(මනෝප්රිය ගුණසේකර)
මීගමුව බන්ධනාගාරය තුළ සිදුවු දුෂණ ක්රියාවන් සම්බන්ධයෙන් සිදුකරන විමර්ශන වලට අදාළව එහි හිටපු බන්ධනාගාර අධිකාරීවරයා, ප්රධාන ජේලර්වරයා ඇතුළු නිලධාරීන් සිව්දෙනාට සැඟවී සිටීමට රැකවරණ සැපයු පුද්ගලයින් කවුරුන්ද? යන්න පිළිබඳ වහාම විමර්ශනය කොට වාර්තා කරන ලෙස නීතීපති දප්පුල ද ලිවේරා මහතා වැඩ බලන පොලිස්පතිවරයාට අද (6) උපදෙස් දුන්නේය.
වරෙන්තු නිකුත් කළ කාලසීමාව තුලදී සැකකරුවන්ගේ ජංගම දුරකථන වාර්තා විශ්ලේෂණය කර ඔවුන්ට රැකවරණ සැපයු අය සොයා ගැනීමට පියවර ගන්නා ලෙසද නීතීපතිවරයා වැඩබලන පොලිස්පතිවරයාට උපදෙස් දුන් බව නීතීපතිවරයාගේ සම්බන්ධීකරණ නිලධාරිණි ජ්යෙෂ්ඨ රජයේ නීතීඥ නිශාරා ජයරත්න මෙනවිය පැවසුවාය.
මීට කරුණට අමතරව තවත් කරුණු හතරක් පිළිබඳවද විමර්ශන කර වාර්තා කරන ලෙස නීතීපතිවරයා වැඩබලන පොලිස්පත්වරයාට උපදෙස් දුන් බවද නිශාරා ජයරත්න මෙනවිය පැවසුවාය.
මීගමු බන්ධනාගාරයේ අධිකාරීවරයා ලෙස කටයුතු කළ අනුරුද්ධ සම්පායෝ, එහි ප්රධාන ජේලර්වරයා වශයෙන් කටයුතු කරන උපාලි සරත් බණ්ඩාර, වැඩබලන ජේලර් නිශාන්ත සේනාරත්න සහ දෙවැනි පෙළ ජේලර් ප්රසාද් කාලිංග කළුඅග්ගල නමැති නිලධාරීන් සිව්දෙනාට අත්අඩංගුවට ගන්නා ලෙස නියම කරමින් නිකුත් කළ වරෙන්තු වහාම ක්රියාත්මක නොකිරීමට හේතූ ඉදිරිපත් කරන ලෙස වැබලන පොලිස්පතිවරයාට උපදෙස් දී ඇති නීතීපතිවරයා මීගමුව බන්ධනාගාර අධිකාරීවරයා අනුරුද්ධ සම්පායෝ අත්අඩංගුවට ගත්තාද? නැත්නම් ඔහු පොලිසියට බාරවුණාද? යන්න පිළිබඳව වාර්තා කරන ලෙසද උපදෙස් දී ඇත.
මීගමුව බන්ධනාගාරයේ තිබී සොයා ගත් තහනම් භාණ්ඩ අතර තිබු සංවේදී ඉලෙක්ට්රොනික් තරාදිය භාවිතා කරමින් බන්ධනාගාර නිලධාරීන් මත්ද්රව්ය ජාවාරමේ නිරත වී ඇද්ද? මත්ද්රව්ය ජාවාරම සඳහා ආධාර අනුබල දී ඇද්ද? යන්න පිළිබඳ විමර්ශනය කොට වාර්තා කරන ලෙස වැඩ බලන පොලිස්පත්වරයාට උපදෙස් දී ඇති නීතීපතිවරයා සැකකාර නිලධාරීන්ගේ අනාවරණය වන වත්කම් අනුව ඔවුන් මුදල් විශූද්ධීකරණ පනත යටතේ ගැනෙන වැරදි සිදුකර ඇද්ද? යන්න පිළිබඳව වාර්තා කරන ලෙසද වැඩිදුරටත් උපදෙස් දී ඇත.
අනුර දිසානායක යාපනයට පැමිණ කළ තර්ජනකාරී ප්රකාශය සම්බන්ධයෙන් උතුරේ ජනතාවගෙන් වහාම සමාව ගත යුතුව ඇතැයි ජනාධිපති රනිල් වික්රමසිංහ මහතා යාපනයේ ජන රැළ
එළබෙන 21 පසුව අපි පිහිටුවන රජයේ විද්යාත්මක ඇමති මණ්ඩලයක් තමයි අපි හදන්නේ. එයට 25 දෙනයි. රාජ්ය ඇමතිවරු නැ . නියෝජ්යය ඇමති විතරයි. ඒ ඒ විෂයට අදාල ක්ෂේත්රය
ජනාධිපති රනිල් වික්රමසිංහ මහතා සහ ඉලංකෙයි තමිල් අරසුකච්චි පක්ෂයේ නායක මාවෙයි සේනාධිරාජා මහතා අතර හමුවක් යාපනය තෙලිප්පලෙයි හි සේනාධිරාජා මහතාගේ නි
රටේ සංස්කෘතියට හානියක් වන කිසිඳු දේශපාලනික හෝ සමාජීය තීන්දුවක් ක්රියාත්මක කිරීමට ඉඩ නොදෙන බව ශ්රී ලංකා පොදුජන පෙරමුණේ ජනාධිපතිධූර අපේක්ෂක, පාර්ලි
මෙවර ජනාධිපතිවරණයේදී ,විදුලි හා පුනර්ජනනී බලශක්ති පාරිභෝගික සංගමයේ සහාය ජාතික ජන බලවේගයේ අපේක්ෂක අනුර කුමාර දිසානායක මහතාට ලබාදීමට තීරණය කර ඇතැයි එ
පොලොන්නරුව කදුරුවෙල නගරයේ වෙලද සංකීර්ණය වෙළෙඳහලක ගින්නක් හට ගෙන ඇති බව කදුරුවෙල පොලිසිය කියයි.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
මීගමුවේ ජේලර්ලාට සැඟවෙන්න උදව් කළ අය සොයයි
kamal Thursday, 06 August 2020 10:18 AM
රවීව අත්අඩංගුවට ගන්න කියනකොට සැඟවිලා හිටියේ නැතිව ඇති...
සෙනෙවිරත්න Thursday, 06 August 2020 12:37 PM
අයියෝ මේවා මේ විදියට සිද්ධවුණා නම් අහිංසක මිනිස්සුන්ට කාගේ පිහිටක්ද? මොකක්ද මේ කතා කරන මහලොකු සිංහල ජාතිය, 2500ක ඉතිහාස පුරාජේරුව..
විජිත් Thursday, 06 August 2020 02:15 PM
ඔය නෂ්ටයෝ බ්රෂ්ටයෝ ඔක්කොම හංගගෙන හිටියේ ජොනී. පුලුවන්නම් ගිහින් ජොනියාව අල්ලගන්න බලන්න. ජොනියාව දැක්ක ගමන් පොලිසියේ ලොකුම රාළහාමිත් වෙව්ලනවා. හැබැයි අහිංසකයෙක් බිම වැටිලා තියෙන පොල්ගෙඩියක් අහුලගත්තොත් ඒකාව පොලිසියට අරගෙන ගිහින් ඒකාට නෙලන්න ලොකු රාලහාමි හරි දක්ෂයා.
Bamunuarachchi Friday, 07 August 2020 02:04 AM
සොය සොයා යන්න දෙයක් නැහැ... පොලිසියට බාරදීලා දෙකක් ඇන්න ගමන් කියාවි කවුද උදව් කළේ, කොහේද හැංගිලා හිටියේ කියලා...?