ලිබියාවේ ඇමෙරිකා තානාපති කාර්යාලයට තමන් ප්රහාර එල්ල කළේ සිය සංවිධානයේ දෙවැනි නායකයා මරා දැමීමට කළ පළිගැනීමක් ලෙස බව යේමනයේ කි්රයාත්මක අල් කයිඩා සංවිධානය කියා සිටී. මෙසේ එම ප්රහාරයේ වගකීම බාරගත් අල් කයිඩා සංවිධානය මැදපෙරදිග සහ අපි්රකානු කලාපයේ ජනතාවගෙන් ඉල්ලා සිටින්නේ එම රටවල පිහිටි ඇමෙරිකා තානාපති කාර්යාලවලට අඛණ්ඩව ප්රහාර එල්ල කරන ලෙසයි. ඉස්ලාම් ආගමට නිගරු වන අන්දමින් ඇමෙරිකා/ඊශ්රායල ජාතිකයකු නිෂ්පාදනය කළ ‘ඉනසන්ස් ඔෆ් මුස්ලිම්ස්’ නමැති චිත්රපටය ලිබියාවේ පිහිටි ඇමෙරිකා තානාපති කාර්යාලටය එල්ල වූ ප්රහාරයට හේතු වූ බව විදෙස් මාධ්ය වාර්තා සඳහන් කරයි. එම ප්රහාරයෙන් ලිබියාවේ ඇමෙරිකා තානාපති කි්රස් ස්ටීවන්ස් ඇතුළු ඇමෙරිකානුවෝ තිදෙනෙක් ජීවිතක්ෂයට පත් වූහ. මෙම ප්රහාරය එල්ල වීමෙන් අනතුරුව ඉස්ලාම් විරෝධී චිත්රපටයට විරෝධය පෑ මැදපෙරදිග කලාපයේ රටවල දහස් ගණන් වූ මුස්ලිම් ජනයා තම රටවල සිටින ඇමෙරිකා තානාපති නිලධාරීන්ට රටෙන් පිටවන්නැයි බල කර සිටියහ. මේ අතර ඊජිප්තුව සුඩානය, ටියුනීසියාව, යේමනය, ලෙබනනය වැනි රටවල පැවැති විරෝධතා ප්රචණ්ඩකාරී ස්වභාවයක් ගත් අතර එම පිරිස් තානාපති කාර්යාල තුළට කඩාවැදී දේපළ හානි සිදු කළ බවද වාර්තාවේ. මෙසේ ප්රහාර එල්ල වූයේ තානාපති කාර්යාලවලට පමණක් නොව පාසල් සහ ක්ෂණික ආහාර සපයන ඇමෙරිකා බහුජාතික සමාගම්වලට අයත් අවන්හල්වලටද විරෝධතාකරුවෝ පහර දුන්හ. මේ වන විට අමෙරිකා රාජ්ය දෙපාර්තමේන්තුව ලොව අනෙක් රටවල සිටින සිය තානාපති නිලධාරීන්ගේ ආරක්ෂාව තහවුරු කිරීමට කටයුතු කරමින් සිටින බව එරට රජය සඳහන් කළේය. අරාබි ලෝකය කැලඹූ විරෝධතාවන්ට තුඩු දුන් චිත්රපටය නිෂ්පාදනය කළ පුද්ගලයාගෙන් මේ වන විට ඇමෙරිකා බුද්ධි අංශ නිලධාරීහු ප්රශ්න කර තිබෙන බව වාර්තා වේ. මැදපෙරදිග කලාපයේ රටවල පිහිටි ඇමෙරිකා තානාපති සහ කොන්සල් කාර්යාලවලට එල්ල වන ප්රහාර ඇමෙරිකානු ආධිපත්යයෙන් අරාබි භූමිය නිදහස් කර ගැනීමට ඉවහල් වනු ඇති බව ද යේමන අල් කයිඩාව සඳහන් කළේය. මේ වන විට උද්ගතව ඇති ප්රචණ්ඩකි්රයා මැඬලීමට ලිබියාවට සහ යේමනයට යවා ඇති ත්රස්ත මර්දන හමුදා සේනාංකවලට හැකි වනු ඇතැයි ඇමෙරිකානු ආරක්ෂක ලේකම් ලියොන් පැනේටා පැවැසීය. මීට අමතරව ප්රහාරක යුද නෞකා දෙකක් ද උතුරු අපි්රකානු වෙරළ තීරයේ ස්ථානගත කර තිබේ. සුඩානයේ පිහිටි ඇමෙරිකා තානාපති කාර්යාලය ද පසුගියදා විරෝධතාකරුවන් වැටලූ අතර ඊට ගල්මුල් ප්රහාර එල්ල කළේය. මේ තත්ත්වය යටතේ ආරක්ෂක භට පිරිසක් සුඩානයට එවීමට ඇමෙරිකාව සූදානම් වූවද සුඩාන විදේශ අමාත්යවරයා එම ඉල්ලීම ප්රතික්ෂේප කර ඇති බව වාර්තා වේ.
නිව් යෝර්ක් නගරයට ත්රස්ත ප්රහාරයක් එල්ල කිරීමට සැලසුම් කළ කැනඩාවේ වාසය කරන පාකිස්තාන ජාතික තරුණයෙකු අත්අඩංගුවට ගැනීමට ඇමෙරිකන් ආරක්ෂක අංශ සමත් වී
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ලිබියා තානාපති කාර්යාල ප්රහාරයේ වගකීම ‘යේමන අල් කයිඩාව’ බාරගනී
සමන් Wednesday, 19 September 2012 03:34 AM
දැන් ඉතින් දෙන එකයි රටේ නැති අවි යුධ වලින් (දී)
මොහොමඩ් Tuesday, 18 September 2012 04:11 PM
හැමදේකටම හොට දමන්න ගියහම ඕක තමයි වෙන්නේ. (නි)
නිශ්ශංක Tuesday, 18 September 2012 10:08 PM
එකම ආගමකට මරාගන්න දෙගොල්ලක්. (නි)
මධු Tuesday, 18 September 2012 10:51 PM
ඇමෙරිකානුවන්ට ජය වේවා! (නි)
රාගල Monday, 17 September 2012 09:24 PM
දිට්ට ධම්ම වේදනීය කර්මය ඵල දීලා.(නදී)
රාජා Tuesday, 18 September 2012 12:20 PM
ඉදලා හිටලා හරි ඇමරිකාවටත් එයාලම වපුරපු ඒවගේ අස්වැන්න ලැබෙනවා. (නි)
සිල්වා Wednesday, 19 September 2012 01:14 AM
අනෙක් ආගම් වලට විවේචනය පුලුවන් නම් ඇයි මුස්ලිම් ආගමට විතරක් බැරි? (නි)
සිල්වා Tuesday, 18 September 2012 12:05 AM
වැඩේ ඒ තරම් හොද නැහැ
අන්තෝනි Monday, 17 September 2012 01:21 PM
මට පෙන්නේ 3 වන ලෝක යුද්දය ලගයි වගේ (දී)