රුසියන් බස රාජ්‍ය භාෂාව කිරීමට යුක්රේන ජනපති වික්ටර් යැන්කෝවිච්ගේ රජය ඉදිරිපත් කළ පනත් කෙටුම්පතට විරෝධය පළ කරමින්, පාලක පක්ෂ සහ විපක්ෂ අතර පෙරේදා (24) එරට පාර්ලිමේන්තුවේදී ගුටි බැට හුවමාරුවක් සිදුවිය. 2010 වසරේ පැවැති ජනපතිවරණයෙන් බලයට පත් යුක්රේන ජනපති වැන්කොවිච් රුසියාවට හිතවාදී අයෙකි. ඔහුගේ රජය ඉදිරිපත් කළ එම පනත් කෙටුම්පතට අනුව රුසියන් බස රාජ්‍ය භාෂාව කිරීමට යෝජනා කළේ යුක්රේන බසට ද සමානවය. යුක්රේනයේ වෙසෙන බහුතරය යුක්රේන ජාතිකයන් වන අතර එය සියයට 77.8 ක ප‍්‍රතිශතයකි. සුළුතරය වන්නෝ රුසියානුවෝය. ඔවුන්ගේ ප‍්‍රතිශතය සියයට 17.3 කි. යුක්රේනය පිහිටා ඇත්තේ මධ්‍යම සහ නැගෙනහිර යුරෝපයේය. එය මායිම් වන්නේ බෙලරූස් රාජ්‍යයට සහ රුසියාවටය. පනත් කෙටුම්පත පාර්ලිමේන්තුවට ඉදිරිපත් කළ අවස්ථාවේදීම විපක්ෂ මැති ඇමැතිවරුන්ගෙන් ඊට විරෝධයක් එල්ල විය. වාග් ප‍්‍රහාරවලින් ඇරැුඹි එම විරෝධය ගුටි බැට හුවමාරුවක් තෙක් දුරදිග ගිය අතර කතා නායකවරයාට හෝ වෙනත් කිසිවකුට හෝ ගැටුම පාලනය කර ගැනීමට නොහැකි විය. හිස තුවාල වූ සහ අතක් බිඳී ගිය මන්තී‍්‍රවරුන් දෙදෙනකු රෝහල් ගත කරන ලද බවත් ඔවුන්ගේ තත්ත්වය බරපතළ නොවන බවත් වාර්තා වේ.