2025 පෙබරවාරි මස 05 වන බදාදා
ඇමෙරිකාවේ වොෂින්ටන් අගනුවරට පැමිණි නොබෙල් සාම ත්‍යාගලාභිනී මලාලා යූසොෆ්සායි සහ ඇමෙරිකන් රාජ්‍ය ලේකම් ඇන්තනි බ්ලින්කන් අතර හමුවක් ඇමෙරිකන් රාජ්‍ය දෙපාර්තමේන්තුවේදී පැවැත්විණි.
ඔක්ස්ෆර්ඩ් උපාධිධාරිනියක මෙන්ම බ්‍රිතාන්‍ය පුරවැසියකු ද වන 24 හැවිරිදි මලාලා විවාහකය. ඇය විවාහ වී සිටින්නේ පාකිස්තාන ක්‍රිකට් පාලක මණ්ඩලයේ සාමාන්‍යාධිකාරී අසේර් මලික් සමඟය. මලාලා උපතින් පාකිස්තානුවෙකි. ඇය 2012 දී තලේබාන් ත්‍රස්තවාදීයකුගේ වෙඩි ප්‍රහාරයකට ලක් වූයේ බාලිකා අධ්‍යාපනය වෙනුවෙන් හඩ නැගූ බැවිනි.
මලාලා, ඇමෙරිකන් රාජ්‍ය දෙපාර්තමේන්තුවට පැමිණියේ එක්සත් ජාතීන්ගේ සංවිධානයේ බලිකා අධ්‍යාපනය සම්බන්ධ විශේෂ නියෝජිතවරිය ලෙසය. ඇය ඇමෙරිකන් රාජ්‍ය ලේකම් බ්ලින්කන් හමුවී, තලේබාන්වරුන්ගේ ග්‍රහණයට නතුවුණු ඇෆ්ගනිස්තානයේ බාලිකාවන්ගේ අධ්‍යාපන කටයුතු සම්බන්ධයෙන් සාකච්ඡා පැවැත්වීය. ඇය ඇමෙරිකන් රාජ්‍ය ලේකම්වරයාගෙන් ඉල්ලා සිටියේ, ඇෆ්ගන් බාලිකාවන්ගේත් කාන්තාවන්ගේත් අධ්‍යාපනය ලැබීමට, රැකියා කිරීමට සහ ජීවත් වීමට ඇති අයිතිය සුරැකීමට පියවර ගන්නා ලෙසය.
ඇමෙරිකා හමුදා ඇෆ්ගනිස්තානයෙන් පිටවී යෑමත් සමඟ තලේබාන්වරුන් යළි බලය අල්ලා ගත් අතර, ඔවුන් බාලිකා අධ්‍යාපනයට තහංචි පැනැවීම් කර තිබේ.
15 හැවිරිදි ඇෆ්ගන් දැරියක ඇයට පාසල් අධ්‍යාපනය අහිමිවූ බව දන්වමින් ඉතා සංවේදී ලිපියක් මලාලාට එවා ඇති අතර, මලාලා එම ලිපිය ඇමෙරිකන් රාජ්‍ය ලේකම් බ්ලින්කන්ට යොමු කිරීමට ද කටයුතු කළාය. ඇෆ්ගන් දැරිය එම ලිපිය එවා ඇත්තේ ඇමෙරිකන් ජනාධිපති ජෝ බයිඩන්ගේ නමටය.
(ඒ.එෆ්.පී.)
ඊශ්‍රායල අග්‍රාමාත්‍ය බෙන්ජමින් නෙදන්යාහු සහ ඇමෙරිකන් ජනාධිපති ඩොනල්ඩ් ට්‍රම්ප් අතර හමුවක් ධවල මන්දිරයේ දී පැවැත්විණි.
රුසියන් ජනාධිපති ව්ලැදිමීර් පුටින් මුහුණට මුහුණ හමුවී සාකච්ඡා කිරීමට තමන් සූදානම් බව යුක්රේන ජනාධිපති ව්ලොදිමීර් සෙලෙන්ස්කී පවසයි.
ස්වීඩනයේ උසස් පාසලක සිදුවුණු වෙඩි තැබීමකින්, 10 දෙනෙක් ජීවිතක්ෂයට පත්වූහ. එම 10 දෙනා අතර වෙඩි තැබීම කළ සැකකරු ද සිටින බව පොලිසිය පවසයි.
ඇමෙරිකන් ජනාධිපති ඩොනල්ඩ් ට්‍රම්ප්ගේ විධායක නියෝගයකට අනුව, ආර්ථික අභියෝග රැසකට මුහුණ දෙන පාකිස්තානයට ලබාදෙන විදේශ ආධාර තාවකාලිකව අත්හිටුවා ඇත.
ඕස්ට්‍රේලියාවේ ප්‍රදේශ රැසකට බලපා ඇති ගංවතුර තත්ත්වය හේතුවෙන් දහස් ගණනක් පීඩාවට පත්ව සිටින බව වාර්තා වේ.
උතුරු සිරියාවේ, මන්ජිබ් නගරයේ කාර් බෝම්බයක් පුපුරා යෑමෙන් 25 දෙනෙක් ඊට බිලිවූහ. තුවාල ලැබූ ගණන 15 ක් බව පැවැසෙයි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM
2025 ජනවාරි මස 08
761
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
2024 දෙසැම්බර් මස 24
736
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
ඇමෙරිකන් රාජ්‍ය ලේකම් මලාලා හමුවෙයි