වටරැක අනතුරින් තුනක් මරුට

(කේ.බුද්ධික කුමාරසිරි සහ බිමල් ශ්‍යාමන් ජයසිංහ)

පනාගොඩ බෝධිරාජාරාම විහාරස්ථානයේ පැවැත්වෙන කොරෝනා එන්නත් මධ්‍යස්ථානයට යන පිරිසක් රැගත් ත්‍රිරෝද රථයක් සහ ලොරි රථයක් මීගොඩ වැටරැක දුම්රය ස්ථානය ආසන්නයේදී මුහුණට මුහුණ ගැටීමෙන් මාස හතරක දැරියක ඇතුළු තිදෙනකු මියගොස් ඇතැයි පොලිසිය කියයි.

අනතුරින් මියගොස් ඇත්තේ මීගොඩ සෝමරත්න මාවතේ පදිංචිව සිටි ප්‍රියානි චන්දිකා (57) ඇයගේ මිණිපිරිය වන කේසි විරසිංහ ( මාස 3) ත්‍රීරෝද රථ රියදුරු වන පාදුක්ක වටරැක පදිංචි ඩි සිරිනන්ද (49) නමැති තිදෙනෙකි.

දැරියගේ මව වූ 36 හැවිරිදි සචිනි සමරසේකර තුවාල ලබා ඇති අතර ඇය කළුබෝවිල රෝහලට ඇතුළත් කර ඇත. ඇගේ තත්ත්වය බරපතල බව රෝහල් ආරංචි මාර්ග කියයි.

තිරෝද රථය පාදුක්ක දෙස සිට ගොඩගම දෙසට ධාවනය වෙමින් සිටියදී ගොඩගම සිට පාදුක්ක දෙසට ධාවනය වූ ලොරි රථය තිරෝද රථයේ ගැටීමෙන් මෙම අනතුර සිදුව තිබේ.

අදහස් (6)

වටරැක අනතුරින් තුනක් මරුට

wijith Tuesday, 03 August 2021 04:15 PM

ත්‍රි රෝද නිසා රටේ ප්‍රශ්න හුඟාක් විසඳෙන පාටයි. ඒ නිසා වෙන්න ඇති මේ මාරාන්තික ත්‍රිරෝද මාරයා පාරෙන් ඉවත් නොකරන්නේ...

: 40 212

DarshanaTuesday, 03 August 2021 06:40 PM

නොදන්න මඟුල් කථා කරන්න එපා මහත්තයා. හරියට විඩීයෝ එක බලලා අදහසක් ඉදිරිපත් කරන්න. දුප්පත් මිනිහට යන්න එන්න තියෙන එකම වාහනය ත්‍රී රෝද රථය විතරයි... දන්න දෙයක් කතා කරන්න.

: 105 44

wijithTuesday, 03 August 2021 08:15 PM

අපි ළඟදීම මේ ත්‍රි රෝද මගමරුවාට විරුද්ධව පාරට බහිනවා. එනවද අපිත් එක්ක?

: 0 1

චින්තකWednesday, 04 August 2021 12:48 AM

මේක ඉතාමත්ම ශෝකජනක පුවතක්. පලමුවෙන්ම මියගිය සියලු දෙනාට නිවන් සුවත් බරපතළ තුවාල ලැබූ එම සොයුරියට ඉක්මන් සුවයත් ප්‍රාර්ථනා කරමි. විජිත් මහතා ඔහුගේ අදහස් දැක්වීමට භාවිතා කල වචන සම්බන්දයෙන් මා එකග නොවුවත් අද රටේ සිදුවන රිය අනතුරු වලින් බහුතරයක් සිදුවන්නේ ත්‍රීරෝද රථ, පුද්ගලික බස් රථ හා යතුරු පැදි නිසා නොවන්නේද? මේ සිද්ධියේදී කිනම් පාර්ශ්වය අතින් වරද වූවාදැයි නොදනිමි. දුප්පතාගේ වුවත් පොහොසතාගේ වුවත් සැමට එක හා සමාන මාර්ග නීතියක් බල පැවැත්විය යුතු අතර සියල්ලන්ම එයට හිස නැමිය යුතුය. තමා තුල රිය ධාවනයේදී විනයක් හා හික්මීමක් තිබිය යුතුය. එසේ නොවුනහොත් තවත් මෙවන් අහින්සක ජීවිත අකාලයේ මිලින වීම වැලැක්විය නොහැක.

: 0 5

Rohana Tuesday, 03 August 2021 07:00 PM

ත්‍රී රෝද රථ පදවන බොහෝ දෙනා ඒවා පදවන්නේ මහපාර තමන්ට පමණක් අයිති දෙයක් කියල හිතාගෙන. අනතුරු වැඩිවීමට ප්‍රධාන හේතුව මේකයි.

: 0 1

nishantha Tuesday, 03 August 2021 09:30 PM

කිසිම ආරක්ෂාවක් නැති නිකං ටෙන්ට් රෙද්දකින් වටවුන වමෙනුත් දකුනෙනුත් නැතිව මැදින් එලවන පිටි පස්සක් පෙනෙන් නැති ඉස්සරහ එකාට විතරක් එලියට පැනගන්න හැකි යන්තං හැරවුනත් පෙරලෙන රටේ නූගතුන්ම බහුතරයක් කුලියට එලවන මේ කරුම මාරයා අපේ රටින් අතුගාල දානකන් දිනපතා මෙවන් අනතුරු මරණ තියේවි. ඉස්සර කා ටැක්සි කාලේ, වැදගත් මිනිස්සු මේ රස්සාව වගකීමකින් කලා.

: 0 98