සිරියාවේ ඉඩ්ලිබ් පළාතේ නගර හතරකට සෙනසුරාදා (11) එල්ලවූ ගුවන් ප්‍රහාර වලින් 17 දෙනෙකු මිය ගොස්  40කට අධික පිරිසක් තුවාල ලබා ඇතැයි වාර්තා වේ.

කැරලිකරවන්ගේ පාලනය යටතේ පවතින ඉඩ්ලිබ් පළාතට ඉරානයේ සහ රුසියාවේ සහයෝගය සහිතව සිරියානු හමුදා විසින් ප්‍රහාර එල්ල කරයි.

කැරළිකරුවන් සතුව පවතින අවසාන භූමි ප්‍රදේශය වන ඉඩ්ලිබ් පළාත නැවත අත්පත් කර ගැනීම සිරියානු රජයේ අරමුණ වන අතර පොදු සමාකාලයක් සඳහා දින නියම වී තිබියදී මෙම ප්‍රහාර එල්ලවී තිබේ.

ඉඩ්ලිබ් නගරයේ 7 දෙනකු ද නයිරාබ් නගරයේ සිව් දෙනකු ද බිනිෂ් නගරයේ හතරදෙනකු ද මියගොස් ඇත.

ප්‍රදේශයේ ක්‍රියාත්මක මානව හිමිකම් සංවිධාන පවසන්නේ මියගිය අය අතර ළමුන් හය දෙනකු සිටින බවයි.

ගුවන් ප්‍රහාර වලට බියෙන් පසුගිය සති කිහිපය පුරා ඉඩ්ලිබ් පළාතේ දස දහස් ගනන් පිරිස් තුර්කි දේශ සීමාව ආසන්නයට පලාගිය බව මාධ්‍ය වාර්තා කර තිබිණි.

මෙම ගුවන් ප්‍රහාර සම්බන්ධව සිරියානු රජය කිසිදු තොරතුරක් ප්‍රකාශයට පත්කර නොමැති අතර ත්‍රස්ත ඉලක්ක වලට එල්ල කළ වෙඩි ප්‍රහාර වලින් කැරළිකරුවන් පිරිසක් මරා දැමූ බව සඳහන් කර තිබිණි.

(රොයිටර් පුවත් ඇසුරිණි - 085)