විපක්ෂ නායක කාදිනල් හිමි හමුවෙයි

(නිමල කොඩිතුවක්කු)

පාස්කු ඉරුදින ප්‍රහාරය සම්බන්ධයෙන් දේශපාලන ඇඟිලි ගැසීම්වලින් තොර විනිවිදභාවයෙන් යුතු ස්වාධීන පරීක්ෂණයක අවශ්‍යතාවය පැන නැගී ඇතැයි විපක්ෂ නායක සජිත් පේමදාස මහතා කොළඹ දී අද (04) පැවසීය.

පාස්කු ඉරුදින ප්‍රහාරය පිටුපස තිබෙන දේශපාලන පසුබිම ආදිය සම්බන්ධයෙන් සොයා බැලීම සදහා ස්වාධීන පරීක්ෂණයක අවශ්‍යතාවය වඩ වඩාත් පැනනගිමින් තිබෙන බවත් විපක්ෂ නායකවරයා සඳහන් කළේය.

කොළඹ අගරදගුරු නිල නිවසේදී අගරදගුරු මැල්කම් කාදිනල් රංජිත් හිමිපාණන් බැහැ දැකීමෙන් අනතුරුව මාධ්‍ය හමුවේ අදහස් දක්වමින් ඔහු මේ බව පැවසීය.

පාස්කු ඉරුදින ප්‍රහාරයේ යථාර්ථය රටට හෙළි නොකරන තාක්කල් රටට සුබදායක නොවන බව තමන් විශ්වාසය බවත් විපක්ෂනායකවරයා එහිදී සඳහන් කළේය.

රජය පොරොන්දු වූ පරිදි පාස්කු ඉරුදින ප්‍රහාරයේ මහ මොළකරුවන්ට එරෙහිව දැඩි දඬුවම් පැමිණවිය යුතු බවත් සජිත් ප්‍රේමදාස මහතා කීවේය.

පාස්කු ඉරුදින ප්‍රහාරයෙන් වින්දිතයන් බවට පත්වූ ජනතාවට සාධාරණය ඉෂ්ට කරන තෙක් කාදිනල්තුමන් ප්‍රමුඛ කතෝලික ජනතාව විමසිල්ලෙන් සිටින බව ආණ්ඩුව අමතක නොකළ යුතු බවත් ඔහු සඳහන් කළේය.

සමගි ජන බලවේගයේ රජයක් තුළින් පාස්කු ඉරුදින ප්‍රහාරය සම්බන්ධයෙන් ස්වාධීන පරීක්ෂණයක් සිදුකර එහි මහ මොල කරුවන්ට තරා තිරම නොබලා දඬුවම් ලබාදීමට පියවර ගන්නා බවත් විපක්ෂ නායකවරයා පැවසීය.

අදහස් (21)

විපක්ෂ නායක කාදිනල් හිමි හමුවෙයි

කිරි පුතා Thursday, 04 November 2021 01:57 PM

වැඩේ සිද්ධ වුණේ පුතානෝලා බලයේ ඉන්නකොට කියලා දෙන්නටම අමතක වෙලා වෙන්ටෑ.

: 28 69

සනත් ඉතාලිය Thursday, 04 November 2021 02:10 PM

බෝම්බෙ ගහපුවෙලේ තිබ්බ ආන්ඩුවේ ප්‍රබල ඇමතියෙක් නේද මේ.

: 14 58

Raveendra Thursday, 04 November 2021 02:30 PM

අනේ සජි මල්ලියේ... මලය කාදිනල් තුමාව මුණගැසීමට ගියේ රෙදි කඩමල්ලක් ඇගේ ඔතාගෙනද ? නැතිනම් උපන් ඇදුමෙන්ද ?

: 13 51

Prabha Thursday, 04 November 2021 02:31 PM

ඒත් ඒ කාලෙම ඔය පරීක්ෂණය කරන්න තිබුනනේ.

: 2 42

hesa Thursday, 04 November 2021 02:44 PM

කාර්දිනල් තුමා මේ දවස් වල කියන දේ වලට මෙතුම හිතන්න ඇති " අපටත් ගොඩ යන්න, කාර්දිනල් තුමාට ලං වෙලා කියන කතාවලට ( රසායනික) පෝර දාන්න ඕන කියල..

: 5 44

SUNIL MILANO Thursday, 04 November 2021 02:51 PM

මේ දෙන්නම ඉපදිලා තියෙන්නේ 2021. අනේද කියන්නේ.

: 9 55

RaveendraThursday, 04 November 2021 03:11 PM

අවාසනාව කියන්නේ අප නම් ඉපදීමට ඉතාමත්ම ඉක්මන් වුවෝය.... සජි පුතා ඉපදීමට උපරිමයෙන් ප්‍රමාදවූ කිරි බොන ළදරුවෙකි. එනිසාවෙන් අපේ සජි පුතා නිතරම බාලාංශ කතා, බාලාංශ ක්‍රියාවන්වල නිරතවීම ස්වභාව ධර්මයාගේ එක් අංගයකි.

: 13 32

යෝගා Thursday, 04 November 2021 02:56 PM

බළල් අත් දෙකක් සාකච්ඡා කරති

: 8 33

priyantha Thursday, 04 November 2021 03:04 PM

බොර දියේ මාලු බෑම.

: 6 42

RaveendraThursday, 04 November 2021 06:49 PM

කොවිඩ් රෝග වැලේ එල්ලුනේ කව්රුන්ද... ගුරුහොරුන්ගේ වැලේ එල්ලුනේ කව්රුන්ද... පොහොර වලේ මහදවල්ම වැටුනේ කවුද... දැන් එල්ලුනේ වැසිකිලි ටිෂූ රෝලේ නොවේද...?

: 7 8

සලීමිFriday, 05 November 2021 09:16 AM

මෙන්න සහෝදර බමුණුආරච්චි ගෙ අයියා වැඩට බැහැලා.... මෙ අය හොරෙන්ම තමයි බලයට ගේන්න හදන්නෙ.

: 1 0

Bamunuarachchi Thursday, 04 November 2021 03:41 PM

කාදිනල් තුමා එකපාරටම ඉස්සරහට යන්න එපා.

: 10 28

BamunuarachchiSaturday, 06 November 2021 04:34 PM

බලන්න ඇඳුමක් ඇඳලද කියලා...

: 0 0

fairoos Thursday, 04 November 2021 04:10 PM

ලංකාවේ මිනිස්සුන්ගේ කුහක අදහස්වලින් ඉතා පැහැදිලියි...

: 42 18

BamunuarachchiThursday, 04 November 2021 07:13 PM

ගොයියෝ කුහක කියන එකේ තේරුම දන්නවාද? තේරුම දැනගත්තාම පොළව පලාගෙන යන්න හිතේවි මේ අපි වගේ කුහකයින් ඉන්නේ ලංකාවේම තමයි කියලා...

: 10 20

Surain Thursday, 04 November 2021 06:34 PM

මෙතන සමහරු කමෙන්ට්ස් දාලා තියෙනවා... එතුමාගේ ආණ්ඩුව කාලේ කියලා... ඒත් සියලු බලතල තිබුණේ එවකට හිටපු ජනපති අත බවත්, ඔහු එවකට තිබූ ආණ්ඩුවට විරුද්ධව කළේ මොනවද කියලත් අර දින 52 ආණ්ඩුව ගැන සිහි කරන්න බයිලා ගහන බයියන් ටික...

: 23 18

Anthony Friday, 05 November 2021 05:54 AM

අනේ ඇත්තෙයි? පුතානෝ බබානෝද? ඒ කාලේ ජනාධිපති බලතල කා අතේ තිබුනත් පුතානෝගේ කට තිබුනෙත් ජනාධිපති අතේද? අයුක්තිය වෙනුවෙන් කතා කරන්න බැරි එකා කොයි කාලෙත් නිවට රජෙක් තමා.

: 2 1

SurainFriday, 05 November 2021 12:44 PM

අනේ නිකන් ඉන්න මුසා කියන්නේ නැතිව...! බුද්ධියට තැන දීලා හිතන්න දැන් ආණ්ඩුවේ ඉන්න විමලේ, ගම්මන්පිලට වෙච්ච අසරණකමට උත්තර දෙන්න. ඇමැතිවරයෙක් කියන්නේ තමන්ට අදාළ විෂයේ වැඩකරන එක මිස රටේ ජනාධිපතිවරයාගේ වැඩවලට උත්තර දෙන එක නෙමෙයි...!

: 0 0

Don perera Thursday, 04 November 2021 08:15 PM

කමෙන්ට්ස් දැක්කාම තාමත් වහල්ලු ඉන්නවා කියලා දැනෙනවා...

: 25 22

chandima Friday, 05 November 2021 05:52 AM

ඔය දෙගොල්ලොම ඔබතුමාව අන්දන්න හදන්නේ. කාදිනල් තුමා ඔබතුමා මේ පාර ඡන්දේ ඉල්ලන්න ජනාධිපති වෙනවා.

: 0 0

Saththaya Friday, 05 November 2021 08:21 AM

ඔබ වහන්සේ ප්‍රවේසම් වෙන්න .

: 1 0