බංග්ලාදේශයේ ඩකා අගනුවරට කිලෝ මීටර් 40 ක් දුරින් පිහිටි ගාසිපූර් නගරයේ ඇඟලූම් කම්හල් ගොඩනැගිල්ලක ඊයේ (9* හදිසියේම හටගත් ගින්නකින් එහි සිටි නව දෙනෙක් ඊට බිලිවූහ. 15 දෙනෙක් තුවාල ලැබූහ.

ගිනි නිවන භටයෝ වහා කි‍්‍රයාත්මක වී පැය කිහිපයක් ඇතුළතදී ගින්න නිවා දැමූහ. ගින්නට හේතුව කුමක්දැයි මෙතෙක් අනාවරණය වී නැති අතර, ඒ ගැන පරීක්ෂණ දිගටම සිදු කෙරන බව බලධාරීහු පවසති.

ගාසිපූර් බලධාරීන් වැඩිදුරටත් කියා සිටියේ ගින්නට හසුවී මියගිය පිරිස අතර, කම්හලේ කළමණාකාරවරුන් තිදෙනකු ද සිටින බවය. තුවාල ලැබූවන්ගෙන් කිහිප දෙනකු දුම් ආඝ‍්‍රාණය වූවන් බව රෝහල් ආරංචි මාර්ග පවසයි.

බංග්ලාදේශයේ ඇඟලූම් කම්හලවල ආරක්ෂාව සහ ප‍්‍රමිතිය ගැන පසුගිය වසර කිහිපය තිස්සේ කතාබහට ලක්විය. මේ වසර මුලදී ඇඟලූම් කම්හල් දෙකක ගින්නක් හට ගත්තේය.

ඉකුත් අපේ‍්‍රල් මාසයේ, ඇඟලූම් කම්හල් ගොඩනැගිල්ලක් කඩා වැටීමෙන් 500 කට ආසන්න පිරිසක් පණ පිටින් වැළැලී ගියහ. දහසකට වැඩි පිරිසක් තුවාල ලැබූහ. මෑත කාලයේ බංග්ලාදේශයේ සිදු වූ දරුණුතම කම්හල් අනතුර එය යැයි පැවැසිණි.

අනතුරට පත් වූ එම ඇඟලූම් කම්හල් ගොඩනැගිල්ල පිහිටා ඇත්තේ සවාර් දිස්ති‍්‍රක්කයේය. රානා ප්ලාසා නමින් හැඳින්වෙන එම ගොඩනැගිල්ල කඩා වැටීමට හේතුව මෙතෙක් අනාවරණය වී නැත. වැටුණේ එය නිසි ලෙස නඩත්තු නොකිරීම නිසාය.

සහන සේවකයන් අනතුරට පත්වූවන් සොයමින්...

සහන සේවකයන් ගින්න  නිවමින්...