(අජන්ත කුමාර අගලකඩ)
යෝජිත ආණ්ඩුක්රම ව්යවස්ථා සංශෝධනය සම්බන්ධයෙන් ශ්රී ලංකා නිදහස් පක්ෂය හා එක්සත් ජාතික පක්ෂය අතර තීරණාත්මක සාකච්ඡාවක් හෙට (19) රාත්රියේ පැවැත්වීමට නියමිතය.
ව්යවස්ථා සංශෝධනය සම්බන්ධයෙන් කටයුතු කිරීමට ශ්රී ලංකා නිදහස් පක්ෂයෙන් පත්කර ඇති කමිටුව එක්සත් ජාතික පක්ෂයේ නියෝජිතයින් හමුවීමට පෙර, හෙට සවස වෙනම රැස්වී සාකච්ඡා කිරීමට නියමිත බව එම පක්ෂ ආරංචි මාර්ග සඳහන් කරයි.
ඒ සඳහා ශ්රී ලංකා නිදහස් පක්ෂ මධ්යම කාරක සභාව ඇමැති නිමල් සිරිපාල ද සිල්වා මහතාගේ ප්රධානත්වයෙන් වෙනම කමිටුවක් පත්කර ඇති අතර සුසිල් ප්රේමජයන්ත, අනුර ප්රියදර්ශන යාපා, දයාසිරි ජයසේකර, ආචාර්ය සරත් අමුණුගම, දමින්ද දිසානායක, ඩිලාන් පෙරේරා, ෆයිසර් මුස්තාපා සහ තිලංග සුමතිපාල යන මැති ඇමැතිවරු එහි සෙසු සාමාජිකයෝ වෙති.
ආණ්ඩුක්රම ව්යවස්ථා මෙහෙයුම් කමිටු ලේකම් කාර්යාලය විසින් ඉදිරිපත් කර ඇති දළ ව්යවස්ථා කෙටුම්පත පිළිබඳව එහිදී සාකච්ඡා කර තීන්දුවක් ගැනීමට නියමිත බවද වාර්තාවේ. මෙම කෙටුම්පතේ එන බොහොමයක් කරුණු සම්බන්ධයෙන් එක්සත් ජාතික පක්ෂය හා දෙමළ ජාතික සන්ධානය දැනටමත් එකඟතාව පළකර ඇතැයි දැන ගන්නට ඇත.
ඒකාබද්ධ විපක්ෂයත්, ජාතික හෙළ උරුමයත් ඒ පිළිබඳ සිය යෝජනා ඉදිරිපත් කර ඇතත් යෝජිත කෙටුම්පතේ කරුණු කාරණා රැසකට ඔවුන් එකඟතාව පළකර නැතැයිද වාර්තාවේ.
ශ්රී ලංකා නිදහස් පක්ෂය හා ජනතා විමුක්ති පෙරමුණ තවමත් එම කෙටුම්පත පිළිබඳ සිය පක්ෂවල ස්ථාවරය දැනුම් දී නැතැයි දැන ගන්නට ඇත.
යෝජිත කෙටුම්පතේ සඳහන් විධායක ජනාධිපති ක්රමය අහෝසි කිරීම, පළාත් සභාවල මහ ඇමැතිවරුන්ගෙන් විමසා ආණ්ඩුකාරවරුන් පත් කිරීම, පළාත් සභා ඒකාබද්ධ කිරීම ආදී යෝජනා රැසකට ශ්රීලනිපය දැනටමත් විරුද්ධත්වය ප්රකාශකර ඇති බව එම පක්ෂ ආරංචි මාර්ග කියයි.
යෝජිත ව්යවස්ථා සංශෝධනය මගින් බලය බෙදීමක් සිදුවන්නේ නම් විධායක ජනාධිපති ක්රමය අනිවාර්යයෙන්ම පැවැතිය යුතු බව ශ්රීලනිපයේ අදහස වී ඇතැයිද වාර්තාවේ.
පසුගිය රජය සමයේදී ආනයනය කෙරුණු ඉමියුනොග්ලොබියුලීන් ප්රතිදේහ ජනක ඖෂධවල තිබී ඇත්තේ වතුර බව සෞඛ්ය නියෝජ්ය අමාත්ය වෛද්ය හංසක විජේමුණි පැවසීය. ඒ පි
ජපාන රජය මෙරටට ලබාදී තිබූ ඇමෙරිකානු ඩොලර් බිලියන 2.5 ක ණය ප්රමාණයක් ප්රතිව්යුහගත කිරීම සඳහා වෙන ගිවිසුමට පසුගිය සිකුරාදා (07දා) ජපාන රජය සහ ශ්රී ලංකාව
අන්තර්ජාතික සංවර්ධනය සඳහා වෙන ඇමෙරිකා එක්සත් ජනපද නියෝජිතායතනයෙන් (USAID) මෙරටට ලැබෙන මූල්යාධාර එළැඹෙන අප්රේල් මාසයෙන් පසු සියයට 90 කින් පමණ කප්පාදු ක
පසුගිය කාලයේදී විශාල වශයෙන් මුදල් නාස්ති කෙරුණු බව පැවසෙන ජනාධිපති කොමිෂන් සභා සම්බන්ධයෙන් විශේෂ විධිමත් විමර්ශනයක් ආරම්භ කිරීමට රජය තීරණය කර ඇත.
දුම්රියෙහි වන අලින් ගැටී මිය යෑම දිගින් දිගටම වාර්තාවීම නිසා එය වළක්වා ගැනීමේ ස්ථිර වැඩපිළිවෙළක් සකස් කර ගැනීම සඳහා අධිකරණ ක්රියා මාර්ග ගැනීමට තීරණ
පාර්ලිමේන්තු මන්ත්රීවරුන්ගේ ආරක්ෂාව සම්බන්ධයෙන් සුදුසු පියවර ගන්නා ලෙස කෙරුණු ඉල්ලීම වැඩබලන පොලිස්පතිවරයාට යොමු කළ බව කථානායක වෛද්ය ජගත් වික්
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්
ඇතැම් මිනිසුන් ගෙන් නික්මෙන ප්රභාව බොහෝ ප්රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්
ශ්රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස
අලුත් ව්යවස්ථාවට ශ්රීලනිප-එජාප තීරණාත්මක සාකච්ඡාවක් හෙට