ඊශ්රායලයට විදිය හැකි මධ්ය දුර බැලැස්ටික මිසයිලයක් සාර්ථකව අත්හදා බැලීමට ඉරාන විප්ලවීය හමුදාව ඊයේ (3) සමත් විය.
ඉරාන හමුදාව ‘ෂහාබ් 3’ නමැති එම මිසයිලය අත්හදා බැලූවේ එරට කාවීර් කාන්තාරයේ ආරම්භ කෙරුණු යුද අභ්යාසයක් අතරතුරේදීය.
‘ෂහාබ් 3’ මිසයිලයට කිලෝ මීටර් 2,000 දුර යෑමේ හැකියාව ඇති අතර එයට පහසුවෙන්ම ඊශ්රායලයේ ඉලක්කවලට ළඟා විය හැක. ඊශ්රායලය ඇත්තේ ඉරානයේ සිට කිලෝ මීටර් 1,000 ක දුරිනි.
ඉරානයේ යුද අභ්යාසය සජීවි ලෙස වාර්තා කළ එරට ‘අල් අලාම්’ පුවත් සේවය කියා සිටියේ ‘ෂහාබ් 1’ සහ ‘ෂහාබ් 2’ යනුවෙන් කෙටි දුර මිසයිල දෙකක් ද සාර්ථකව අත්හදා බැලූ බවය. එම මිසයිලවලට කිලෝ මීටර් 300 ක් හෝ 500 ක් දුරට යා හැකිය.
ඊට අමතරව ඉරාන හමුදාව සහ විද්යාඥයන් එක් වී නිර්මාණය කළ නියමුවන් රහිත බෝම්බ හෙළන ඩ්රෝන යානා දෙකක් ද අත්හදා බැලූ බව වාර්තා වේ.
නියමුවන් රහිත ඩ්රෝන යානා තාක්ෂණය ඉරාන හමුදාවට අලූත් දෙයකි. ඩ්රෝන යානා භාවිත කරන්නේ ඇමෙරිකාවයි. ඇමෙරිකාව ඔත්තු නිරීක්ෂණයට පමණක් නොව ප්රහාර සඳහා ද ඩ්රෝන යානා යොදා ගනී.
පසුගිය වසරේ ඉරාන ගුවන් සීමාවට ඇතුළු වී ඔත්තු බැලූ ඇමෙරිකා ඩ්රෝන යානයක් තම පාලනයට නතු කර ගැනීමට ඉරානයට හැකිවිය. එම යානය ආපසු ඉල්ලා සිටිය ද ඇමෙරිකාවට එය දීම ඉරානය ප්රතික්ෂේප කළේය.
ඉරානය දැන් ඔවුන්ගේ ඩ්රෝන යානා නිර්මාණය කරන්නේ ඇමෙරිකා යානයේ තාක්ෂණය යොදා ගනිමින් යැයි ඇමෙරිකා රජය සැක කරයි.
ඉරානයේ න්යෂ්ටික වැඩසටහනට විරෝධය පළකරමින් යුරෝපා රටවල් පනවා තිබූ සම්බාධක ආරම්භ වූයේ ද පෙරේදා (2) සිටය. එම සම්බාධක අනුව යුරෝපා රටවල් ඉරානයෙන් තෙල් ආනයනය නැවැත්වීමට තීරණය කර තිබේ. සෙසු රටවල් සමඟ ඉරානය පවත්වන වෙළෙඳ ගනුදෙනුවලට එම සම්බාධක බාධාවක් වෙයි.
ඇමෙරිකාවත්, යුරෝපා රටවලූත් මේ අයුරින් ඉරානයට එරෙහි සම්බාධක පැනැවීමේ ප්රධාන අරමුණ වන්නේ ඉරාන න්යෂ්ටික වැඩසටහන අවලංගු කිරීමය. ඉරානය තරයේ ප්රතික්ෂේප කළත් බටහිර රටවල් චෝදනා කරන්නේ ඉරානය පරමාණු බෝම්බ නිපදවන බවටය.
ඊශ්රායලය පවසන්නේ සම්බාධක යොදා ඉරානය මට්ටු කළ නොහැකි බවත් ඉරානයට හමුදා ප්රහාරයක් එල්ල කළ යුතු බවත්ය. ලෝකයේ ත්රස්තවාදය පතුරුවන්නේ ඉරානය යැයි ද ඊශ්රායලය චෝදනා කරයි.
ඊශ්රායලය ඇමෙරිකාවේ මිතුරෙකි. ඇමෙරිකාවෙන් ලැබුණු න්යෂ්ටික මිසයිලවලින් ඊශ්රායලය ශක්තිමත්ය. ඉරානයට මිසයිල ප්රහාරයක් යැවීමට ඊශ්රායලයට හැකියාව ඇත. කෙසේ නමුත් ඉරානය පවසන්නේ ඊශ්රායලය මිහිතලයෙන් අතු ගා දැමීමට ඔවුන්ට හැකියාව ඇතැයි කියාය.
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ඊශ්රායලයට විදිය හැකි බැලැස්ටික මිසයිලයක් ඉරානය අත්හදා බලයි
නාලක Thursday, 05 July 2012 08:47 PM
ඉරානය ගැහුවොත් ලෝකෙම ඉවරයි
චන්දන Wednesday, 04 July 2012 02:35 PM
ඊස්රායලයට ෂොට් එකක් දෙනනම ඕනි...