ය නිර්දේශ බලධාරීනට දෙන්න‘‘

(සුජිත් හේවාජුලිගේ)

සෞඛ්‍ය අංශ විසින් අධ්‍යාපන අමාත්‍යාංශයට බාර දෙනු ලැබ ඇති පාසල් විවෘත කිරීමට අදාළ සෞඛ්‍ය නිර්දේශ ආණ්ඩුකාරවරුන්ට සහ පළාත් සෞඛ්‍ය අධ්‍යක්ෂකවරුන්ට සෘජුවම යොමු කරන ලෙස මුදල් අමාත්‍ය බැසිල් රාජපක්ෂ මහතා අදාළ නිලධාරීන්ට අද උපදෙස් දුන්නේය.

මෙසේ උපදෙස් දුන්නේ කොවිඩ් කමිටු විශේෂ රැස්වීමේදීය.

මෙම රැස්වීම වීඩියෝ තාක්ෂණය ඔස්සේ පැවැත්විණ.

යුනිසෙෆ් ඇතුළු ජාත්‍යන්තර සංවිධාන මෙන්ම මෙරට ළමා රෝග විශේෂඥයන්ද පාසල් විවෘත කිරීමට එන්නත්කරණය අවසන් වනතුරු සිටීම අවශ්‍ය නොවන බව පෙන්වාදී ඇතැයි විශේෂඥ වෛද්‍යවරු මෙහිදී පැවැසූහ.

දරුවන්ගේ අධ්‍යාපනය බාධාවකින් තොරව පවත්වා ගෙන යාම සඳහා කඩිනමින් පාසල් සහ පෙර පාසල් යළි විවෘත කළ යුතු බවත් නිසි සෞඛ්‍ය නිර්දේශ යටතේ ඒ සඳහා කටයුතු කළ යුතු බවත් ඔවුහු පෙන්වා දුන්හ.

මෙහිදී මවුපියන්ගේ කැපවීම සහ සැලකිලිමත් බව ඉතා වැදගත් බවද විශේෂඥ වෛද්‍යවරු ප්‍රකාශ කළහ.

පාසල් පවිත්‍රකරණය සහ විෂබීජහරණයේදී පළාත් පාලන ආයතනවල සහ ප්‍රාදේශීය සංවර්ධන කමිටුවල සෘජු දායකත්වය ලබා ගැනීමටද තීරණය කෙරිණි.

අදහස් (4)

‘‘පාසල් විවෘත කිරීමට සෞඛ්‍ය නිර්දේශ බලධාරීනට දෙන්න‘‘

සමිත සේනක අලුත්ගමගේ. Saturday, 25 September 2021 08:24 AM

මේ තරම් උපදේශකත්වයෙන් ඉහළ පෙළේ තීන්දු තීරණ ගන්නා මෙතුමා කෝවිඩ්, කෝවින් යනුවෙන් වෙනස් කිරීමක් ගැන දැක්වෙන වීඩියෝවක් යූටියුබ් එකේ තිබෙනවා දුටුවෙමි. කෝවිඩ් ගැන කළයුතු අත්හදා බැලීම් පිළිබඳව මෙතුමා විසින් දක්වන අදහස් එහි දැක්වේ. පුදුමය වන්නේ.., ඒ ක්‍රමවලින් රෝගය වර්ධනය වූයේ, කෙසේද යන්නයි. ඒ බව මුඛ ආවරණය හරිහැටි නොදැමීම තුළින්ද හොඳහැටි ප්‍රදර්ශනය වේ.

: 1 5

Lalith M Saturday, 25 September 2021 02:37 PM

හරිහැටි පාසල් අධ්‍යාපනයවත් හමාර නොකල ප්‍රාඥයින්... මේ තමයි නියම වියත්මග... ඉවසන්න මිත්‍රවරුනි. ලක්ෂ 69 ක අපේක්ෂාව අනාගත්ත පාලනය...

: 0 5

ගමේ එකලා Saturday, 25 September 2021 03:31 PM

මා හරි උගතා, මා හරි ජගතා කියන සින්දු කෑල්ලකුත් මතක් වුණා. හත් මොලේ කෙසේ වෙතත්, හත් පොලේ නම් ගාගෙනයි ඉන්නේ.

: 0 3

Sriland Saturday, 25 September 2021 04:08 PM

පාසල් විවෘත කිරීමත් හරියට පාස්කු ප්‍රහාරයේ වාර්තාව වගේ.. අරයා මෙයාගෙන් ඉල්ලගන්න කියනවා, එයා මෙයාට කියනවා. අනික බලයක් ජනාධිපතිට අපි අරන් දුන්නේ NGO කාරයින්ට තීරණ ගන්න නෙවෙයි.

: 0 2