මලාවි රාජ්‍යය බි‍්‍රතාන්‍යයෙන් නිදහස ලබා වසර 48 ගතවීම නිමිත්තෙන් එරට ජනපතිනී ජොයිස් බණ්ඩා සිරකරුවන් 377 ක් නිදහස් කිරීමට තීරණය කළාය. එම සිරකරුවන්ගෙන් බොහෝ දෙනෙක් යහපත් කල්කි‍්‍රයාව සහ දඬුවම් කාලයෙන් අඩක් නිම කර තිබූ අය වෙති. ස්තී‍්‍ර දුෂණ චෝදනාවලට වැරැදිකරුවන් වූ සිරකරුවන්ට නිදහස දීම ප‍්‍රතික්ෂේප කළ ජනපතිනිය ප‍්‍රකාශ කළේ ඔවුන්ට සිරගෙය තුළම මිය යෑමට ඉඩ හළ යුතු බවය. මෙවර මලාවි නිදහස් දිනය වෙනුවෙන් උත්සව පැවැත්වීමට අධික මුදලක් වැය නොකරන ලෙසද පැවසූ ජනපතිනිය අවධාරණය කළේ  ජාත්‍යන්තර ආධාර නොලැබීයාම හේතුවෙන් මුහුණදී සිටින අර්බුදකාරී තත්ත්වයෙන් රට මුදා ගැනීමට කටයුතු කරමින් සිටින මොහොතේදී එවැනි උත්සව නුසුදුසු බවය. ජනපතිනියගේ මෙම තීරණය මලාවි ජනතාවගේ ප‍්‍රසාදයට හේතු වී ඇති බව ද වාර්තා වේ. ඉකුත් අපේ‍්‍රල් මාසයේදී හිටපු ජනපති මුතරිකාගේ හදිසි අභාවයෙන් අනතුරුව ජොයිස් බණ්ඩා බලයට පත් වූවාය.