චීනයේ ගොන්ෂූ පළාතේ ඩින්ග්සී නගරය කැළැඹූ භූමි කම්පාවෙන් මියගිය ගණන 100 තෙක් ඉහළ ගොස් ඇති බවත් තුවාල ලැබූ ගණන 700 ක් බවත් චීන බලධාරීහු ඊයේ (23) නිවේදනය කළහ.

රික්ටර් මාපකයේ ප‍්‍රබලත්වය ඒකක 6.6 ක් සටහන් කළ එම භූමි කම්පාව හටගත්තේ පෙරේදා (22) උදෑසන කැළැඹී ගියේය. එම භූමි කම්පාවෙන් පසු, පසුකම්පන 400 ක් හට ගත්තේය. ඒවා ද රික්ටර් මාපකයේ ඒකක 3 ත් 4 ත් අතර අගයන් සටහන් කළේය.

ගොන්ෂූ පළාතේ මිලියන 26 ක පිරිසක් ජීවත් වෙති. ඔවුහු බොහෝ දෙනා ගොවීහුය. භූමි කම්පාවෙන් උන්හිටිතැන් අහිමි වූ පිරිස් සඳහා අවශ්‍ය සහනාධාර බෙදා දීමේ කටයුතු කඩිනමින් ආරම්භ කර ඇතැයි චීන බලධාරීහු වැඩි දුරටත් කියා සිටිති. සහන සේවා කටයුතුවලට හමුදාවේ ද සහාය හිමි වී ඇත.

2008 වසරේ චීනයේ ෂින්හුවා පළාත අති ප‍්‍රබල භූමි කම්පාවකට ගොදුරු විය. එයින් මියගිය ගණන 90,000 කි. සිදුවුණු දේපොළ හානිය අතිමහත්ය. චීනය බහුලව භූමි කම්පාවලට ගොදුරු වෙයි.