ආහාර විෂවීමක් හේතුවෙන් මොන්ගෝලියාවේ කේඑෆ්සී අවන්හල් සියල්ල වසාදැමීමට නියෝග කර ඇතැයි වාර්තා වේ.
 
 පසුගිය සතියේ උලාන්බාටා නගරයෙන් මෙම තත්ත්වය වාර්තා වූ අතර පාචනය සහ වමනය යන රෝගී තත්ත්ව හේතුවෙන් මේ වනවිට  42දෙනකු රෝහල්ගත කර ඇතැයි බලධාරීහු පවසති. 
 
රටපුරා කේඑෆ්සී අවන්හල් වලින් ආහාර ගත් සිය ගණනක පිරිස් ආහාර විෂවීමේ රෝග ලක්ෂණ පෙන්නුම් කරන බවද සඳහන් වේ.
 
මූලික පරීක්ෂණ වලින් හෙළිවී ඇත්තේ ආහාර සැකසීම සඳහා භාවිත කරන ලද ජලයේ අන්තර්ගත බැක්ටීරියාවක් හේතුවෙන් මෙම තත්ත්වය ඇතිවූ බවයි.
 
මොන්ගෝලියාවේ ප්‍රථම කේඑෆ්සී අවන්හල 2013 වර්ෂයේදී ආරම්භ කර ඇති අතර රටපුරා මේ වනවිට එහි ශාඛා 11ක් පිහිටුවා ඇති බව සඳහන් වේ.
 
 
(රොයිටර් පුවත් ඇසුරිනි - 085)