(හර්ෂණ තුෂාර සිල්වා)
මාදිවෙල ශ්රී රාහුල විද්යාලයේ සුහුරු පන්ති කාමරවලින් සමන්විත සිව්මහල් ගොඩනැගිල්ල සිසු අයිතියට පත් කිරීම සහ බහුකාර්ය ගෘහස්ත ක්රීඩාංගනයේ ඉදි කිරීම ආරම්භ කිරීම ජනාධිපති මෛත්රීපාල සිරිසේන මහතාගේ ප්රධානත්වයෙන් අද (1) සිදු කෙරුණි.
මෙම සිව්මහල් ගොඩනැගිල්ල සුහුරු පන්ති කාමරවලින්, පරිගණක විද්යාගාරයකින්, ගණිතාගාරයකින් සහ විද්යාගාරයකින් සමන්විත වන අතර එය ‘මෛත්රීපාල සිරිසේන සුහුරු පියස’ යනුවෙන් නම් කර තිබේ. මේ සඳහා වියදම් කර ඇති මුදල් රුපියල් මිලියන 145කි. මෙම ගොඩනැගිල්ල සුහුරු පන්තිකාරවලින් සමන්විත ශ්රී ලංකාවේ පළමු සිව් මහල් ගොඩනැගිල්ල බව ද එහිදි කියැවිණි.
බහු කාර්ය ගෘහස්ත ක්රීඩංගනයේ ඉදි කිරීම් කටයුතු ආරම්භ කරමින් ජනාධිපති මෛත්රීපාල සිරිසේන මහතාගේ ප්රධානත්වයෙන් මෙහිදි මුල්ගල් තැබිණි. බහුකාර්ය ගෘහස්ත ක්රීඩාංගනය ඉදි කිරීම සඳහා රුපියල් මිලියන 200ක මුදලක් වෙන් කර ඇත.
මෙම බහුකාර්ය ගෘහස්ත ක්රීඩාංගනය ආසන 1,500කින් සමන්විතය. මෙම බහුකාර්ය ගෘහස්ත ක්රීඩාංගනය මංතීරු අටකින් සහ මීටර 50 දිගින් යුතු පිහිනුම් තටාකයක් සහ රුපියල් මිලියන 152 වියදමෙන් පුහුණුවීම් සඳහා ඉදි කෙරෙන අමතර පිහිනුම් තටාකයකින් සමන්විතය.
වැසීයාමේ අවදානමකට ලක්ව තිබූ මාදිවෙල රාහුල විද්යාලය මේ වනවිට නවීකරණය කෙරෙමින් තිබෙන අතර මෙම පාසල ශ්රී ලංකාවේ පළමු සුහුරු විද්යාලය බව ද මෙහිදි කියැවිණි. අඩක් නවීකරණය කර තිබෙන මෙම පාසල ඉසුර විද්යාලය යනුවෙන් නම් කිරීම ද මෙහිදි සිදු කෙරුණි. මෙම පාසලේ දැනට සිසු සිසුවියන් 180කට ආසන්න පිරිසක් ඉගෙනුම ලබති.
මෙම උත්සවයේදී කෝට්ටේ රාජධානිය සිහිපත් කරමින් බස්නාහිර පළාත් ප්රධාන අමාත්ය ඉසුර දේවප්රිය මහතා ජනාධිපති මෛත්රීපාල සිරිසේන මහතාට විශේෂ සමරු තිළිණයක් ද පිළිගැන්වීය.
මහ සංඝරත්නය, පාර්ලිමේන්තු මන්ත්රීවරුන් වන දිනේෂ් ගුණවර්ධන, ආචාර්ය බන්දුල ගුණවර්ධන, තිලංග සුමතිපාල, සුසිල් ප්රේමජයන්ත, බස්නාහිර පළාත් සභාවේ අධ්යාපන අමාත්ය රංජිත් සෝමවංශ, පරිසර අමාත්ය ගාමිණි තිලකසිරි, බස්නාහිර පළාත් සභාවේ මන්ත්රීවරුන් වන උපාලි කොඩිකාර, සලෝචන ගමගේ, මාදිවෙල ශ්රී රාහුල විද්යාලයේ විදුහල්පතිතුමා සහ ගුරු මණ්ඩලය, සිසු සිසුවියන් සහ මාපියන් ඇතුළු පිරිසක් මෙම අවස්ථාවට එක්වූහ.
ඡායාරූප- රොමේෂ් ධනුෂ්ක සිල්වා
ගම්පහ දිස්ත්රික්කය තුල කළු ගල් කැඩීම පිනිස සම්බන්ධීකරණ කමිටු අනුමැතියකින් තොරව භූ විද්යා සමීක්ෂණ සහ පතල් කාර්යාංශය මගින් අවසර ලබා දීම නොකළ යුතු බව
වීරකැටිය,මුල්ගිරිගල කැලෑබද පාලු ඉඩමක ගංජා වගා කල පුද්ගලයකු සරුවට වැවුනු ගංජා පැල 12900 ක් සමඟ ගොවියකු අත් අඩංගුවට ගත් බව ඕකවෙල පොලිසිය පවසයි .
හෙරොයින් ජාවාරමෙන් උපයාගන්නා ලද රුපියල් ලක්ෂ 82 ක මුදලක් හා මුදල් ගණන් කිරීමේ විද්යුත් යන්ත්රයක් සමග පුද්ගලයන් දෙදෙනෙක් කොළඹ කෙසෙල්වත්ත ප්රදේශයේ
මහර බන්ධනාගාරයේ රඳවා සිටින මහා පරිමාණ මත්ද්රව්ය ජාවාරම්කරුවකු මෙහෙයවන මත්ද්රව්ය ජාවාරමේ ප්රධාන ගෝලයා ලෙස කටයුතු කරන කාන්තාවක් මත්කුඩු හා මුද
උතුරු නැගෙනහිර බිම් බෝම්බ ඉවත් කිරීමේ නිරත යුද හමුදාවේ සහ රාජ්ය නොවන ආයතනවල සාමාජික සාමාජිකාවන්ගේ සහභාගීත්වයෙන් ක්රිකට් තරගාවලියක් සහ කඹ ඇදීමේ ත
ජෙලෙග්නයිට් පුපුරණ ද්රව්ය කූරු 100 ක් යතුරුපැදියකින් ප්රවාහනය කරමින් සිටි පුද්ගලයෙකු මන්නාරම නගරය දී අද (5) අලුයම මන්නාරම පොලිසිය මගින් අත්අඩංගුවට
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
මාදිවෙල රාහුල විද්යාලයේ සිව් මහල් ගොඩනැගිල්ල විවෘත කෙරේ