වනජීවි ඇමැතිගේ රැස්වීම මාධ්‍යවේදීන්ට තහනම් කරයි

(හිරාන් ප්‍රියංකර ජයසිංහ)

වනාතවිල්ලුව කුරටියාමොට්ට ප්‍රදේශයේ සිමෙන්ති සංස්ථාවට අයත් භූමියක සිදු වූ වන සංහාරය පිළිබඳව සොයා බැලීම සඳහා වනජීවි ඇමැති පැමිණි රැස්වීමට සහභාගී වීම තහනම් වීම හේතුවෙන් රැස්වීම පැවති වනාතවිල්ලුව පොලිසිය ඉදිරියට වී සිටීමට මාධ්‍යවේදීන්ට සිදුවිය.

මෙම වන සංහාරය පිළිබදව මාධ්‍ය දිගින් දිගටම හෙළිදරව් කිරීමෙන් පසු ඒ පිළිබඳව සොයා බැලීමට වනජීවි හා වන සංරක්ෂණ ඇමති සී.බි.රත්නායක මහතා ඇතුළු නිලධාරින් රැසක ප්‍රධානත්වයෙන් මෙම රැස්වීම වනාතවිල්ලුව පොලිසියේ දී පැවැත්විණි. රැස්වීම පළමුව වනාතවිල්ලුව ප්‍රාදේශීය ලේකම් කාර්යාලයේ සංවිධානය කර තිබුනද එය හදිසියේ පොලිස්ථානට රැගෙන ගොස් තිබුණි.

රැස්වීම සඳහා වන සංරක්ෂණ අධ්‍යක්ෂ ජනරාල්, වනජීවි අධ්‍යක්ෂ ජනරාල්, පරිසර අමාත්‍යංශය, මධ්‍යම පරිසර අධිකාරිය, සිමෙන්ති සංස්ථාව, ප්‍රාදේශීය ලේකම්, පුත්තලම නියෝජ්‍ය පොලිස්පති, පුත්තලම පොලිස් අධිකාරි වනාතවිල්ලුව පොලිස්ථානාධිපති, වනාවිල්ලුව ප්‍රාදේශීය සභාපති ඇතුළු පිරිසක් එක්වසිටියහ.

මාධ්‍ය වේදීන් පැමිණි අවස්ථාවේදී පොලිසියේ දොරටු වසා දමා තිබූ අතර, පසුව ප්‍රධාන දොරටුව විවෘත කළද, රැස්වීම ආවරණය කිරීමට ඔවුන්ට අවස්ථාව නොලැබිණි.

මේ පිළිබඳව සී.බි.රත්නායක ඇමතිවරයාගෙන් මාධ්‍යවේදීන් කළ විමසීමේදී, ඒ මහතා පවසා සිටියේ මාධ්‍යයට ගරු කරන නමුත් රැස්වීමේ ඇතැම් කරුණු මාධ්‍යයට ලබාදිය නොහැකි බවයි.

අදහස් (6)

වනජීවි ඇමැතිගේ රැස්වීම මාධ්‍යවේදීන්ට තහනම් කරයි

Kmal Koyrala Monday, 14 September 2020 10:44 AM

සී.බී. තම ගරුත්වය නැතිකරගන්නවා... පුත්තලම් කැලෑපාලුවන් එක්ක ලගින්න ගිහින්..

: 3 241

abcMonday, 14 September 2020 01:05 PM

සී.බී. ට ගරුත්වයක් නැහැ. වලපනේට ඇවිත් බලන්න. ගහන ගේම් හින්දා ටැමිල් එකේ මනාපයක් ඉල්ලගෙන මේ පාර පාර්ලිමේන්තු ගියේ...!!! නැතිනම් විසිවෙන්න හිටපු කෙනෙක් මෙයා. තව අවුරුදු 5කට වලපනේට නායකත්වයක් නැහැ.

: 0 24

Champa Monday, 14 September 2020 10:45 AM

මේක තමයි අලුත්ම එක. කුරුණෑගලත් සංවර්ධන කමිටු රැස්වීම මාධ්‍යවේදීන්ට තහනම් කරලා තිබුණා. දැන් මෙතනත් තහනම් කරලා. ජනතාවට ඇත්ත දැන ගන්න අයිතියක් තියෙනවා. මේවා වහන්නේ ඇත්ත දැනගන්න එක වළක්වන්න. ඊට පස්සේ ජනතාවට කියන්නේ පොහොට්ටුව විසින් සංස්කරණය කළ ඇත්ත. දැන් පොහොට්ටු මන්ත්‍රීවරුන්ට අදහස් ප්‍රකාශනය තහනම් කරලා තියෙනවා. යහපාලන ආණ්ඩුවවත් කරපු නැති තරම් අන්ත ඒකාධිපති වැඩක්නේ මේක. යහපාලන ආණ්ඩුවට මාධ්‍ය දිගට හරහට පහර දුන්නා. හැබැයි කවදාවත් විකල්ප අදහස්වලට, මාධ්‍ය නිදහසට වැට බැන්දේ නැහැ. වෙනස සැපද කියලා තමයි අහන්න වෙන්නේ...

: 130 665

Demuni Uduwara Monday, 14 September 2020 12:14 PM

අාඥාදායකත්වයේ ලක්ෂණයි.

: 0 19

ferna Monday, 14 September 2020 03:00 PM

පැතූ වෙනස. මාධ්‍ය නිදහස දෝරෙ ගලනවා..

: 0 42

Bamunuarachchi Tuesday, 15 September 2020 06:44 AM

ඒ රැස්වීම සතුන්ට පමණයි.

: 0 0

ඔබේ අදහස් එවන්න

එසැණ පුවත්

ප්‍රාදේශීය මාධ්‍යවේදීන්ට රක්ෂණ යෝජනා ක්‍රමයක්

2025 ජනවාරි මස 15 11 0

පෞද්ගලිකවම විශාල කැපකිරීම් සිදු කරමින් මාධ්‍ය වෘත්තියේ නියැලෙන ප්‍රාදේශීය ජනමාධ්‍යවේදීන්ගේ ගැටළු හඳුනාගෙන ඔවුන්ට වඩා සක්‍රීයව මාධ්‍ය වෘත්තීයේ නි

අස්වැසුම ප්‍රතිලාභ වැඩි කිරීමට මුදල් සභාවේ අනුමැතිය

2025 ජනවාරි මස 15 121 0

අස්වැසුම ප්‍රතිලාභීන් සඳහා දෙන ප්‍රතිලාභ මුදල් ඉහළ දැමීම සම්බන්ධ වූ යෝජනාවට රජයේ මුදල් පිළිබඳ පාර්ලිමේන්තු කාරක සභාවේ අනුමැතිය හිමිවිය.

ගංවතුර හානියේ වන්දිය ඉක්මනට දෙන්න යයි

2025 ජනවාරි මස 15 79 0

2024 නොවැම්බර් මස ඇති වූ ගංවතුර තත්වය හේතුවෙන් හානියට පත් වගාවන්හි හානි පරීක්ෂාවන් අවසන්ව ඇති දිස්ත්‍රික්ක වල වන්දි මුදල් කඩිනමින් නිදහස් කරන බව කෘෂිකා