2025 ජනවාරි මස 15 වන බදාදා
2025 ජනවාරි මස 15 වන බදාදා
බයිබලයේ උප්පත්ති කතාවට අනුව, යෙහෝවා දෙවියන්, පොළොවේ එක් සුවිශේෂී තැනක් තෝරා ගනිමින්, ලස්සන උද්‍යානයක් නිර්මාණය කළේය. ගස්වැල් මවමින්, ලොකු සතුන් පොඩි සතුන් මවමින් මේ උද්‍යානය ජීවයෙන් පිරුණු තැනක් බවට පත් කළේය. ගස්වැල්වලින් සහ සතුන්ගෙන් පිරුණු මේ උද්‍යානයේ එක් අඩුවක් තිබුණි. දෙවියන් පළමු මිනිසා ලෙස ආදම් ද පළමු ස්ත්‍රිය ලෙස ඒව ද නිර්මාණය කළේ එම අඩුව පිරවීමටය. දෙවියන් මැවූ මේ උද්‍යානය ‘ඒදන්’ උද්‍යානයයි.
වසර ලක්ෂ දෙකකට පමණ පෙර, මනුෂ්‍යයාගේත් මිහිමත වාසය කරන සියලූම ජීවීන්ගේත් ආරම්භය සිදුවුණැයි පැවැසෙන ‘ඒදන් (ඊඩ්න්/ඒඩ්න්) උද්‍යානය’ තිබෙන්නට ඇත්තේ කොහේදැයි යන්න බොහෝ දෙනාගේ වාද විවාදයට හේතු විය. කෙසේ නමුත් මේ වනවිට ජගත් පර්යේෂකයන් පිරිසක් ලොවට අනාවරණය කර ඇත්තේ, ඔවුන්ට ඒදන් උද්‍යානය පිහිටි ස්ථානය සොයා ගැනීමට හැකිවුණු බවය. ඔවුන් පෙන්වා දෙන අන්දමට ඒදන් උද්‍යානය ඇත්තේ අප්‍රිකාවට අයත් බොට්ස්වානා රාජ්‍යයේය.
මානව වර්ගයාගේ ආරම්භය අප්‍රිකාවෙන් සිදුවුණු බව විද්‍යාඥයන් ලොවට පෙන්වා දුන්නේ අද ඊයේ නොවෙයි. එහෙයින්, මානව වර්ගයාගේ ආරම්භය සිදුවුණැයි පැවැසෙන ඒදන් උද්‍යානය අප්‍රිකාවේ බොට්ස්වානා රාජ්‍යයෙන් හමුවීම අරුමයක් නොවේ යැයි විද්‍යාඥයෝ පැහැදිලි කරති. විද්‍යාඥයන් විශ්වාස කරන අන්දමට ‘ඒදන්’ උද්‍යානය පිහිටා තිබෙන්නට ඇත්තේ, බොට්ස්වානා රාජ්‍යයේ උතුරු දෙසින්, සැම්බීසි නදියට දකුණින්ය. අද මෙම ප‍්‍රදේශය අතීතයේ මෙන් සරුසාර තැනක් නොවෙයි. අද මෙම ප‍්‍රදේශය අයත් වන්නේ මක්ගඩිකාඩි තෙත් බිම් කලාපයටය. විද්‍යාඥයන් පෙන්වා දෙන්නේ, අතීතයේ මෙහි දැවැන්ත විලක් තිබුණු බවය.
වසර 70,000 ක් හෝමෝ සේපියන් සේපියන් මානවයන්ගේ නිවහන වූයේ මෙතැනය. අපේ ආදීතම මුතුන්මිත්තන් වූ හෝමෝ සේපියන් සේපියන්ට කාලගුණ විපර්යාස බාධාවක් වුණු බව විද්‍යාඥයෝ පෙන්වා දෙති. ආදි මානවයන් එදා මෙම සරු බිමෙන් පමණක් නොව අප්‍රිකාවෙන් ද සංක‍්‍රමණය වී, ලොව නන්දෙස ව්‍යාප්ත වූයේ එම කාලගුණ විපර්යාස නිසා සිදුවුණු බලපෑම් හේතුවෙනි.
ජගත් විද්‍යාඥයන් සහ පර්යේෂකයන්, ඒදන් උද්‍යානය මෙම ස්ථානයේ තිබෙන්නට ඇතැයි තහවුරු කර ගෙන ඇත්තේ, භූගෝලීය වශයෙන් සහ ජානමය වශයෙන් මෙම ප‍්‍රදේශයේ වෙසෙන සතුන්, ශාක සහ පස් සාම්පල පරීක්ෂා කිරීමෙන් අනතුරුවය. පුළුල් අයුරින් කළ එම අධ්‍යයනයට වසර කීපයක් ගත වුණු බව ද පැවැසෙයි. ඔස්ට්‍රේලියාවේ ගර්වාන් වෛද්‍ය පර්යේෂණ ආයතනයේ මහාචාර්යවරියක වන වෙනේසා හේස් මෙම අධ්‍යයනයට දායක වූ තැනැත්තියකි. ‘මානවයාගේ පමණක් නොව, මිහිමත සියලූම ජීවීන්ගේ පහළවීම සිදුවූයේ ඒදන් උද්‍යානයෙන් යැයි බයිබලයේ උප්පත්ති කතාවේ සඳහන් වෙනවා. මානවයා පහළ වූයේ අප්‍රිකාවෙන් බව විද්‍යාඥයන් තහවුරු කර තිබෙනවා. ඒ තහවුරු කිරීමට මෙම නව සොයා ගැනීම හොඳින් පෑහෙනවා. ඒදන් උයනේ පිහිටීම තහවුරු කර ගැනීමට හැකිවුණු පළමු අවස්ථාව මෙයයි.’ යැයි වෙනේසා හේස් පවසා ඇත.
ලූසිත ජයමාන්න
‘ද සන්’ ඇසුරිනි
තිරගත වන ‘‘රෝස ආදරේ’’ සමඟින් ප්‍රේක්ෂකයා හමුවට එන පැතුම් රුක්ෂාන් සමඟින් මෙවර සඳැල්ලෙන් කතාබහක් කරන්න හිතුවා.
නූල අත ඇරුණු සරුංගලයක් වගේ ප්‍රාර්ථනා ගිලිහුණු යොවුන් හදවත් දෙකක් හුදෙකලාව ගයන සංවේදී පද මාලාවත් ඊටම උචිත මනරම් තනුවත් හා මියුරු ගායනයත් යූ ටියුබ් නා
පිරිමි ළමයි නාට්‍යයේ දිල්හාරා යනු කතාවේ හැටියට අහිංසක තරුණියකි. අඩු කුලේ යැයි ගම්මු විසින් නම් කළ පවුලකට අයත් ඇය හාමු කෙනෙකුට ආදරය කිරීම නිසා චිත්ත පී
ටෙලි නාට්‍ය ක්ෂේත්‍රය තුළ මෙන්ම චිත්‍රපටි ක්ෂේත්‍රයේත් සිහින කුමරා ලෙසින් වැජඹුණ චන්න පෙරේරාට සෙනසුරු මාරුව චිත්‍රපටියේ නිසල් අභියෝගයක් වූයේය.
‘අයියයි-මල්ලියි’ යන සහෝදර බැඳීම ගැන මැනීමට මිනුම් දඬු අවැසි නොවේ. සහෝදර බැඳීම යනු අන් කවර බැඳීමකට වඩා අරුත් බර වූවකි.
සිරස වොයිස් ටීන් රියැලටිය හරහා ගායන ක්ෂේත්‍රය තුළ වාඩාත් ජනාදරයක් දිනා ගන්නා ඇය එක රැයකින් තමන්ගේ ජීවිතය වෙනස් මාවතකට රැගෙන ගිය ගායන තරුවකි. ගායිකාව
2025 ජනවාරි මස 08
227
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
2024 දෙසැම්බර් මස 24
556
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
306
0
දශක 3කට අධික කාලයක් තිස්සේ ශ්‍රී ලාංකිකයින්ගේ මුඛ සෞඛ්‍යය වෙනුවෙන් කැපවන ප්‍රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
ජීවය ඇරැඹුණු ‘ඒදන්’ උයන විද්‍යාඥයන්ට හමුවෙලා