( තිළිණි ද සිල්වා සහ රංජන් කටුගම්පොල )
ජනාධිපතිවරණයෙන් පසුව කිසිදු සාධාරණ හේතුවක් නොමැතිව තමන්ට ලබාදුන් ස්ථාන මාරුව අවලංගු කරන නියෝගයක් නිකුත් කරන ලෙස ඉල්ලා අපරාධ පරීක්ෂණ දෙපාර්තමේන්තුවේ හිටපු අධ්යක්ෂ , ජ්යෙෂ්ඨ පොලිස් අධිකාරි ශානි අබේසේකර මහතා ගොනු කළ මූලික අයිතිවාසිකම් පෙත්සම පෙත්සම්කාර පාර්ශවය විසින්ම අද (30) ශ්රේෂ්ඨාධිකරණය හමුවේ ඉල්ලා අස් කර ගන්නා ලදී .
මෙම පෙත්සම අද (30) සිසිර ද ආබෲ, එල්. ටී. බී. දෙහිදෙණිය සහ ප්රීති පද්මන් සූරසේන යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවිණි.
එහිදී පෙත්සම් ශානි අබේසේකර මහතා වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් මෙම සිද්ධියට අදාළව වෙනත් මූලික අයිතිවාසිකම් පෙත්සමක් ශ්රේෂ්ඨාධිකරණය හමුවේ ගොනු කර තිබෙන බැවින් මෙම පෙත්සම තවදුරටත් පවත්වාගෙන යාමට අපේක්ෂා නොකරන බවත්, එබැවින් පෙත්සම ඉල්ලා අස්කර ගැනීමට අවසර දෙන්නැයි ඉල්ලා සිටියේය.
එම ඉල්ලීම පිළිගත් ත්රිපුද්ගල විනිසුරු මඩුල්ල ශානි අබේසේකර මහතාගේ පෙත්සම ඉල්ලා අස්කර ගැනීමට අවසර දෙමින් එය නිශ්ප්රභ කරන ලදී.
නිතියට පටහැනිව , ද්වේෂ සහගතව තමන් අපරාධ පරීක්ෂණ දෙපාර්තමේන්තුවේ අධ්යක්ෂක ධුරයෙන් ඉවත්කර ගාල්ල දිසාව භාර නියෝජ්ය පොලිස්පතිවරයාගේ පුද්ගලික සහකාරවරයා හැටියට පත් කිරිමෙන් තම මූලික අයිතිවාසිකම් කඩ වී ඇතැයි සදහන් කරමින් , එම ස්ථාන මාරුව අවලංගු කර වන්දි හැටියට රුපියල් කෝටියක මුදලක් ලබා දෙන ලෙසද ඉල්ලා අපරාධ පරීක්ෂණ දෙපාර්තමේන්තුවේ හිටපු අධ්යක්ෂක ෂානි අබේසේකර මහතා මෙම පෙත්සම ගොනු කර තිබිණි.
මෙහි වගඋත්තරකරුවන් හැටියට වැඩබලන පොලිස්පති එස්.ඩී.වික්රමරත්න ජාතික පොලිස් කොමිසමේ සභාපති සහ එහි සාමාජිකයින් , මැතිවරණ කොමිසම , නීතීපතිවරයා ඇතුළු 17 දෙනෙකු නම් කරනු ලැබ තිබිණි.
නිතිඥ මංජුල බාලසූරිය මහතා විසින් ගොනු කර ඇති පෙත්සමේ මෙසේද සදහන්ව තිබිණි.
පෙත්සම්කරු අපරාධ පරීක්ෂණ දොපාර්තමේන්තුවේ හිටපු අධ්යයක්ෂවරයෙකි.පෙත්සම්කරු මාධ්යවේදී ප්රගිත් එක්නැලිගොඩ ඝාතනය ඇතඑ ප්රකට නඩු ගනනාවක් පිළිබද විමර්ශනය කළ නිළධාරියෙකි.
පසුගිය ජනාධිපතිවරණයෙන් දින 4 කට පසුව පෙත්සම්කරුට වහාම ක්රියාත්මක වන පරිදි ගාල්ල නියෝජ්ය පොලිස්පතිවරයාගේ පුද්ගලික සහකාරවරයා හැටියට මාරු කලේය . ඒ අතර මෙතෙක් ඔහුට ලබා දි තිබු වැඩිපුර ආරක්ෂාවද ඉවත් කෙරිණි.පෙත්සම්කරු ජ්යෙෂ්ඨත්වය අනුව පොලිසියේ සිටින 13 වැනි ජ්යෙෂ්ඨ පොලිස් අධිකාරීවරයාය.මෙම ස්ථාන මාරුව සේවයෙන් පහත හෙළිමකි .
මේ පිළිබදව පොලිස්පතිවරයාට පැමිණිලි කලත් ඉන් පලක් වී නොමැත.මෙම ස්ථාන මාරුව නිතියට පටහැනිව ද්වේෂ සහගතව සිදුකළ ක්රියාවකි.
එබැවින් මෙම පෙත්සම විභාගයට ගැනිමට නියෝග කරන ලෙසද , තම මූලික අයිතිවාසිකම් කඩ වී ඇති බව ප්රකාශ කරන ලෙසද , තම ස්ථාන මාරුව අවලංගු කර යලි පෙර තනතුරුට පත් කරන අතුරු නියෝගයක් නිකත් කරන ලෙසද , වන්දි හැටියට රුපියල් කෝටියක මුදලක් ලබා දෙන ලෙසද පෙත්සම්කරු සිය පෙත්සමෙන් ඉල්ලා තිබිණි.
ජනාධිපති රනිල් වික්රමසිංහ මහතා සහ ඉලංකෙයි තමිල් අරසුකච්චි පක්ෂයේ නායක මාවෙයි සේනාධිරාජා මහතා අතර හමුවක් යාපනය තෙලිප්පලෙයි හි සේනාධිරාජා මහතාගේ නි
රටේ සංස්කෘතියට හානියක් වන කිසිඳු දේශපාලනික හෝ සමාජීය තීන්දුවක් ක්රියාත්මක කිරීමට ඉඩ නොදෙන බව ශ්රී ලංකා පොදුජන පෙරමුණේ ජනාධිපතිධූර අපේක්ෂක, පාර්ලි
මෙවර ජනාධිපතිවරණයේදී ,විදුලි හා පුනර්ජනනී බලශක්ති පාරිභෝගික සංගමයේ සහාය ජාතික ජන බලවේගයේ අපේක්ෂක අනුර කුමාර දිසානායක මහතාට ලබාදීමට තීරණය කර ඇතැයි එ
පොලොන්නරුව කදුරුවෙල නගරයේ වෙලද සංකීර්ණය වෙළෙඳහලක ගින්නක් හට ගෙන ඇති බව කදුරුවෙල පොලිසිය කියයි.
ශ්රී ලංකා පොදුජන පෙරමුණ ජනාධිපති අපේක්ෂක නාමල් රාජපක්ෂ මහතාගේ ප්රධානත්වයෙන් වැලිමඩ නගරයේ ඉන්ද්රානී සිනමා ශලාවේ පැවති ජනහමුවට සෙල්ලම් පිස්තෝලයක
ආණ්ඩුක්රම ව්යවස්ථාවට අනුකූලවම මෙරට සියලු ආගම්වල අයිතීන් සුරක්ෂිත කිරීම සඳහා රජය කැපවී සිටින බව ජනාධිපති රනිල් වික්රමසිංහ මහතා පැවසීය.
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ශානි අබේසේකරගේ පෙත්සම ඉල්ලා අස්කරගනී