රූ රැජින බදාමත් අනයි

රූ රැජිනක් වුවද බ්‍රිතාන්‍යය ජාතික විසි තුන් හැවිරිදි සොපී ලයිඩා ස්මිත්ගේ වැඩි කැමැත්ත නිවාස ඉදිකිරීමේ කටයුතු වල යෙදීමය.

තම පිරිමි සගයන් සමග හරි හරියට වැඩ කරන ඇය බදාම ඇනීමේ සිට බිත්තී බැදීම දක්වා සියලූ දේ කිරීමට සමත්කම් දක්වන්නීය.

ඇය ජීවත් වන චෙටෙන්හැම් ප්‍රදේශයේ රූ රැජින වන ඇයට බි්‍රතාන්‍යය රූ රැජින තරගාවලියට සහභාගී වීමටද අවස්ථාව හිමිව ඇත.

‘රූ රැජිනක් වීම ගැන සතුටුයි.නමුත් මම වැඩියෙන් කැමති මේ වගේ වැඩ වල යෙදෙන්න‘ ඇය කියන්නීය.

විශ්වවිද්‍යාලයේ උපාධියක්ද හදාරන ඇයට ගෘහ නිර්මාන ශිල්පය හා ඉදිකිරීම් කටයුතු සම්බන්ධයෙන් හසළ දැනුමක් ඇත.

‘මම අධ්‍යාපනය හැදැරූ ආයතනයේ සිටිය එකම ගැහැණු ළමයා මම.එහෙම වුනාය කියලා මම බය වුනේ නැහැ.මට මගේ අරමුණ කරා යන්න විතරයි වුවමනා වුනේ‘ ඇය පවසන්නීය.

සොපීගේ සමකාලීනයින් තොල් සායම්,නිය ආලේපන,හා පෙනුම ගැන වද වන කල දිනපතා සිමෙන්ති,ගඩොල්,දුහුවිලි හා හරි හරියට ගැටෙන සොපීට ඒවා පිළිඹද වැඩි තැකීමක් නැත.

‘ලස්සන වෙන්න ඕනෙ කෙනෙක් කැමතියි.නමුත් ඒවාට වැඩි කාලයක් මම වැය කරන්නේ නැහැ.මම ඒ වගේ දේවල් කරන්නේ විනෝදාංශයක් ලෙස.මගේ සැබෑ ආශාව තමයි මේ ඉදිකිරීම් ක්ෂේත්‍රයේ වැඩ කිරීම.පිරිමි ගැහැණු කියා නැහැ.ආසාව තියෙනවනම් ඕනෙ කෙනෙක්ට ඕනෙ වැඩක් කරන්න පුලූවන්‘ ඇය කියන්නීය.

අදහස් (0)

රූ රැජින බදාමත් අනයි

ජයතිලක Saturday, 08 March 2014 02:11 AM

ඇත්තම කියනවා නම් බටහිර රටවල් වල මිනිස්සු කරන රැකියාවේ තරාතිරම ගැන ඒ තරම් හිතන්නේ නැහැ. කරන රැකියාවට හොද වේතනයක් ලැබෙනවා නම් එච්චරයි. ලංකාවේ එකේ අනිත් පැත්ත .ඒකට දොස් කියලා වැඩකුත් නැහැ. එදා ඉදන් අද දක්වා ලංකාවේ පැවතුනු සමාජ තත්වයේ ,රැකියාවේ උස් මිටි පරතරය තමයි එයට හේතුව. ඔය දැනටත් සමහරු මේ තිරයේ අදහස් පලකරන කොට අපහාස වන අන්දමට කියන්නේ, "අර ගොල්ලෝ පිටරට ගිහිල්ලා කරන්නේ අරවා හෝදනවා ,සුද්ද කරනවා,තණකොළ කපනවා" කියලා . ඒ මොකද මේ අයට තාමත් ඒ ගතානුගතික ආකල්ප වලින් මිදීමට නොහැකි නිසයි. මිනිසුන්ගේ උසස් පහත් බව මැනිය යුත්තේ කරන රැකියාවේ තරාතිරම අනුව නොව ,තමන් කරන හොද හෝ නරක වැඩ අනුවය.(නදී)

: 0 0

මිහිර Saturday, 08 March 2014 07:35 AM

බ්‍රිතානයේ එහෙම වුනත් ලංකාවේ එහෙම වෙන්නේ නැහැ මොකද මෙහෙ ඉන්නේ බොහොම වැදගත් පිරිසක්.(දිල්)

: 0 0

මාලි Saturday, 08 March 2014 09:22 AM

කවදා ද අපේ රටේ කාන්තාවන් ට මොලේ පෑදෙන්නේ? කේක් හදන්න , ෆෙෂල් දාන්න නම් හැමෝම දන්නවා. එත් මොලේ පාවිච්චි කරල ජීවත් වෙන්න , පවුලට බරක් නොවී ජීවත් වෙන්න උත්සාහ ගන්නේ එහෙමත් කෙනෙක්. බහුතරයකට තියෙන්නේ රැකියා පිලිබඳ පුදුම උද්දච්ච ආකල්ප. මම නම් පාරේ පලා විකුණන කාන්තාවටත් ගරු කරනවා. (අ)

: 0 0

චින්තක දර්ශන Sunday, 16 March 2014 03:15 PM

අපේ රටේ කාන්තා විදේශ ගෘහ සේවය තහනම් කිරීම අවශයි. අපේ රටේ කාන්නා සේවයට නිසි වැටුපක් දෙන්න වුවමනාවෙ .එවිට අපේ කාන්තාවෝ පිට රට වලදී අතවරවීම්,ඇන ගැසීම් වලට ලක් නොවනු ඇත .උපන් රටට සේවය ලබාදිය හැක.රූ රැජිනගෙන් අපට හොඳ ආදර්ශයක්. (දී)

: 0 0

පාල Saturday, 08 March 2014 11:20 AM

එක ටෙලි නාට්‍යක, දෙකක රඟපාලා මම තමයි නිළිය කියල හිතාගෙන බත් ටික කන්නත් හැඳි ගෑරුප්පු හොයන අපේ සමහර නිළියන්ට මේ ලිපිය බොහෝ ආදර්ශවත්. (නදී)

: 0 0

රූපවතී Sunday, 09 March 2014 04:33 PM

ජයතිලක මහත්මයා, ඔබේ වදන් පෙලට මම ගොඩාක් ගරුකරනවා. අපේ මිනිසුන්ට නොපෙනෙන ඇත්ත ඔබ විසින් ලියා තිබෙනවා.(නදී)

: 0 0

නිලූ විදානගේ සෞදි අරාබිය Sunday, 09 March 2014 05:19 PM

ජයතිලක මහත්තයෝ කතාව සම්පුර්න ඇත්ත. ඔය දේ හින්දා තමා අපේ රට හැමදාම එක තැන. (නදී)

: 0 0

පද්මිණි _ප්‍රංශය Monday, 10 March 2014 05:37 PM

මම ඉන්න නගරයේ නගරාධිපතිගේ ලේකම් වරියගේ මහත්තයා වඩු බාස්, පුතා ගස් කපන රැකියාව. මටත් ඒ ගැන මුලින් පුදුම හිතුන. පස්සේ මම ගැන ලජ්ජා හිතුන.(අ)

: 0 0

රජින්ද Friday, 07 March 2014 05:24 PM

ආවේෂක පුවතක්. කොයි රටක උන්නත් තමන්ගේ වෘතීය ගැන ඇති ආත්මාභිමානය ගැන ඔබ තුමියට හදපත්ලෙන්ම සුබ පතමි.(නදී)

: 0 0

පාලිත Sunday, 09 March 2014 01:58 AM

බෞද්ධ රටක් වුනාට උනාට මාන්නය වැඩි මිනිස්සු ඉන්නේ අපේ රටේ වීම ලොකු ප්‍රස්නයක්. කවදා හරි යාද මව් රට.(නදී)

: 0 0

ඔබේ අදහස් එවන්න

සයුරෙන් එතෙර

බැලැස්ටික මිසයිල වැඩසටහනට සම්බාධක

2024 දෙසැම්බර් මස 20 352 0

තම බැලැස්ටික් මිසයිල වැඩසටහනට ඇමෙරිකාව සම්බාධක පැනැවීම සම්බන්ධයෙන් පාකිස්තානය විරෝධය පළ කර ඇත.

යුක්රේනය ආක්‍රමණය කරන්න තිබුණේ මීට කලින්

2024 දෙසැම්බර් මස 20 382 0

රුසියාව සම්පූර්ණ හමුදා ශක්තිය යොදවා යුක්රේනය ආක්‍රමණය කළ යුතුව තිබුණේ, මීට වසර බොහෝ ගණනකට කලින් යැයි රුසියානු ජනාධිපති ව්ලැදිමීර් පුටින් පවසයි.

අවසන් විදෙස් සංචාරයට ජනාධිපති බයිඩන් සූදානම්

2024 දෙසැම්බර් මස 20 158 0

අවසන් විදෙස් සංචාරය ආරම්භ කරමින්, ඇමෙරිකා ජනාධිපති ජෝ බයිඩන් ඉතාලියේ සංචාරයකට යෑමට නියමිතය. බයිඩන් සිය ඉතාලි සංචාරය ආරම්භ කරනු ඇත්තේ, ජනවාරි 9 වැනිදාය.