2024 දෙසැම්බර් මස 27 වන සිකුරාදා
2024 දෙසැම්බර් මස 27 වන සිකුරාදා
ඉත්තෑවකු මෙන් කටු සහිත එචිඩ්නා නමැති ඈන්ටීට වර්ගයේ මේ සතුන් සිය වර්ගයා බෝකිරීමට අපූරු ක්‍රමයක් අනුගමනය කරයි. ඕස්ට්‍රේලියාවේ ටොරොංගා සත්ත්වෝද්‍යානයේ දී එචිඩ්නා සතුන්ගේ දර්ශන ඡායාරූපයට නැගිමෙන් පසු ඒ බව හෙළිවී ඇත.
එචිඩ්නා සතුන් එකා පසු පස එකා ගමන්කරන ආකාරය ඉතා සුලබ දසුනකි. එසේ වුව ද මෙයට හේතුවක් මෙතෙක් අනාවරණය වී තිබුණේ නැත. ටොරොංගා සත්වෝද්‍යානයේ සේවකයන් පවසන්නේ මේ සතුන් පේළියේ සැමවිටම ඉදිරියෙන් ගමන් කරන්නේ ගැහැනු සත්ත්වයකු බවයි. ඒ පසුපස පිරිමි සතුන් එකිනෙකාට අතිශයින් සමීපව ඉතා දුෂ්කර ගමණක යෙදෙන බව ද ඔවුහු කියති. එයට හේතුව සොයා බැලීමේ දී පෙනීගොස් ඇත්තේ ගැහැනු සතුන් සිය ප්‍රජනක කාලයේ දී පිරිමි සතුන් ආකර්ශනය කරගැනීමට ලිංගික හෝමෝනයක් නිකුත් කරන බවයි. එයට ආකර්ෂණය වන පිරිමි සතුන් ගැහැනු සතා පසුපස උගේ අඩිපාරේ ගමන් කරයි.
මෙය අපූරු දසුනකි. උද්‍යාන සේවකයන් පවසන්නේ එය එචිඩ්නා කෝච්චිය යනුවෙනි. මෙලෙස තමා පසුපස වැටී සිටිනි පිරිමි සතුන් අතරින් එකකු ගැහැනු එචිඩ්නා සිය සහකරු ලෙස තෝරාගනී. මෙවැනි අසීරු චාරිකාවක පිරිමි සතුන් යෙදවිමෙන් පසු ස්වකීය වල්ලභයා තෝරාගැනීම ප්‍රහේලිකාවක් බව සත්ත්ව විද්‍යාඥයෝ කියති. ගැහැනු සතා විඩාපත් වූ විට තමා පසුපස මුලින්ම සිටින පිරිමි සතා සමග එක්වන බව නිරික්ෂණය කැර තිබේ.
ස්වභාවික වනයේ දී නම් මෙවැනි ගැහැනු සතකු පිටුපස පිරිමි සතුන් 10ක් පමණ ගමන් කරන බව සත්ත්ව විද්‍යාඥයෝ කියති. අවුරුදු 40ක පමණ කාලයක් ජීවත්වන මේ සත්ත්වයකු තම වර්ගයා බෝ කරන්නේ බිත්තර දැමීමෙනි. ජුනි සිට සැප්තැම්බර් දක්වා කාලයේ ඔවුන් අභිජනනය කරයි. 
දේශගුණික විපර්යාස හේතුවෙන් ඇතිවන කාලගුණික අපදාවල බලපෑම සහ ශ්‍රම බළකා හිඟය හේතුවෙන් ඇමෙරිකාවේ නත්තල් ගස් කර්මාන්තයට විශාල බලපෑමක් එල්ල වී ඇති බවත් මෙ
අසර්බයිජානයේ බාකු අගනුවර සිට රුසියාව බලා පියාසර කරද්දී, කසක්ස්තානයට කඩා වැටුණු අසර්බයිජාන ගුවන් සේවයට අයත් ගුවන් යානයේ පියසරි දත්ත අඩංගු කළු පෙට්ටිය
ජපන් ජාතික ගුවන් සේවයට සයිබර් ප්‍රහාරයක් එල්ල විය. සයිබර් ප්‍රහාරය හේතුවෙන් ගුවන් ගමන් බොහොමයක් ප්‍රමාද වූ අතර ගුවන් බලධාරීන් ඒ සම්බන්ධයෙන් මගීන්ගෙන
ඇමෙරිකන් ජනාධිපති ධුරයෙන් ඉවත් වන ජනාධිපති ජෝ බයිඩන් සහ නව ජනාධිපති ලෙස එම ධුරය බාර ගැනීමට සූදානමින් සිටින ඩොනල්ඩ් ට්‍රම්ප් එකිනෙකට වෙනස් නත්තල් පණි
ඇමෙරිකන් ජනාධිපතිවරයා මෙසේ පැවැසුවේ, නත්තල් දා යුක්රේනයේ නගර කීපයකට, රුසියාවෙන් මිසයිල සහ ඩ්‍රෝන ප්‍රහාරය තරයේ හෙලා දකිමිණි.
මොසැම්බික් බන්ධනාගාර බලධාරීන් පැවැසුවේ පලා ගිය රැඳවියන්ගෙන් 150 දෙනකු අල්ලා ගැනීමට හැකිවුණු බවය. සෙසු පිරිස සොයා දිගටම මෙහෙයුම සිදු කරන බවත් බන්ධනාගාර
2024 දෙසැම්බර් මස 24
133
0
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
115
0
දශක 3කට අධික කාලයක් තිස්සේ ශ්‍රී ලාංකිකයින්ගේ මුඛ සෞඛ්‍යය වෙනුවෙන් කැපවන ප්‍රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
2024 දෙසැම්බර් මස 20
84
0
මෙරට උසස් අධ්‍යාපන ක්ෂේත්‍රය නව මානයකට ගෙනගිය හෝමාගම පිහිටා තිබෙන NSBM හරිත සරසවිය එළැඹෙන ජනවාරි 4 සහ 5 යන දෙදින පුරා ’’හරිත සරසවියක අසිරිය විඳගන්න” යන තේ
එචිඩ්නාගේ ස්වයංවරය
රුෂාන් Friday, 03 October 2014 01:24 AM
බොහොම හොඳයි සෑම් මහත්තයා (නි)
ගමගේ Friday, 03 October 2014 02:24 AM
සැම්, ඔබ හරි. (නි)
සරත් Thursday, 02 October 2014 08:37 AM
සත්ව ලෝකය කොහොමත් ඔය වගේ තමයි. හරිම සුන්දරයි. ප්‍රබලයා ජයගන්නවා. (නි)
රූපවතී Thursday, 02 October 2014 08:50 AM
මම ඉන්න රටේ මේ සතුන් නිතර වාහන වලට යටවෙලා මැරෙනවා. මේ සතා සුළු දෙයකටත් තම ආත්ම ආරක්ෂාවට තම ශරීරය බෝලයක හැඩයට රවුම් කරගෙන ඔලුව හංගාගන්න නිසා, වාහන වලට ගොදුරු වෙලා මැරෙනවා. සෑම දිනකම උදේට වැඩට යනවිට පාරේ 3,4 දෙනෙක් වාහන වලට යටවී මැරිලා ඇති සැටි මා දකිනවා. හරිම අහිංසක සතෙක් ..!! (නි)
රම්සියා Thursday, 02 October 2014 08:54 AM
අපේ ලොකු ලොකු අයගේ සමහර පුතුන්ව මට මතක් වුණා (නි)
සෑම් Thursday, 02 October 2014 10:41 AM
හේමන්ත, ඔබ මොන රටේ ජීවත් වෙන කෙනෙක්ද කියන්න මම දන්නේ නැහැ. කුඩා රටක් වන ලංකාවේ අපිට ආවේනික සතුනුත් විශාල සංඛ්‍යාවක් ඉන්නවා. නමුත් ඕස්ට්‍රේලියාවෙත් ඊට ආවේනික සතුන් වන කැන්ගරුවන්, වොලබි ,කොවාලා , ප්ලැටිපුස්, තස්මේනියන් ඩෙවිල්,වැනි සතුන් විශාල සංඛ්‍යාවක් "හොඳින් "ඉන්නවා. මොකද මේ රටේ මඩේ එරුණ අලි පැටියාගේ වලිගය කපාගෙන ගිය මිනිහා වගේ නරක මිනිස්සු ඉතාම අඩුයි.(අ)
රුවන් Friday, 03 October 2014 01:52 PM
හේමන්ත කියන කෙනා මොන පුවතට ප්‍රතිචාර දැම්මත් එයාගේ අදහසම විතරක් නිවැරදියි කියන මතයේ ඉන්න කෙනෙක්. (නදී)
හේමාල් Friday, 03 October 2014 01:58 PM
හේමන්ත ඔබට මේ සතාව අල්ලන්නේ නැති වුනාට හැමෝටම එහෙම වෙන්න ඕන නැහැ නේද ? (නදී)
චාලි Friday, 03 October 2014 02:03 PM
ඇයි සෑම් දන්නේ නැද්ද, හේමන්ත ඉන්නේ බ්‍රහ්ම ලෝකයෙනේ. එයාට හැම පුවතකම වැරැද්දක්මයි පේන්නේ. (නි)
දාස් Saturday, 04 October 2014 01:03 PM
කොච්චර ලස්සන දසුනක්ද. මට නම් මේක විතරක් නෙමේ ස්වාබ ධර්මයේ වෙන හැම දෙයක්ම ලොකු දෙයක්. අද උදේ මම නැගිටලා ජීවත් වෙලා ඉන්න එකත් ලොකු දෙයක්. (නදී)
හේමන්ත Thursday, 02 October 2014 11:54 AM
සෑම්, ඔයා නිදි පැදුරෙන් අවදිවෙලා වගේ බෙරිහන් දෙන්න එපා. යන්නේ කොහේද මල්ලේ පොල් කිවුවලු. ඒවගේ හතරබීරි කතාවක් තමයි ඔයා කියන්නේ. අපි ඕනෑ තරම් දැකලා තියෙනවා සතුන් රැලේ යන කාලෙට ගැහැණු සතා පස්සෙන් යනවා. ඉතින් මේක අලුත් අත්දැකීමක් නොවෙයි ගොඩක් අයට. වෙනසකට තියෙන්නේ මේ සතා ලංකාවේ නැති එක තමයි. (නි)
සත්‍යයා Friday, 03 October 2014 03:44 PM
එචිඩ්නා නෙමෙයි එකීඩ්නා. (අ)
සෑම් Thursday, 02 October 2014 12:46 PM
මට මේ කතාවෙන් තේරෙන්නේ මේ පිටුපසින් යන සතුන්ටත් වෙන්නේ ඡන්දෙ කාලෙට අපේක්ෂකයින් පසුපස පෝළිමේ යන කට්ටියට වෙන දේම තමා (නි)
සෑම් Friday, 03 October 2014 07:16 AM
අපෝ මේ හෙමන්තගෙන් බැනුම් අහපු සෑම් මම නොවයි. රුෂාන් බොහොම හොඳයි කියපු සැම් මම. අනේ මන්ද අදහස් දාන නමට පේටන්ට් බලපත්‍රය ගන්න වෙයි වගේ. (ස)
හේමන්ත Thursday, 02 October 2014 04:41 AM
සතෙක් සිව්පාවෙක් දකින්න නැති සමහර රටවල ඉන්න අයට මේවා ලොකු දේවල් තමයි.(අ)