සුදුවැල්ලේ ලැඟුම්හළක සිටි 13 ක් අත්අඩංගුවට

(ඔගස්ටින් ප්‍රනාන්දු)

සැකසහිත ලෙස හලාවත සුදුවැල්ල ප්‍රදේශයේ පවත්වා ගෙන යන නිවාඩු නිකේතනයක ලැගුම් ගෙන සිටි පුද්ගලයින් 13 දෙනෙකු ප්‍රශ්න කිරීම සඳහා අත්අඩංගුවට ගත් බව හලාවත මුලස්ථාන පොලිසිය කියයි .

සැකකරුවන් අතර පිරිමි පුද්ගලයෝ 11 දෙනෙක් ද කාන්තාවන් දෙදෙනක් සිටිති. ඔවුහු වයස අවුරුදු 22 ත් 40 ත් අතර වයස්වල පසුවන යාපන, පලෙයි, කිලිනොච්චිය සහ මඩකලපුව ප්‍රදේශයන්හි පදිංචිකරුවෝ වෙති.

පුද්ගලයින් පිරිසක් මෙම නිවාඩු නිකේතනයෙහි ලැගුම් ගෙන සිටි බවට ලද තොරතුරක් අනුව හලාවත පොලිසියේ අපරාධ විමර්ශන ඒකකයේ නිලධාරීන් එම නිවාඩු නිකේතනය වෙත ගොස් පරික්ෂා කළ අවස්ථාවේ දී මෙම පිරිස අත්අඩංගුවට ගනු ලැබීය.

මෙම පිරිස තැරැව්කරුවකු මගින් නිති විරෝධි ලෙසින් මිනිසුන් රැකියා සඳහා ඕස්ට්‍රේලියාව කරා මුහුදු මාර්ගයෙන් බෝට්ටුවලින් යාමට පැමිණ බෝට්ටුව පැමිණෙන තෙක් මෙහි ලැගුම් ගෙන සිටි බවට සැක කරයි.

අදහස් (5)

සුදුවැල්ලේ ලැඟුම්හළක සිටි 13 ක් අත්අඩංගුවට

Prabha Thursday, 24 October 2019 07:46 AM

යන කෙනෙක්ට යන්න දෙන්න.

: 0 58

V.warnakulasuriyaThursday, 24 October 2019 10:10 AM

ඇත්තම කතාව. බෝට්ටුවක නැගලාවත් යන කෙනාට ජිවිතයක් ඇත. බොහෝ කාලයක් විදේශ රටවල ජිවත්වෙන බොහෝ ශ්‍රී ලාංකිකයෝ ජිවිතයේ අවසන් කාලය සුන්දර රටේ ගෙවන්නට පැමිණෙති. ටික දිනකින් රටේ ඇති නින්දිත තත්ත්වය තේරැම් ගන්නා කව්රුත් නැවත පැදුරටත් නොකියා අවු.71 ක් පාලනය කළ දේශපාලකයන්ට ශාප කර නැවත හිටපු තැනටම පිටත් වෙයි. අඩුම තරමේ වස විස නැතුව කෑම ටිකවත් කාලා ඉන්න පුළුවන් රටක් නම් සිතට දුකක් නැත.

: 0 43

chandana Thursday, 24 October 2019 09:33 AM

අහවල් නාලිකා වල අද හවසට කියාවී යාපනේ සිට පැමිණි කොටි සැකකරුවන් 13 අත් අඩංගුවට ගත්ත කියලා.

: 5 87

sunil Thursday, 24 October 2019 10:04 AM

අනේ මේ අයට යන තැනකට යන්න දෙන්න. ලංකාවේ ඉඳලා හිඟා කන්නද කියන්නේ ?

: 0 42

sugath Thursday, 24 October 2019 10:41 AM

මම හිතන්නේ මේ ගමන සැලසුම්කර කෙනාම පොලිසියට ඔත්තුව දෙන්න ඇති. මේක සැලසුම් කරපු දෙයක් වෙන්න පුළුවන්. අර මිනිසුන්ගෙන් සල්ලි අරගෙන එයාම පොලිසියට කියනවා ඇති. ඊට පස්සේ අර මිනිස්සුන්ට කියනවා ඇති කරන්න දෙයක් නෑ පොලීසියට අහුවුනේ නැත්නම් බෝට්ටුවෙන් යවන්න තිබුනා කියලා. හොයලා බැලුවොත් හොදයි.

: 0 8