(සූරියවැව දිලීප් ජයසේකර)
මෙවර සාමාන්‍ය පෙළ විභාගයේ චිත්‍ර විෂය පැවති දින විභාග ශාලාධිපතිවරයා විසින් තමන්ට අවශ්‍ය පහසුකම් සැපයූවේ නැතැයි කියමින් හම්බන්තොට දිස්ත්‍රික්කයේ විභාග මධ්‍යස්ථානයක සිසුන් සිසුන් 16 දෙනෙක් විභාග කොමසාරිස් වරයාට ලිඛිත පැමිණිල්ලක් කර ඇත.
මෙම පැමිණිල්ල කර ඇත්තේ හම්බන්තොට සුචී ජාතික පාසලේ පැවති විභාග මධස්ථානයේ දී ඉකුත් 9 වැන දින චිත්‍ර විෂය සදහා පෙනීසිටි සිසුන් පිරිසකි.
චිත්‍ර විෂයට අදාලව ද්‍රව්‍ය බලා ඇදීමේ කොටසේදී ශාලාධිපතිවරයා තමන් 16 දෙනා ස්ථාන කිහිපයක වාඩි කර වු බවත්, එහිදී බලා ඇදිමට සකස් කර තිබු උපකරණ කිසිවක් නිසි පරිදි නොපෙණුනු බවත් ඔවුන් විභාග කොමසාරිස්වරයාට දන්වා ඇත.
මේ පිළිබදව විභාග ශාලාධිපතිවරයාටත්, විභාග පරීක්ෂකවරියටත් දැනුම් දුන් නමුත් ඔවුන් ඒ පිළිබදව කිසිදු සැළකිල්ලක් නොදැක්වූ බවත්, විභාග පරීක්ෂකවරියට අදාල ද්‍රව්‍ය සම්පිණ්ඩනය නිසි පරිදි ස්ථානගතකර සකස් කිරීමට නොහැකි වු නිසා ඇය විසින් ද්‍රව්‍ය සම්පිණ්ඩනයේ දළ සැළැස්මක් කොළයක ඇද පෙන්වා විභාග දෙපාර්තමේන්තුව අපේක්ෂා කරන්නේ මේ ආකාරයේ රූප සටහනක් බැවින් ඒ ආකාරයට අදින ලෙස දැනුම් දුන් බවත් ඔවුන් සිය ලිඛිත පැමිණිල්ලේ සඳහන් කර ඇත.
  එසේම චිත්‍ර ඇදිම සදහාද ලබා දෙන කෙන්ට් පේපර් නොලැබුණු නිසා විභාග ශාලාධිපතිවරයා දැනුවත් කළද විභාග දෙපාර්තමේන්තුවෙන් කෙන්ට් පේපර් ලබා දී නොමැති බවත් ඇත්තේ ඒ 4 කොළ පමණක් බවත් දැනුම්දුන් බවත්, ඒ 4 කොළයෙහි නිසි නිමාවකින් යුතුව ද්‍රව්‍ය සම්පිණ්ඩනය ඇදීමටද නොහැකි වූ බවත් ඔවුන් දන්වා ඇත.
පසුගිය කාලයේ වකවානුවේ රටේ පැවති තත්වය නිසා නිසි පරිදි පාඩම් ආවරණය කර ගැනීමටද නොහැකි වූ තමන්ට චිත්‍ර විෂයට අදාලව වැඩි ලකුණු ප්‍රමාණයක් ලබා ගැනීමට හැක්කේ අඳින චිත්‍රවලින් බවත්, ශාලාධිපතිවරයා හා විභාග පරික්ෂකවරිය විසින් එම අවස්ථාව හිතාමතාම අහිමි කිරිම තුළින් තමන්ට දැඩි අසාධාරණයක් සිදුකර ඇති බවත් ඔවුන් පවසයි.