(යොහාන් භාසුර)

ශ්‍රී ලංකා යුද හමුදාවේ වඩාත් ඉදිරියෙන් සිටින බලකායක් වන ඉංජිනේරු බලකායේ 70 වැනි සංවත්සර උත්සවය පනාගොඩ ශ්‍රී ලංකා ඉංජිනේරු බලකා රණවිරු ස්මාරකය අභියසදී පැවැත්විණි.

යුද හමුදා ඉංජිනේරු බලකායේ සේනාවිධායක සහ යුද හමුදා ප්‍රධාන ක්ෂේත්‍ර ඉංජිනේරු මේජර් ජෙනරාල් ඒ. එන්. අමරසිංහ මහතාගේ ප්‍රධානත්වයෙන් මෙම සැමරුම් උත්සවය පැවැත්වීය.

එම බලකාය නියෝජනය කරමින් රට වෙනුවෙන් දිවිපිදූ රණවිරුවන් වෙනුවෙන් එහිදී පුෂ්පෝපහාර දැක්වූහ.

කොටි ත්‍රස්තවාදීන්ට එරෙහිව පැවැති යුද්ධයේදී වඩාත් කැපී පෙණෙන සේවයක් කළ යුද හමුදා ඉංජිනේරු බලකායේ නිලධාරීන් 23 දෙනෙක් ඇතුළු සාමාජිකයන් 656 ක් යුද්ධයේදී මරණයට පත්වූ බවත් නිලධාරීන් 21 දෙනෙක් ඇතුළු සාමාජිකයන් 703 ක් පූර්ණ ආබාධිත තත්වයට පත්වූ බවත් ඉංජිනේරු බලකාය කියයි.