(බිබිල - විශේෂ කේෂර ගුණතිලක)
වෙහෙර විහාරස්ථාන නගාසිටුවීමට රජය මීට වඩා ආධාර උපකාර කළ යුතුයි. විශේෂයෙන් ග්රාමීය දුෂ්කර ගම්මානවල පිහිටි පුරාවිද්යාත්මක වටිනාකමක් ඇති පුදබිම් ආරක්ෂා කිරීමට විධිමත් වැඩ පිළිවෙළක් ක්රියාත්මක කළ යුතුයි.
ආණ්ඩුක්රම ව්යවස්ථාවෙන් බුදු දහමට ලැබී ඇති ප්රමුඛස්ථානය අබමල් රේණුවක් තරමින්වත් අඩු කිරීමට කටයුතු නොකළ යුතු යැයි හිටපු ජනාධිපති කුරුණෑගල දිස්ත්රික් පාර්ලිමේන්තු මන්ත්රී මහින්ද රාජපක්ෂ මහතා පැවැසීය.
රාජපක්ෂ මහතා එසේ පැවැසුවේ මොනරාගල වෙලේවත්ත සිරිසුනන්දාරාමයේදී පෙරේදා (1) පැවැති ආගමික උත්සවයක් අමතමිනි. එම විහාරස්ථානයේ ඉදිකළ නව ධර්මශාලා මන්දිරය ඒ මහතා අතින් විවෘත විය.
හෙතෙම මෙසේ ද පැවැසීය.
නව ආණ්ඩුක්රම ව්යවස්ථා කෙටුම්පතින් බුදු දහමට හිමි ප්රමුඛස්ථානය ගිලිහී ඇති බව දැනගන්නට තිබෙනවා. ඊට කිසිසේත් ඉඩ නොදිය යුතුයි. එයින් අනෙක් ආගම්වලට කිසිදු හානියක් වන්නේ නැහැ. බුදු දහමට මුල්තැන දෙමින් අනෙකුත් ආගම් අදහන අයට නිදහසේ තමන්ගේ ආගම් ඇදහීමේ අවස්ථාව සැළසිය යුතුයි.
දේශපාලනඥයින්ගේ පැවැත්මට ඔවුන්ගේ නොහැකියාව වසන් කිරීම් ආගම් භේද ජාතිභේද පතුරුවමින් ඇතැම් පිරිස් භේද ඇති කරනවා.
අපේ රජය කාලයේ වෙහෙර විහාරස්ථාන වැඩි දියුණු කිරීමට විශාල වශයෙන් උදව් උපකාර කළා. උතුරු නැගෙනහිර විනාශවූ වෙහෙර විහාරස්ථාන ප්රතිසංස්කරණය කිරීමට ප්රමුඛතාව දුන්නා.
නමුත් දැන් මොකක්ද මේ රජය කරන්නේ. පන්සලේ පිංකැටයේ තිබෙන සල්ලි ටිකත් රජයට ගන්නයි. ඒ තරමටම රජය බංකොළොත් වෙලා. අද පන්සලට ලැබෙන මුදල් බැංකුවකට දැම්මත් බදු ගෙවන්න වෙනවා. මෙම තත්ත්වය ඉතාමත් භයානකයි.
මොනරාගල දිස්ත්රික්කයට දිළිඳු භාවයෙන් පළමු තැන හිමිවී තිබෙනවා. පසුගිය කාලයේ නියඟය දිගටම බලපෑම නිසා භව භෝග විනාශ වෙලා.
අපේ රජය කාලයේ මොනරාගල දිස්ත්රික්කයේ ප්රධාන මාර්ග සියල්ල කාපට්කරා නිවාසවලින් සීයට 90 කට විදුලිය දුන්නා පාසල් වැඩි දියුණු කළා. අපි උමාඔය ව්යාපාරය පටන් ගත්තේ වෙල්ලස්ස ප්රදේශයට ජලය සැපයීමටයි. වත්මන් ආණ්ඩුව එහි ඉදිකිරීම් අතරමඟ නතර කළා. ඒ නිසයි එය ඛේදවාචකයක් බවට පත්වී බදුල්ල දිස්ත්රික්කයේ ජනතාවට මහා ව්යසනයකට මුහුණදීමට සිදුවුණේ. උමා ඔය ව්යාපාරය ඉදිකිරීමේදී යම් වරදක් සිදුවී ඇත්නම් එය නිවැරැදි කිරීම රජයේ වගකීමක්. එ සමඟ උමා ඔය ව්යාපෘතියෙන් හානි සිදුවූ පවුල්වලට රජය සාධාරණ වන්දියක් ගෙවිය යුතුයි.
ආණ්ඩුව සියලුම වැරැදි අප පිට පටවමින් දෝෂාරෝපණය කරමින් සිටිනවා. හැමදේටම දොස් කියන්නේ මහින්ද රාජපක්ෂට, කරන වැඩක් නැහැ. චන්ද්රිකා මැතිනිය ඉවත්වීමෙන් පසු ඇයගේ කාලයේ සිදුවූ වැරැදි අඩුපාඩු සොයමින් ඒ රජයට මම වැරැදි පැටෙව්වේ නැහැ. එහෙම කළා නම් මට යුද්ධය දිනන්න බැහැ. රට සංවර්ධනය කරන්න බැහැ.
මොනරාගල දිස්ත්රික්කයේ ප්රධාන සංඝනායක මොනරාගල බුක්කීරියගොල්ල රජමහා විහාරාධිපති බදුල්ලගම්මන රතනසාර නාහිමියෝ පැමිණ සිටි පිරිස පංච ශීලයෙහි පිහිටවූහ.
විහාරාධිපති බුද්ධම හිමියෝ අනුශාසනාවක් කළහ.
මොනරාගල දිස්ත්රික් පාර්ලිමේන්තු මන්ත්රීවරුන් වන පද්ම උදයශාන්ත ගුණසේකර, විජිත බේරුගොඩ, ඌව පළාත් සෞඛ්ය ඇමැති කුමාරසිරි රත්නායක, ඌව පළාත් සභා මන්ත්රීවරුන් වන විමල් ගලගම ආරච්චි, ඩබ්ලිව්. ඇම්. දයාරත්න යන මහත්වරුද මෙම අවස්ථාවට සහභාගිවූහ.
අනුර දිසානායක යාපනයට පැමිණ කළ තර්ජනකාරී ප්රකාශය සම්බන්ධයෙන් උතුරේ ජනතාවගෙන් වහාම සමාව ගත යුතුව ඇතැයි ජනාධිපති රනිල් වික්රමසිංහ මහතා යාපනයේ ජන රැළ
එළබෙන 21 පසුව අපි පිහිටුවන රජයේ විද්යාත්මක ඇමති මණ්ඩලයක් තමයි අපි හදන්නේ. එයට 25 දෙනයි. රාජ්ය ඇමතිවරු නැ . නියෝජ්යය ඇමති විතරයි. ඒ ඒ විෂයට අදාල ක්ෂේත්රය
රටේ සංස්කෘතියට හානියක් වන කිසිඳු දේශපාලනික හෝ සමාජීය තීන්දුවක් ක්රියාත්මක කිරීමට ඉඩ නොදෙන බව ශ්රී ලංකා පොදුජන පෙරමුණේ ජනාධිපතිධූර අපේක්ෂක, පාර්ලි
රටේ අනාගතය ගැන කතා කිරීමට නොහැකි පුද්ගලයින්ට රටේ අනාගතයේ භාර ගැනීමට අයිතියක් නොමැති බව ජනාධිපති රනිල් වික්රමසිංහ මහතා පැවසීය.
මෙවර ජනාධිපතිවරණයේදී ජනාධිපති රනිල් වික්රමසිංහ මහතාට සහය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට සහ මන්ත්රීවරුන්ට ඉවත්ව යන
කොළ අලි පැටව් රතු අලි පැටව් එකට එකතු වී රනිල් අනුර හොර සන්ධානයක් සකස් කර ඇති බැවින් ජනතාවගේ වටිනා ඡන්දය හොරු රකින සන්ධානයට නාස්ති කරන්න එපා යැයි සමගි ජන
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
දේශපාලකයන් තමන්ගේ පැවැත්මට ආගම් බේද ජාතිබේද ඇතිකරනවා
victor Monday, 03 July 2017 08:29 AM
මේක නිකම් උඩ බලාගෙන කෙල ගහගන්නවා වගේ දෙයක්...
pansilu Monday, 03 July 2017 08:56 AM
මෙතුමා කොහෙන්ද දන්නේ නැහැ කතා කරන්නේ .... ? මෙහෙමත් ඒවා කියන්න පුළුවන්ද?
kumar (galf) Monday, 03 July 2017 11:13 AM
තුවාල පාරලා ප්රසිද්ධිය ලබාගන්න තමයි බොහෝ අය කටයුතු කරන්නේ...
shan saudi Monday, 03 July 2017 12:22 PM
අන්න තමන් විසින් කරන ක්රියාව පැහැදිලිවම රටට ප්රකශ කළා... ඕක තමයි කියන්නේ කට බොරු කීවත් දිව බොරු නොකියන වග...
Shan Tuesday, 04 July 2017 06:15 AM
තවමත් අපේ රට විනාශකරන එක නවත්තලා නෑ වගේ....
දයාරත්නායක Thursday, 06 July 2017 12:41 PM
ජාතිභේදයේ සහ අාගම් භේදයේ පියා කවුරුන්ද යන බව ජනතාව තේරුම් ගෙන හමාරයි.