'කොවිඩ් 19' හෙවත් නව කොරෝනා වයිරසයේ මූලාරම්භය සම්බන්ධයෙන් ඇමෙරිකන් බුද්ධි අංශ සකස් කළ වාර්තාව ඇමෙරිකන් ජනාධිපති ජෝ බයිඩන් අතට ලැබී ඇතැයි ධවල මන්දිරය නිකුත් කළ නිවේදනයක දැක්වෙයි.
'කොවිඩ් 19' ආරම්භය සම්බන්ධයෙන් චීනයෙන් ලබා ගත් දත්ත සහ විස්තර ප්රමාණවත් නොවන බැවින්, වයිරසයේ ආරම්භය නිවැරදිව හඳුනා ගැනීමට ඇමෙරිකන් බුද්ධි අංශ අපොහොසත් බව වාර්තාවේ සඳහන් වන බව ධවල මන්දිරය මාධ්ය හමුවේ නිකුත් කළ නිවේදකයක දැක්වෙයි.
'කොවිඩ් 19' වයිරසයේ ආරම්භව සිදුවූයේ 2019 දෙසැම්බරයේ චීනයේ හුබෙයි පළාතේ වූහාන් නුවරිනි. 2020 වසර වෙද්දී එය ලොව පුරා ව්යාප්ත විය. වයිරසය චීනයේ වූහාන් පිහිටි වයිරස රසායනාගාරයෙන් කාන්දු වූවක් බවත්, එය චීන හමුදා විද්යාඥයන් විසින් නිර්මාණය කරනු ලැබූවක් යැයි ඇමෙරිකන් බුද්ධි අංශ පමණක් නොව, ඕස්ට්රේලියානු බුද්ධි අංශ පවා එම අවස්ථාවේදී චීනයට චෝදනා නගන්න විය.
එවකට ඇමෙරිකාවේ ජනාධිපති ධුරය හෙබවූයේ ඩොනල්ඩ් ට්රම්ප්ය. ජනපති ට්රම්ප් දිගින් දිගටම 'කොවිඩ් 19' වයිරසය හඳුන්වා දෙන්න වූයේ ද 'චීන වයිරසය' යනුවෙනි. ජනාධිපති ධුරයට පත්වීමෙන් පසු බයිඩන් ඇමෙරිකන් බුද්ධි අංශ වෙත දින 90 ක කාලයක් ලබා දී තිබුණේ 'කොවිඩ් 19' වයිරසයේ මූලාරම්භය ගැන තමන්ට සම්පූර්ණ වාර්තාවක් අවශ්ය බවටය.
'කොවිඩ් 19' වයිරසයේ මූලාරම්භය සම්බන්ධයෙන් ලෝක සෞඛ්ය සංවිධානය මැදිහත් වී, විශේෂ විමර්ශන කණ්ඩායමක් වූහාන් වෙත යවා විමර්ශනයක් කෙරුණි. ඒ, මෙම වසර ආරම්භයේදීය. එම විමර්ශනය අවසන් වූයේ ද වයිරසයේ මූලාරම්භය නිවැරදිව පැවැසිය නොහැකි බවත්, චීන සෞඛ්ය අංශ මුල්ම වයිරස ආසාදිතයයන්ගේ දත්ත තමන්ට ලබා නොදුන් බවත් ලෝක සෞඛ්ය සංවිධානය පෙන්වා දෙමිනි.
මේ අතරතුරේ චීනය ද ඇමෙරිකාවට චෝදනා කර තිබෙන්නේ, 'කොවිඩ් 19' වයිරසය පළමුවෙන්ම ආරම්භ වූයේ 2019 ජූලි මාසයේ ඇමෙරිකා හමුදා කඳවුරකින් බවය. චීනය පවසන ආකාරයට, වයිරසය සමාජගත වී ඇත්තේ ඇමෙරිකාවේ 'ෆෝට් ඩෙට්ට්රික්' නමැති හමුදා කඳවුරෙනි. මෙම කඳවුරේ වයිරස ගබඩා කර ඇති අතර ඒවා විවිධ රසායනික අවි සඳහා යොදා ගන්නා බව පැවැසෙයි.
කඳවුරේ සිටි නිලධාරීන්, විද්යාඥයන් පමණක් නොව, කඳවුර අවට පදිංචි බොහෝ දෙනකු ද රෝගී වූ බවත් ඔවුන් සියලු දෙනාගෙන් පෙන්නුම් කළේ 'කොවිඩ් 19' රෝග ලක්ෂණ සහ 'කොවිඩ් 19' නියුමෝනියා තත්ත්වය බවත් චීනය චෝදනා කර ඇත. චීනය එල්ල කරන මෙම චෝදනා සම්බන්ධයෙන් ඇමෙරිකා හමුදාව කිසිවක් පවසා නැත.
(රොයිටර්)
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
’කොවිඩ් 19’ සුලමුල පිළිබඳ බුද්ධි වාර්තාව බයිඩන් අතට
Nalin Thursday, 26 August 2021 03:48 PM
ඇමරිකා එක්සත් ජනපදය සහ චීනය යන දෙකම එන්නත් අලෙවි කරන අතර විශාල මුදලක් ලබා ගනී ...
Raveendra Friday, 27 August 2021 10:16 AM
දැන් බලනකොට බයිඩන් ආත බූත නැතිව එහෙ මෙහෙ අතගානවා වගේ... අනේ අම්මපා තමන් වගාකළ දෙය තමන් නෙලා ගන්නවා යන වටිනා කියමන බයිඩන් ට පැහැදිලි කරලා දෙන්න කෙනෙක් නැති හැටි...