ඉරාකයේ බැග්ඩෑඞ් අගනුවර පිහිටි ඇමෙරිකානු හමුදා කඳවුරකට රොකට් ප්රහාර කිහිපයක් එල්ල වී ඇතැයි වාර්තා වේ.
ඇමෙරිකානු තානාපති කාර්යාලය ආසන්නයේ මෙම හමුදා කඳවුරට පිහිටා ඇත.
“විදෙස් හමුඳා රැඳී සිටින ජාත්යන්තර කලාපයට රොකට් ප්රහාර කිහිපයක් එල්ල වුණා. ඉන් කිසිවකුටත් හානියක් වුණේ නැහැ” යැයි ඒකබද්ධ හමුදාවල ප්රකාශක මයිල්ස් කැගින්ස් පැවැසීය.
මෙම කඳවුර යුනියන් 3 යනුවෙන් හැඳින්වෙන අතර ඉරාකයේ රැඳී සිටින හමුදාවල මූලස්ථානය ලෙස සැලකේ. ඉස්ලාමික් ස්ටේට් ජිහාද් සංවිධානයට එරෙහිව සටන් වදින ඉරාකයේ දේශීය හමුදාවලට සහාය දැක්වීම සඳහා 2014 වසරේදී මෙම ඇමෙරිකානු යුද හමුදා කඳවුර ස්ථාපිත කර ඇත.
ජාත්යන්තර කලාපය ලෙස හැඳින්වෙන කලාපය හරිත කලාපය ‘ග්රීන් සෝන්’ යනුවෙන් ද හැඳින්වේ. එම කලාපයට කතුෂා රොකට් ප්රහාර තුනක් එල්ල කළ බව ඉරාක සන්නද්ධ හමුදා සඳහන් කළේය. යුනියන් 3 කඳවුර පිහිටා ඇත්තේ ඉරාකයේ ඇමෙරිකානු තානාපති කාර්යාලය ආසන්නයේය. ඉරාක රජයේ ගොඩනැගිලි, එක්සත් ජාතීන්ගේ කාර්යාලය සහ අනෙකුත් තානාපති කාර්යාල ද පිහිටා ඇත්තේ මෙම අධි ආරක්ෂිත කලාපයේය.
සිවුවැනි රොකට් ප්රහාරය එල්ල වී ඇත්තේ සැපයුම් කඳවුරකටය. එය ඉරාක රජයට සම්බන්ධ හෂීද් අල් ෂාබි සන්නද්ධ ජාලයට අයත් කඳවුරක් යැයි ඉරාක සන්නද්ධ හමුදා සඳහන් කළේය.
හෂීද් සංවිධානය ඒ සම්බන්ධයෙන් කිසිවක් සඳහන් නොකළේය.
ඇමෙරිකාවට අයත් කඳවුරකට සහ හෂීද් සංවිධානයේ කඳවුරකට එකම අවස්ථාවේදී ප්රහාර එල්ල වීම අසාමාන්ය සිදුවීමක් වන අතර ප්රහාරය එල්ල කරන්නට ඇත්තේ ඉරාක සන්නද්ධ ජාලයේ දැඩි අන්තවාදී කණ්ඩායමක් යැයි ඇමෙරිකාව චෝදනා කළේය.
අද එල්ල වූ රොකට් ප්රහාර මාලාවත් සමඟ පසුගිය ඔක්තෝබර් මාසයේ සිට ඇමෙරිකානු තානාපති කාර්යාලය හෝ ඉරාකයේ රැඳී සිටින ඇමෙරිකානු හමුදා හෝ ඉලක්ක කරගනිමින් එල්ල වූ 19 වැනි ප්රහාරයයි.
ඇමෙරිකානු සෙබළු 5,200කට ආසන්න පිරිසක් ඉරාකයේ රැඳි සිටිති. ඉරාකයේ සිටින දැඩි අන්තවාදී සන්නද්ධ කණ්ඩායම් ඇමෙරිකානු කඳවුරුවලට ප්රහාර එල්ල කරන්නේ යැයි ඇමෙරිකාව චෝදනා කරයි.
මේ වනවිට කිසිවකුත් ඉරිදා එල්ල වූ ප්රහාර මාලාවේ වගකීම බාරගෙන නොමැත. පසුගිය දෙසැම්බර් මාසයේදී ඉරාකයේ පිහිටි ‘කේ1’ කඳවුරට එල්ල වූ ඇමෙරිකානු කොන්ත්රාත්කරුවෙක් මිය ගියේය. එම සිදුවීම් මුල් කරගනිමින් තවත් සිදුවීමක් මාලාවක් හට ගත්තේය.
ඉන් දින කිහිපයකට ඇමෙරිකා එක්සත් ජනපදය ඩ්රෝන යානා යොදා ගනිමින් එල්ල කරන මිසයිල ප්රහාරයකින් ඉරානයේ දෙවැනි බලවත්ම පුද්ගලයා ලෙස හැඳින්වුණු ජෙනරාල් කසීම් සුලෙයිමානී මරුමුවට පත්විය. එම ප්රහාරයෙන් ඔහුගේ දකුණු අත සැලකුණු හෂීද් සංවිධානයේ නියෝජ්ය නායකයා වූ අබු මහ්දි අල් මුහන්දිස් ද මිය ගියේය.
ඒ.එෆ්.පී.
055
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ඉරාකයේ ඇමෙරිකානු හමුදා කඳවුරකට රොකට් ප්රහාර
රවින් Monday, 17 February 2020 06:17 AM
මිට ඉස්සෙල්ලා ප්රහාර එල්ල කල වෙලාවෙදිත් කිවේ කිසි හානියක් නැහැ තුවාලකරුවන් නැහැ කියලා නේද? ඒ පිලිබඳ දැන් දැන් එන ආරංචි අනුවනම් සියකට වැඩි තුවාල කරුවන් පිරිසක් හා දැඩි දේපල හානියක් සිදුවෙලාලු. අනේ මන්දා !! ඇත්තනම් තිත්තයි කියලා කතාවකුත් තියෙනවා.
beau Monday, 17 February 2020 01:22 PM
බොහොම හොඳා. දැන් පේනවා නේද ත්රස්තයන් කරන දේවල්. ශවීන්ද්රට කරන්න තිබුන දෙය තමා ඔහු කලේ. බලමුකෝ ඇමෙරිකන් ගොබ්බයො දැන් මොකද කරන්නේ කියල.